Y-Mathiơ 5:7 - Klei Aê Diê Blŭ 2015

⁷ Jăk mơak yơh phung thâo pap, kyuadah Aê Diê srăng pap kơ diñu.

Y-Mathiơ 5:7 Iomraidhean Croise

II Y-Samuel 17:28

djă ba jhưng pĭt, hmăm, êlŭ jam, mdiê ƀlê, mdiê ôrgơ, kpŭng ƀhĭ, mdiê đeh, êtak, leh anăn êbai,

II Y-Samuel 22:26

Hŏng phung thâo pap Ih bi êdah Ih pô jing thâo pap, hŏng pô amâo mâo klei arăng ƀuah ôh, Ih bi êdah Ih pô jing Pô arăng amâo mâo klei ƀuah ôh.

Klei Mmuñ Hđăp 112:4

Klei mngač mtrang hlăm klei mmăt kơ pô kpă, kơ pô jăk, thâo pap, leh anăn kpă ênô.

Klei Mmuñ Hđăp 112:9

Hŏng ai tiê kmah ñu brei mnơ̆ng pap kơ phung ƀun ƀin, klei kpă ênô ñu dôk hlŏng lar; arăng srăng mpŭ kơ klei ñu dưi.

Klei Mmuñ Hđăp 18:25

Hŏng pô sĭt suôr Ih bi êdah Ih jing pô sĭt suôr mơh; hŏng mnuih amâo mâo klei arăng dưi ƀuah, Ih bi êdah Ih jing pô amâo mâo klei arăng dưi ƀuah mơh.

Klei Mmuñ Hđăp 37:26

Ñu thâo brei pap leh anăn brei arăng čan nanao, leh anăn phung anak ñu jing akŏ klei jăk jĭn.

Klei Bi Hriêng 11:17

Mnuih jăk ngă jăk kơ mngăt ñu pô, ƀiădah mnuih jhŏng ƀai bi rŭng kđeh ñu pô.

Klei Bi Hriêng 11:25

Sa čô kmah srăng đĭ mdrŏng hĭn, leh anăn hlei pô đru arăng, arăng srăng đru ñu msĕ mơh.

Klei Bi Hriêng 14:21

Hlei pô bi êmut kơ pô riêng gah ñu, ñu anăn jing mnuih soh, ƀiădah jăk mơak yơh hlei pô pap kơ phung ƀun ƀin.

Klei Bi Hriêng 19:17

Hlei pô brei pap kơ mnuih ƀun ƀin jing brei Yêhôwa čan, leh anăn Yêhôwa srăng lŏ bi wĭt kơ ñu tui si bruă jăk ñu ngă leh.

Y-Êsai 57:1

Pô kpă ênô rai tuč, leh anăn amâo mâo pô uêñ kơ klei anăn ôh; arăng mă mđuĕ hĕ leh phung huĭ mpŭ kơ Aê Diê, leh anăn amâo mâo pô thâo săng ôh. Kyuadah arăng mă mđuĕ hĕ leh pô kpă ênô êlâo truh klei jhat ƀai.

Y-Đaniel 4:27

Snăn Ơ mtao, brei ih tŭ klei kâo bi kčĕ kơ ih: ngă klei kpă ênô hrô kơ klei soh ih, leh anăn ngă klei pap kơ phung arăng ktư̆ juă hrô kơ klei wê ih, čiăng kơ năng ai dưi bi sui hĭn klei êđăp ênang ih.”

Y-Ôsê 1:6

Ñu lŏ ba tian leh anăn kkiêng kơ sa čô anak mniê. Leh anăn Yêhôwa lač kơ Y-Ôsê, “Bi anăn anak mniê anăn Lô-Ruhama, kyuadah Kâo amâo srăng lŏ pap kơ sang Israel ôh, kăn srăng lŏ pap brei kơ ñu rei.

Y-Ôsê 2:1

“Lač bĕ kơ ayŏng adei diih: Ammi, leh anăn kơ amai adei diih: Ruhama.”

Y-Ôsê 2:23

Kâo srăng pla ñu kơ Kâo pô hlăm čar. Leh anăn Kâo srăng pap kơ pô ka mâo klei pap ôh, Kâo srăng lač kơ pô amâo djŏ ƀuôn sang Kâo ôh, ‘Diih jing phung ƀuôn sang Kâo,’ leh anăn diñu srăng lač, ‘Ih jing Aê Diê Kâo.’ ”

Y-Mika 6:8

Ñu bi êdah leh kơ ih, Ơ mnuih, ya jing jăk, leh anăn ya klei Yêhôwa mtă brei ih ngă. Jing klei ngă klei kpă leh anăn khăp klei pap, leh anăn êbat mbĭt hŏng Aê Diê ih hŏng klei luă gŭ.

