Y-Mathiơ 6:10 - Klei Aê Diê Blŭ 2015

¹⁰ Akâo kơ ƀuôn ala mtao Ih truh; akâo kơ klei Ih čiăng srăng jing ti lăn ala msĕ si hlăm adiê.

Y-Mathiơ 6:10 Iomraidhean Croise

Y-Nêhêmi 9:6

Y-Êsra lač, “Ih jing Yêhôwa, knŏng hjăn Ih; Ih mjing leh adiê, adiê kơ jih jang adiê, mbĭt hŏng jih jang phung kahan diñu, lăn ala leh anăn jih jang mnơ̆ng hlăm ñu, jih jang êa ksĭ leh anăn jih jang mnơ̆ng mâo hlăm diñu; leh anăn Ih răng kriê jih jang diñu; leh anăn phung kahan hlăm adiê kkuh mpŭ kơ ih.

Klei Mmuñ Hđăp 2:6

“Kâo mdơ̆ng leh Mtao Kâo ti dlông Siôn, čư̆ doh jăk Kâo.”

Klei Mmuñ Hđăp 40:8

kâo mơak ngă klei Ih čiăng, Ơ Aê Diê kâo; klei bhiăn Ih dôk hlăm ai tiê kâo.”

Y-Êsai 2:2

Hlăm ênuk knhal tuč čư̆ sang yang Yêhôwa arăng srăng mđĭ brei jing čŏng čư̆ dlông hĭn, leh anăn bi mđĭ ñu ti dlông jih jang kbuôn; leh anăn jih jang găp djuê mnuih srăng kluh nao kơ ñu.

Y-Yêrêmi 23:5

“Nĕ anei, hruê srăng truh,” Yêhôwa lač, “Tơdah Kâo srăng bi čăt kơ Y-Đawit sa ƀĕ Adhan Kpă, leh anăn Gơ̆ srăng jing mtao kiă kriê leh anăn ngă hŏng klei thâo mĭn, leh anăn srăng ngă klei kpă ênô leh anăn klei djŏ hlăm čar.

Y-Đaniel 2:44

Hlăm ênuk phung mtao anăn, Aê Diê hlăm adiê srăng mdơ̆ng sa boh ƀuôn ala mtao amâo srăng tuôm rai luč ôh, kăn klei kiă kriê anăn srăng lĕ kơ găp djuê mkăn rei, ƀiădah ƀuôn ala mtao Aê Diê srăng bi mčah leh anăn bi rai jih jang ƀuôn ala mtao anei, leh anăn ñu srăng dôk nanao hlŏng lar.

Y-Đaniel 4:35

Jih jang mnuih ti lăn ala jing msĕ si hơăi mang; leh anăn Ñu ngă tui si klei Ñu čiăng hlăm phung kahan hlăm adiê leh anăn hlăm phung mnuih ti lăn ala; amâo mâo sa čô dưi kơ̆ng kngan Ñu ôh, amâodah lač kơ Ñu, “Ya klei Ih ngă?”

Y-Đaniel 7:13

Kâo ƀuh hlăm klei bi ƀuh êjai mlam, nĕ anei mâo sa čô msĕ si Anak Mnuih hriê mbĭt hŏng knam mơ̆ng adiê. Ñu truh kơ Pô Dôk Hdĭp Mơ̆ng Ênuk Đưm, leh anăn arăng bi êdah Gơ̆ ti anăp Pô Dôk Hdĭp Mơ̆ng Ênuk Đưm.

Y-Đaniel 7:27

Leh anăn arăng srăng jao ƀuôn ala mtao, klei dưi kiă kriê, leh anăn klei prŏng jih jang ƀuôn ala mtao ti gŭ jih adiê kơ phung doh jăk, phung ƀuôn sang Pô Ti Dlông Hĭn. Ƀuôn ala mtao Ñu srăng jing ƀuôn ala mtao dôk hlŏng lar, leh anăn jih jang phung kiă kriê srăng mă bruă leh anăn gưt kơ Ñu.’

Y-Sakari 9:9

Hơ̆k kdơ̆k êdi bĕ, Ơ Anak Mniê Ƀuôn Siôn! Ur driâo bĕ, Ơ anak mniê ƀuôn Yêrusalem! Nĕ anei, mtao ih hriê kơ ih, Ñu kpă ênô leh anăn mâo klei bi mtlaih, luă gŭ đĭ sa drei aseh dliê, sa drei êđai aseh dliê.

Y-Mathiơ 12:50

Kyuadah hlei pô ngă tui si klei Ama Kâo hlăm adiê čiăng jing ayŏng adei, amai adei leh anăn amĭ Kâo.”

Y-Mathiơ 16:28

Sĭt nik Kâo lač kơ diih, mâo đa đa dôk tinei amâo srăng djiê ôh êlâo kơ diñu ƀuh Anak Mnuih hriê hlăm ƀuôn ala mtao Ñu.”

