Y-Mathiơ 5:4 - Klei Aê Diê Blŭ 2015

⁴ Jăk mơak yơh phung čŏk hia, kyuadah Aê Diê srăng bi juh diñu.

Y-Mathiơ 5:4 Iomraidhean Croise

Y-Êsai 12:1

Hlăm hruê anăn ih srăng lač: “Kâo srăng bi mni kơ Ih, Ơ Yêhôwa, kyuadah wăt tơdah Ih ngêñ leh kơ kâo, klei Ih ngêñ jih leh, leh anăn Ih bi juh leh kâo.

Y-Êsai 25:8

Ñu srăng lun hĕ klei djiê hlŏng lar. Khua Yang Yêhôwa srăng sut êa ală mơ̆ng jih jang ƀô̆ mta, leh anăn Ñu srăng mă hĕ klei hêñ phung ƀuôn sang Ñu mơ̆ng tar ƀar lăn ala, kyuadah Yêhôwa lač leh.

Y-Êsai 30:19

Ơ phung ƀuôn sang Siôn, phung dôk ti ƀuôn Yêrusalem, diih amâo srăng lŏ hia ôh. Sĭt nik Ñu srăng pap kơ diih tơdah diih ur. Tơdah Ñu hmư̆ diih ur, Ñu srăng lŏ wĭt lač kơ diih.

Y-Êsai 35:10

Phung Yêhôwa bi tui leh srăng lŏ wĭt, leh anăn hriê kơ ƀuôn Siôn hŏng klei mmuñ, đua đuôn mtao hơ̆k kdơ̆k hlŏng lar. Diñu srăng mâo klei mơak leh anăn klei hơ̆k kdơ̆k, klei ênguôt leh anăn klei krao srăng đuĕ kbưi.

Y-Êsai 57:18

Kâo ƀuh leh êlan ñu, ƀiădah Kâo srăng bi hlao ñu. Kâo srăng atăt ñu leh anăn bi wĭt kơ ñu klei bi juh, Kâo srăng brei phung čŏk hia thâo bi mni kơ Kâo.”

Y-Êsai 66:10

“Hơ̆k bĕ mbĭt hŏng ƀuôn Yêrusalem leh anăn dôk mơak kyua ñu, Ơ jih jang phung diih khăp kơ ñu; hơ̆k mơak bĕ mbĭt hŏng ñu, Ơ jih jang phung diih kơŭ kyăm kơ ñu.

Y-Êsai 66:2

Kyuadah kngan Kâo ngă leh jih jang mnơ̆ng anăn sơăi, snăn jih jang mnơ̆ng anăn jing leh,” Yêhôwa lač. “Ƀiădah kơ mnuih msĕ snei Kâo srăng dlăng: pô luă gŭ leh anăn ênguôt kơ klei soh, leh anăn ktư̆ yơ̆ng kơ klei Kâo blŭ.

Y-Êsêkiêl 7:16

Tơdah mâo phung tlaih ăt hdĭp, diñu srăng dôk ti čư̆, jing msĕ si mgăm hlăm tlung, jih jang diñu krao, grăp čô kyua klei wê ñu ngă leh.

Y-Êsêkiêl 9:4

Yêhôwa lač kơ ñu, “Nao găn ƀuôn Yêrusalem leh anăn čih sa klei bi knăl ti adhei phung êkei krao leh anăn ênguôt kyua jih jang klei jhat Kâo bi êmut kheh arăng dôk ngă hlăm ƀuôn Yêrusalem.”

Y-Sakari 12:10

“Leh anăn Kâo srăng tuh ti sang Y-Đawit leh anăn ti phung dôk hlăm ƀuôn Yêrusalem Mngăt Myang klei pap leh anăn kwưh, čiăng kơ tơdah diñu dlăng kơ Kâo, Pô diñu tlŏ leh, diñu srăng kơŭ kyăm kơ Pô anăn, msĕ si kơŭ kyăm kơ anak êkei mâo knŏng sa čô, leh anăn čŏk hia hŏng klei ênguôt kơ Pô anăn, msĕ si čŏk hia kơ anak kkiêng tal êlâo.

Y-Luk 16:25

Ƀiădah Y-Abraham lač, ‘Ơ dam, hdơr bĕ êjai ih dôk hdĭp ih mă tŭ leh lu mnơ̆ng jăk, bi Y-Lasar mă tŭ lu klei jhat. Ară anei tinei Y-Lasar mâo klei bi juh leh anăn ih mâo klei ruă knap.

Y-Luk 6:21

Jăk mơak yơh phung diih êpa ară anei hin, kyuadah diih srăng trei. Jăk mơak yơh phung diih hia ară anei hin, kyuadah diih srăng tlao hơ̆k.

Y-Luk 6:25

Knap mñai yơh kơ diih phung trei ară anei hin, kyuadah diih srăng êpa. Knap mñai yơh kơ diih phung tlao ară anei hin, kyuadah diih srăng kơŭ kyăm leh anăn hia.

Y-Luk 7:38

Gơ̆ dôk dơ̆ng ti tluôn giăm jơ̆ng Yêsu. Gơ̆ dơ̆ng bi msah jơ̆ng Yêsu hŏng êa ală gơ̆, leh anăn sut jơ̆ng Yêsu hŏng ƀŭk gơ̆, čŭm leh anăn mia jơ̆ng Yêsu hŏng êa ƀâo mngưi anăn.

Y-Luk 7:50

Yêsu lač kơ mniê anăn, “Klei ih đăo bi mtlaih ih leh. Nao bĕ êđăp ênang.”

Y-Yakơ 1:12

Jăk mơak yơh kơ mnuih gĭr tŭ klei lông dlăng, kyuadah tơdah ñu dưi leh, ñu srăng mă tŭ đuôn mtao klei hdĭp Aê Diê ƀuăn leh kơ phung khăp kơ ñu.

Klei Bi Êdah 21:4

Ñu srăng sut jih êa ală mơ̆ng ală digơ̆, leh anăn amâo srăng lŏ mâo klei djiê ôh, leh anăn amâo srăng lŏ mâo klei kơŭ kyăm, klei hia, amâodah klei ruă ôh, kyuadah jih jang mnơ̆ng tal êlâo êgao tuč leh.”