Y-Mathiơ 5:45 - Klei Aê Diê Blŭ 2015

⁴⁵ čiăng kơ diih dưi jing phung anak Ama diih hlăm adiê; kyuadah Ñu brei yang hruê ƀlĕ kơ phung ƀai wăt kơ phung jăk, leh anăn Ñu brei adiê hjan kơ phung kpă wăt kơ phung wê.

Y-Mathiơ 5:45 Iomraidhean Croise

Y-Yôp 25:3

Hlei pô dưi yap phung kahan Ñu? Hlei pô dưi tlaih mơ̆ng klei mngač Ñu mtrang?

Klei Mmuñ Hđăp 145:9

Yêhôwa jing Pô jăk hŏng jih jang mnuih, leh anăn klei Ñu pap dôk ti jih jang mnơ̆ng Ñu hrih.

Y-Yêrêmi 5:24

Diñu amâo lač ôh hlăm ai tiê diñu, ‘Brei drei huĭ kơ Yêhôwa Aê Diê drei, Pô brei êa hjan djŏ yan gơ̆, êa hjan yan hjan leh anăn êa hjan yan mnga, leh anăn pioh kơ drei lu hruê kăm bi kčah leh kơ klei puôt wiă.’

Y-Mathiơ 5:9

Jăk mơak yơh phung đru brei klei êđăp ênang hdơ̆ng mnuih, kyuadah Aê Diê srăng pia diñu phung anak Aê Diê.

Y-Luk 6:35

Ƀiădah khăp bĕ kơ phung roh diih. Ngă jăk leh anăn brei arăng čan, amâo lŏ čang hmăng kơ klei bi wĭt ôh. Snăn klei mưn diih srăng jing prŏng, leh anăn diih srăng jing phung anak Pô Ti Dlông Hĭn; kyuadah Ñu jing jăk kơ phung amâo thâo hdơr knga leh anăn kơ phung ƀai.

Y-Yôhan 13:35

Hŏng klei anei jih jang mnuih srăng thâo kơ diih jing phung ƀĭng kna Kâo, tơdah diih bi khăp hdơ̆ng diih pô.”

Bruă Phung Khua Ƀĭng Kna 14:17

ƀiădah Aê Diê ăt mâo klei hưn kơ Ñu pô, kyuadah Ñu ngă jăk leh anăn brei hjan mơ̆ng adiê kơ diih, leh anăn brei yan mâo lu boh, bi hrăp ai tiê diih hŏng mnơ̆ng ƀơ̆ng huă leh anăn klei mơak.”

Êphêsô 5:1

Brei diih jing phung tui Aê Diê, kyuadah diih jing phung anak Ñu khăp êdimi.

Philip 2:15

čiăng kơ diih jing êngeh amâo mâo klei dưi ƀuah ôh, jing phung anak Aê Diê amâo mâo klei čhŏ ôh ti krah ênuk phung soh leh anăn jhat. Ti krah diñu diih mtrang msĕ si pui mngač hlăm lăn ala,

I Y-Yôhan 3:9

Hlei pô Aê Diê kkiêng leh amâo ngă klei soh ôh; kyuadah mjeh Aê Diê dôk hlăm ñu, leh anăn ñu amâo dưi lŏ ngă soh ôh, kyuadah Aê Diê kkiêng kơ ñu leh.