Y-Markôs 11:25

Leh anăn tơdah diih dôk dơ̆ng wah lač, tơdah diih mâo klei hŏng arăng, pap brei bĕ, čiăng kơ Ama diih, Pô dôk hlăm adiê, dưi pap brei klei soh diih msĕ mơh.”

Y-Luk 6:35

Ƀiădah khăp bĕ kơ phung roh diih. Ngă jăk leh anăn brei arăng čan, amâo lŏ čang hmăng kơ klei bi wĭt ôh. Snăn klei mưn diih srăng jing prŏng, leh anăn diih srăng jing phung anak Pô Ti Dlông Hĭn; kyuadah Ñu jing jăk kơ phung amâo thâo hdơr knga leh anăn kơ phung ƀai.

Hră Y-Pôl Mơĭt kơ Phung Rôm 11:30

Msĕ si mphŭn dô diih amâo gưt kơ Aê Diê ôh, ƀiădah ară anei diih mâo leh klei pap kyua klei diñu amâo gưt asăp ôh,

I Kôrantô 7:25

Bi kơ phung dôk hliê, kâo amâo mâo klei mtă mơ̆ng Khua Yang ôh, ƀiădah kâo bi êdah klei kâo mĭn msĕ si sa čô dôk sĭt suôr hŏng klei Khua Yang pap.

II Kôrantô 4:1

Snăn kyuadah hmei mâo bruă anei tui si klei Aê Diê pap, hmei amâo êdu ai ôh.

Êphêsô 4:32

Brei diih ngă jăk hdơ̆ng diih pô, bŏ hŏng klei thâo pap, bi pap brei hdơ̆ng diih, msĕ si Aê Diê pap brei leh kơ diih hlăm Krist.

Kôlôs 3:12

Snăn kyuadah diih jing phung Aê Diê ruah leh, jing phung doh jăk leh anăn phung Aê Diê khăp, hơô bĕ klei thâo pap, ai tiê jăk, klei luă gŭ, klei êdu êun, leh anăn klei gĭr.

I Y-Timôthê 1:13

Mphŭn dô kâo jing sa čô blŭ mgao, ngă jhat, leh anăn dlao wač kơ Ñu. Ƀiădah kâo mă tŭ leh klei pap, kyuadah kâo ngă hŏng klei amâo thâo săng, hlăm klei amâo đăo ôh.

I Y-Timôthê 1:16

Ƀiădah kâo mă tŭ leh klei pap kyua klei anăn, čiăng kơ Yêsu Krist bi êdah hlăm kâo, pô soh hĭn, jih klei Ñu gĭr klă, čiăng kâo jing klei bi hmô kơ phung srăng đăo kơ Ñu čiăng mâo klei hdĭp hlŏng lar.

Hêbrơ 4:16

Snăn hŏng klei jhŏng brei drei nao giăm kơ jhưng mtao klei pap, čiăng kơ drei dưi mă tŭ klei jăk leh anăn mâo klei pap đru drei djŏ mông êjai drei mâo klei kƀah.

Hêbrơ 6:10

Kyuadah Aê Diê amâo jing wê ôh; Ñu amâo wơr bĭt hĕ bruă diih leh anăn klei khăp diih bi êdah leh kyua anăn Ñu, hlăm klei diih đru leh phung doh jăk, msĕ si diih ăt ngă.

Y-Yakơ 2:13

Kyuadah klei phat kđi amâo srăng pap ôh kơ pô amâo tuôm pap kơ arăng. Ƀiădah klei pap brei dưi hŏng klei phat kđi.

Y-Yakơ 3:17

Ƀiădah klei thâo mĭn kbiă hriê mơ̆ng dlông êlâo hĭn jing êngeh, leh anăn êđăp ênang, êdu êun, thâo guôp, bŏ hŏng klei pap mñai leh anăn boh jăk, amâo mâo dlăng ti êngao amâodah ai ngăm ôh.

I Y-Pêtrôs 2:10

Mphŭn dô diih amâo jing sa phung ƀuôn sang ôh, ƀiădah ară anei diih jing leh phung ƀuôn sang Aê Diê. Mphŭn dô diih amâo tuôm mă tŭ ôh klei Aê Diê pap, ƀiădah ară anei diih mă tŭ leh klei pap anăn.