Y-Mathiơ 26:42

Ñu lŏ nao tal dua leh anăn wah lač, “Ơ Ama Kâo, tơdah Ih amâo dưi mă atŏ anei ôh mơ̆ng Kâo tơl Kâo mnăm leh, brei truh tui si Ih čiăng.”

Y-Mathiơ 3:2

“Kmhal hĕ bĕ kơ klei soh diih, kyuadah ƀuôn ala mtao adiê giăm truh leh.”

Y-Mathiơ 4:17

Dơ̆ng mơ̆ng hruê anăn Yêsu dơ̆ng mtô, “Kmhal hĕ bĕ kơ klei soh diih, kyuadah ƀuôn ala mtao adiê giăm truh leh.”

Y-Mathiơ 7:21

“Amâo djŏ ôh grăp čô hlei pô lač kơ Kâo, ‘Ơ Khua Yang, Ơ Khua Yang’ srăng mŭt hlăm ƀuôn ala mtao adiê, ƀiădah knŏng hlei pô ngă tui si Ama Kâo hlăm adiê čiăng.

Y-Markôs 11:10

Aê Diê hơêč hmưi kơ ƀuôn ala mtao ama drei Y-Đawit srăng truh! Hôsana, Pô Ti Dlông Hĭn!”

Y-Markôs 3:35

Hlei pô ngă klei Aê Diê čiăng jing ayŏng adei, amai adei leh anăn amĭ Kâo.”

Y-Luk 19:11

Êjai diñu dôk hmư̆ klei anăn, Yêsu lŏ blŭ sa klei bi hriêng, kyuadah Ñu dôk giăm ƀuôn Yêrusalem, leh anăn kyuadah diñu mĭn ƀuôn ala mtao Aê Diê srăng truh djăl.

Y-Luk 19:38

Diñu lač, “Aê Diê hơêč hmưi kơ Mtao hriê hlăm anăn Khua Yang! Brei mâo klei êđăp ênang hlăm adiê leh anăn klei guh kơang kơ Pô Ti Dlông Hĭn!”

Y-Luk 22:42

“Ơ Ama, tơdah Ih čiăng, mă mđuĕ hĕ atŏ klei knap mñai anei mơ̆ng Kâo; ƀiădah tui si Ih čiăng, amâo djŏ tui si Kâo čiăng ôh.”

Y-Yôhan 4:34

Yêsu lač kơ digơ̆, “Mnơ̆ng Kâo ƀơ̆ng huă jing klei ngă tui si Pô tiŏ hriê Kâo čiăng, leh anăn bi leh bruă Ñu.

Y-Yôhan 6:40

Kyuadah snei klei Ama Kâo čiăng: brei grăp čô hlei pô ƀuh Anak leh anăn đăo kơ Ñu srăng mâo klei hdĭp hlŏng lar; leh anăn Kâo srăng bi kbiă lŏ hdĭp digơ̆ ti hruê knhal tuč êdei.”

Y-Yôhan 7:17

Tơdah sa čô mnuih čiăng ngă tui si klei Aê Diê čiăng, gơ̆ srăng thâo thâodah klei Kâo mtô kbiă hriê mơ̆ng Aê Diê amâodah Kâo blŭ tui si klei dưi Kâo pô.

Bruă Phung Khua Ƀĭng Kna 13:22

Leh Aê Diê mdlưh hĕ Y-Sôl, Ñu bi mđĭ brei Y-Đawit jing mtao kơ digơ̆; kơ pô anăn Ñu hưn snei, ‘Kâo ƀuh leh Y-Đawit anak êkei Y-Yêsê jing sa čô djŏ hŏng ai tiê Kâo, pô srăng ngă jih jang klei Kâo čiăng.’

Bruă Phung Khua Ƀĭng Kna 21:14

Kyuadah ñu amâo tŭ klei hmei kwưh ôh, hmei amâo lŏ mgô̆ ôh leh anăn lač, “Brei truh tui si klei Khua Yang čiăng.”

Bruă Phung Khua Ƀĭng Kna 22:14

Ñu lač, ‘Aê Diê phung aê drei čuăn leh ih brei thâo klei Ñu čiăng, brei ƀuh Pô Kpă, leh anăn brei hmư̆ asăp ƀăng êgei Gơ̆ blŭ;

Hră Y-Pôl Mơĭt kơ Phung Rôm 12:2

Đăm jing msĕ si phung ênuk anei ôh, ƀiădah brei Aê Diê bi mlih klei hdĭp diih hŏng klei Ñu lŏ bi mrâo klei mĭn diih, čiăng kơ diih dưi thâo ya jing klei Aê Diê čiăng jăk, mơak, leh anăn klă.

