Y-Mathiơ 5:44 - Klei Aê Diê Blŭ 2015

⁴⁴ Ƀiădah Kâo lač kơ diih, khăp bĕ kơ phung roh diih, leh anăn wah lač brei kơ phung ngă jhat kơ diih,

Y-Mathiơ 5:44 Iomraidhean Croise

II Bruă Mtao 6:22

Y-Êlisê lŏ wĭt lač, “Đăm bi mdjiê diñu ôh. Ih srăng bi mdjiê mơ̆ phung ih mă mjing mnă hŏng đao gưm leh anăn hŏng hna ih? Mdơ̆ng kpŭng leh anăn êa ti anăp diñu, čiăng kơ diñu dưi ƀơ̆ng leh anăn mnăm, leh anăn wĭt kơ khua diñu.”

Klei Mmuñ Hđăp 7:4

tơdah kâo bi wĭt klei jhat kơ mah jiăng kâo, amâodah plah mă dŏ dô pô roh amâo mâo klei ôh,

Klei Bi Hriêng 19:11

Mnuih mâo klei thâo mĭn jing pô amâo djăl ăl, leh anăn jing klei guh kơang kơ ñu amâo yap ôh klei arăng bi msoh kơ ñu.

Y-Luk 23:34

Yêsu lač, “Ơ Ama, pap brei kơ diñu; kyuadah diñu amâo thâo ôh ya klei diñu ngă.” Leh anăn diñu bi mbha čhiăm ao Yêsu hŏng klei bi mđăo.

Y-Yôhan 13:34

Kâo brei klei mtă mrâo kơ diih: brei diih bi khăp hdơ̆ng diih pô; msĕ si Kâo khăp leh kơ diih, brei diih bi khăp hdơ̆ng diih pô msĕ mơh.

Bruă Phung Khua Ƀĭng Kna 16:28

Ƀiădah Y-Pôl ur kraih, “Đăm ngă jhat kơ ih pô ôh, kyuadah hmei ăt dôk tinei sơăi!”

Bruă Phung Khua Ƀĭng Kna 7:60

Gơ̆ čuôn kơŭt leh anăn ur kraih ktang, “Ơ Khua Yang, đăm yap klei soh anei kơ diñu ôh.” Leh gơ̆ lač klei anăn, gơ̆ hlŏng pĭt yơh.

Hră Y-Pôl Mơĭt kơ Phung Rôm 12:14

Hmưi klei jăk kơ hlei pô ngă jhat kơ diih; hmưi klei jăk kơ diñu, đăm tăm pah ôh.

I Têsalônik 5:15

Răng bĕ, đăm brei sa čô hlăm phung diih bi wĭt klei jhat kơ klei jhat arăng, ƀiădah tui duah nanao čiăng ngă klei jăk hdơ̆ng diih leh anăn kơ jih jang mnuih.

I Y-Pêtrôs 2:23

Tơdah arăng dlao wač kơ Ñu, Ñu amâo lŏ dlao wač kơ arăng ôh; tơdah Ñu tŭ klei knap mñai, Ñu amâo arưp aram ôh. Ƀiădah Ñu knang kơ Pô phat kđi hŏng klei kpă.

I Y-Pêtrôs 3:9

Đăm bi wĭt klei jhat kơ klei jhat arăng ngă ôh, kăn bi wĭt klei dlao wač kơ klei arăng dlao wač rei; ƀiădah lĕ hơêč hmưi bĕ klei jăk jĭn, kyua kơ klei anăn Aê Diê iêô diih leh, čiăng kơ diih dưi dưn klei jăk jĭn.

I Y-Samuel 24:17

Ñu lač kơ Y-Đawit, “Ih jing kpă hĭn kơ kâo; kyuadah ih bi wĭt klei jăk kơ kâo; bi kâo, kâo bi wĭt klei jhat kơ ih.