Y-Mathiơ 5:48 - Klei Aê Diê Blŭ 2015

⁴⁸ Snăn yơh brei diih jing jăk klă msĕ si Ama diih hlăm adiê jing jăk klă.”

Y-Mathiơ 5:48 Iomraidhean Croise

Klei Mphŭn Dơ̆ng 17:1

Tơdah Y-Abram mâo dua păn pluh dua păn thŭn, Khua Yang bi êdah kơ Y-Abram, lač kơ ñu, “Kâo jing Aê Diê Pô Mâo Jih Klei Myang. Êbat bĕ ti anăp Kâo leh anăn brei ih jing pô amâo mâo klei arăng dưi ƀuah ôh.

II Y-Samuel 22:31

Aê Diê anei — êlan Ñu jing klă; klei Yêhôwa ƀuăn truh sĭt; Ñu jing khil kơ jih jang phung đuĕ dăp hlăm Ñu.

Klei Mmuñ Hđăp 37:37

Ksiêm bĕ kơ mnuih jăk leh anăn dlăng kơ mnuih kpă, kyuadah anak čô sa čô mnuih êđăp ênang srăng dôk nanao.

Bruă Lêwi 11:44

Kyuadah Kâo jing Yêhôwa Aê Diê diih; snăn pioh brei diih pô, leh anăn jing doh jăk, kyuadah Kâo pô jing doh jăk. Đăm diih bi čhŏ diih pô kyua sa mnơ̆ng bi phung êrui ti rŏng lăn ala.

Bruă Lêwi 19:2

“Lač bĕ kơ jih phung ƀuôn sang Israel bi kƀĭn, ‘Brei diih jing doh jăk, kyuadah Kâo, Yêhôwa Aê Diê diih jing doh jăk.

Bruă Lêwi 20:26

Brei diih jing doh jăk kơ Kâo; kyuadah Kâo Yêhôwa jing doh jăk, leh anăn Kâo bi ktlah leh diih mơ̆ng phung ƀuôn sang mkăn, čiăng kơ diih jing phung Kâo pô.

Y-Mathiơ 5:16

Msĕ mơh brei klei mngač diih mtrang ti anăp mnuih, čiăng kơ diñu dưi ƀuh bruă jăk diih ngă leh anăn diñu mpŭ mni kơ Ama diih hlăm adiê.”

Y-Mathiơ 5:45

čiăng kơ diih dưi jing phung anak Ama diih hlăm adiê; kyuadah Ñu brei yang hruê ƀlĕ kơ phung ƀai wăt kơ phung jăk, leh anăn Ñu brei adiê hjan kơ phung kpă wăt kơ phung wê.

Y-Mathiơ 5:47

Leh anăn tơdah diih jum knŏng ayŏng adei diih, ya klei diih ngă kdlưn hĭn kơ phung mkăn? Amâo djŏ hĕ phung tue ngă msĕ snăn?

Y-Luk 6:36

Brei diih thâo pap msĕ si Ama diih thâo pap.”

Y-Luk 6:40

Sa čô ƀĭng kna amâo jing prŏng hĭn kơ nai mtô ñu ôh, ƀiădah grăp čô hriăm leh ênŭm srăng jing msĕ si khua pô mtô ñu.

II Kôrantô 13:11

Snăn Ơ phung ayŏng adei, brei diih dôk mơak. Mkra bĕ klei hdĭp diih, gưt klei kâo kwưh, brei diih mâo sa ai hdơ̆ng diih. Brei diih dôk êđăp ênang, leh anăn Aê Diê klei khăp leh anăn klei êđăp ênang srăng dôk mbĭt hŏng diih.

II Kôrantô 13:9

Kyuadah hmei mơak tơdah hmei jing awăt leh anăn diih jing ktang. Klei hmei wah lač čiăng kơ diih jing jăk klă.

II Kôrantô 7:1

Ơ phung kâo khăp ơi, kyuadah drei mâo klei ƀuăn anăn, brei drei bi doh hĕ drei pô mơ̆ng jih klei čhŏ mrŏ hlăm kđeh leh anăn mngăt, leh anăn bi klă klei doh jăk drei hlăm klei huĭ mpŭ kơ Aê Diê.

Êphêsô 3:1

Kyua klei anăn, kâo gơ̆ Y-Pôl, jing sa čô mnă kơ Krist Yêsu kyua diih phung tue.

Klei Mtô Mñă Klei Bhiăn 18:13

Brei diih jing phung arăng amâo dưi ƀuah ôh ti anăp Yêhôwa Aê Diê diih.

Klei Mtô Mñă Klei Bhiăn 27:10

Snăn brei diih gưt asăp kơ Yêhôwa Aê Diê diih, djă pioh klei Ñu mtă leh anăn klei bhiăn Ñu kâo brei leh kơ diih hruê anei.”

Kôlôs 1:28

Hmei hưn klei Krist, brei jih jang mnuih răng, leh anăn mtô kơ jih jang mnuih hŏng jih klei thâo mĭn, čiăng kơ hmei dưi bi êdah jih jang mnuih jing klă leh hlăm Krist.

Kôlôs 4:12

Y-Êpapras, jing sa čô mơ̆ng phung diih pô, sa čô dĭng buăl Krist Yêsu, mơĭt klei čhưn kơ diih. Ñu hur har hdơr wah lač kơ diih nanao, čiăng kơ diih jing khua leh anăn thâo sĭt nik jih jang klei Aê Diê čiăng.

Y-Yakơ 1:4

Brei klei gĭr bi leh sĭt nik bruă ñu, čiăng kơ diih jing prŏng khue, klă ênŭm, amâo kƀah sa klei ôh.

I Y-Yôhan 3:3

Grăp čô mâo klei čang hmăng anei hlăm Krist bi doh ñu pô msĕ si Krist pô jing doh.