Êphêsô 6:6

amâo djŏ ôh knŏng čiăng gưt ti anăp ală diñu, msĕ si čiăng bi mơak kơ mnuih, ƀiădah msĕ si phung hlŭn Krist, ngă tui si klei Aê Diê čiăng hŏng jih ai tiê.

Kôlôs 1:13

Ñu bi mtlaih drei leh mơ̆ng klei myang klei mmăt, leh anăn atăt ba drei kơ ƀuôn ala mtao Anak Ñu khăp êdimi.

Kôlôs 1:9

Kyuanăn mơ̆ng hruê hmei hmư̆ hing klei anăn, hmei amâo mdei ôh wah lač kyua diih, akâo kơ Aê Diê bi bŏ diih hŏng klei thâo kral klei Ñu čiăng hlăm jih klei thâo mĭn leh anăn klei thâo săng myang,

I Têsalônik 4:3

Kyuadah snei klei Aê Diê čiăng, klei diih jing doh jăk; đăm brei diih ngă klei knhông ôh;

I Têsalônik 5:18

Bi mni bĕ kơ Aê Diê hlăm jih jang klei truh; kyuadah klei anăn jing klei Aê Diê čiăng diih ngă hlăm Krist Yêsu.

Hêbrơ 1:14

Snăn, hlei jing phung dĭng buăl jăk? Amâo djŏ hĕ jih jang diñu jing phung yang Aê Diê tiŏ nao mă bruă kơ phung srăng dưn klei bi mtlaih?

Hêbrơ 10:36

Kyuadah yuôm kơ diih mâo klei gĭr, čiăng kơ tơdah diih ngă leh klei Aê Diê čiăng, srăng mă tŭ klei Ñu ƀuăn leh.

Hêbrơ 10:7

Snăn kâo lač, ‘Ơ Aê Diê, Nĕ anei, kâo hriê leh čiăng ngă klei Ih čiăng,’ tui si arăng čih leh djŏ kơ kâo hlăm hdruôm hră klĭt.”

Hêbrơ 13:21

brei kơ diih klei dưi ngă djăp mta bruă jăk, čiăng kơ diih dưi ngă klei Ñu čiăng, êjai Ñu mă bruă hlăm diih klei bi mơak kơ Ñu hlăm Yêsu Krist. Kơ Ñu yơh brei mâo klei guh kơang hlăm jih jang ênuk. Amen.

I Y-Pêtrôs 2:15

Kyuadah snei jing klei Aê Diê čiăng: hŏng klei ngă klei jăk diih srăng brei klei blŭ hơăi mang phung mluk mgu dôk ñăt.

I Y-Pêtrôs 4:2

čiăng kơ êjai ñu ăt dôk hdĭp hlăm kđeh, ñu amâo lŏ hdĭp tui si klei mnuih tluh ôh, ƀiădah tui si klei Aê Diê čiăng.

Klei Bi Êdah 11:15

Leh anăn dĭng buăl jăk tal kjuh ayŭ ki ñu, leh anăn mâo hlăm adiê lu asăp kraih lač, “Ƀuôn ala mtao lăn ala jing leh ƀuôn ala mtao Khua Yang drei leh anăn Krist Ñu, leh anăn Ñu srăng kiă kriê hlăm jih jang ênuk.”

Klei Bi Êdah 12:10

Leh anăn kâo hmư̆ hlăm adiê asăp kraih lač, “Ară anei klei bi mtlaih, klei myang, ƀuôn ala mtao Aê Diê drei, leh anăn klei dưi Krist Ñu truh leh, kyuadah arăng dlăm leh ti gŭ pô kčŭt kơ phung ayŏng adei drei pô kčŭt kơ diñu hruê mlam ti anăp Aê Diê drei.

Klei Bi Êdah 19:6

Êdei tinăn kâo hmư̆ msĕ si asăp lu snăk mnuih, msĕ si ênai êa lu, leh anăn msĕ si ênai grăm đah ktang, ur kraih, “Halêluya! Kyuadah Khua Yang Aê Diê drei Pô Mâo Jih Klei Myang kiă kriê.

Klei Bi Êdah 20:4

Kâo ƀuh lu boh jhưng mtao, leh anăn Aê Diê brei kơ phung dôk gŭ tinăn klei dưi phat kđi. Kâo ƀuh msĕ mơh mngăt phung arăng khăt kkuê leh kyua diñu hưn klei Yêsu, kyua klei Aê Diê blŭ, kăn tuôm kkuh mpŭ kơ hlô dliê amâodah kơ rup ñu, leh anăn kăn tuôm mă tŭ klei čih mrô ñu ti adhei amâodah ti kngan diñu. Diñu kbiă lŏ hdĭp leh anăn kiă kriê mbĭt hŏng Krist êjai sa êbâo thŭn.