Y-Mathiơ 5:42 - Klei Aê Diê Blŭ 2015

⁴² Brei bĕ kơ hlei pô akâo kơ ih, leh anăn đăm hngah ôh kơ pô akâo čan mơ̆ng ih.”

Y-Mathiơ 5:42 Iomraidhean Croise

Klei Mmuñ Hđăp 37:21

Pô ƀai čan leh anăn amâo bi wĭt ôh, ƀiădah pô kpă thâo kmah leh anăn ñu brei čan.

Klei Bi Hriêng 19:17

Hlei pô brei pap kơ mnuih ƀun ƀin jing brei Yêhôwa čan, leh anăn Yêhôwa srăng lŏ bi wĭt kơ ñu tui si bruă jăk ñu ngă leh.

Klei Bi Hriêng 21:26

Jih hruê ñu knŏng tluh mnơ̆ng, ƀiădah mnuih kpă ênô brei amâo hơưi ôh.

Khua Pô Mtô 11:6

Êjai aguah rah bĕ mjeh ih, leh anăn ti tlam đăm mdei kngan ih ôh, kyuadah ih amâo thâo ôh ya mjeh srăng čăt đĭ, mjeh anei amâodah mjeh anăn, amâodah jih dua srăng jing jăk sơăi.

Y-Đaniel 4:27

Snăn Ơ mtao, brei ih tŭ klei kâo bi kčĕ kơ ih: ngă klei kpă ênô hrô kơ klei soh ih, leh anăn ngă klei pap kơ phung arăng ktư̆ juă hrô kơ klei wê ih, čiăng kơ năng ai dưi bi sui hĭn klei êđăp ênang ih.”

Y-Mathiơ 5:41

Leh anăn tơdah arăng mgô̆ ih êbat sa wang, brei ih êbat mbĭt hŏng ñu dua wang.

Y-Luk 11:41

Ƀiădah brei diih myơr mnơ̆ng hlăm lam jing mnơ̆ng pap; snăn jih jang mnơ̆ng jing doh kơ diih.

Hră Y-Pôl Mơĭt kơ Phung Rôm 12:20

Ƀiădah “tơdah pô roh ih êpa, brei mnơ̆ng ƀơ̆ng huă kơ ñu; tơdah ñu mhao, brei êa mnăm kơ ñu, kyuadah êjai ngă snăn ih srăng mkăm anghar pui ti dlông boh kŏ ñu.”

Hêbrơ 13:16

Đăm wơr bĭt ôh ngă klei jăk leh anăn bi mbha mnơ̆ng diih mâo kơ phung mkăn, kyuadah klei ngă yang msĕ snăn bi mơak kơ Aê Diê.

Hêbrơ 6:10

Kyuadah Aê Diê amâo jing wê ôh; Ñu amâo wơr bĭt hĕ bruă diih leh anăn klei khăp diih bi êdah leh kyua anăn Ñu, hlăm klei diih đru leh phung doh jăk, msĕ si diih ăt ngă.

Y-Yakơ 1:27

Snei klei đăo doh leh anăn amâo čhŏ ôh ti anăp Aê Diê Ama: đru phung anak êrĭt leh anăn phung mniê djiê ung hlăm klei knap mñai digơ̆, leh anăn răng kriê amâo bi čhŏ ñu pô hŏng klei mưng lăn ala.