Y-Mathiơ 5:34 - Klei Aê Diê Blŭ 2015

³⁴ Ƀiădah Kâo lač kơ diih, đăm kat asei ôh hơăi, thâodah hŏng adiê, kyuadah adiê jing jhưng mtao Aê Diê,

Y-Mathiơ 5:34 Iomraidhean Croise

Klei Mmuñ Hđăp 11:4

Yêhôwa dôk hlăm sang yang doh jăk Ñu, jhưng mtao Yêhôwa dôk hlăm adiê; ală Ñu dlăng, pŭk ală Ñu ksiêm phung anak mnuih.

Khua Pô Mtô 9:2

Jih jang klei srăng truh kơ diñu êdei jing klei hơăi mang, kyuadah mâo sa klei knhal tuč truh kơ jih jang, kơ phung mnuih kpă ênô msĕ kơ phung ƀai, kơ phung jăk msĕ kơ phung jhat, kơ phung doh msĕ kơ phung čhŏ, kơ phung myơr mnơ̆ng ngă yang msĕ kơ phung amâo myơr ôh. Msĕ si mnuih jăk jing, msĕ snăn mơh mnuih jhat jing; leh anăn hlei pô kat asei jing msĕ si pô amâo kat asei ôh.

Y-Êsai 57:15

Kyuadah snei Pô Ti Dlông Hĭn, Pô dôk hlŏng lar, anăn Ñu jing Doh Jăk, lač: “Kâo dôk hlăm anôk ti dlông leh anăn doh jăk, leh anăn msĕ mơh mbĭt hŏng pô mâo ai tiê ênguôt kơ klei soh leh anăn thâo luă gŭ, čiăng lŏ bi hdĭp ai tiê phung luă gŭ, čiăng lŏ bi hdĭp ai tiê pô ênguôt kơ klei soh.

Y-Êsai 66:1

Snei Yêhôwa lač: “Adiê jing jhưng mtao Kâo, leh anăn lăn ala jing mdhô̆ Kâo trông jơ̆ng, snăn ti sang diih čiăng mdơ̆ng kơ Kâo? Leh anăn ti anôk Kâo srăng mdei?

Bruă Phung Khua Ƀĭng Kna 7:49

‘Adiê jing jhưng mtao Kâo, leh anăn lăn ala jing mdhô̆ Kâo trông jơ̆ng. Ya mta sang diih srăng mdơ̆ng kơ Kâo, Khua Yang lač, amâodah ya jing anôk Kâo mdei?

Y-Yakơ 5:12

Ƀiădah Ơ phung ayŏng amai adei, êgao hĭn kơ jih jang klei, đăm kat asei ôh, thâodah hŏng adiê amâodah hŏng lăn ala, amâodah hŏng klei kat asei mkăn, ƀiădah brei klei diih Ơ jing Ơ, leh anăn klei diih Ơ ơh jing Ơ ơh, čiăng kơ Aê Diê amâo phat kđi kơ diih ôh.