Y-Mathiơ 5:3 - Klei Aê Diê Blŭ 2015

³ “Jăk mơak yơh phung ƀun ƀin hlăm mngăt ai tiê, kyuadah ƀuôn ala mtao adiê pioh kơ diñu.

Y-Mathiơ 5:3 Iomraidhean Croise

II Klei Yăl Dliê 33:12

Tơdah ñu dôk hlăm klei knap mñai, ñu kwưh kơ Yêhôwa Aê Diê ñu pap brei, leh anăn bi luă gŭ ñu pô êdimima ti anăp Aê Diê kơ phung aê ñu.

II Klei Yăl Dliê 33:19

Klei ñu wah lač, leh anăn klei Aê Diê tŭ klei ñu kwưh, leh anăn jih klei soh leh anăn klei ñu amâo dôk sĭt suôr ôh, anôk dlông ñu mdơ̆ng leh anăn mdơ̆ng phung rup yang Asêra leh anăn rup yang krah êlâo ñu bi luă gŭ ñu pô, nĕ anei arăng čih leh hlăm hdruôm hră Klei Yăl Dliê kơ Phung Thâo Bi Ƀuh.

II Klei Yăl Dliê 33:23

Ñu amâo luă gŭ ñu pô ôh ti anăp Yêhôwa msĕ si Y-Manasê ama ñu bi luă gŭ gơ̆ pô leh, ƀiădah Y-Amôn anei lŏ thiăm klei jing soh nanao.

II Klei Yăl Dliê 34:27

kyuadah ai tiê ih thâo kmhal leh anăn ih bi luă gŭ ih pô ti anăp Aê Diê tơdah ih hmư̆ klei Ñu blŭ bi kdơ̆ng hŏng anôk anei leh anăn phung dôk hlăm anôk anei, leh anăn ih bi luă gŭ leh ih pô ti anăp Kâo, leh anăn hiêk čhiăm ao ih leh anăn hia ti anăp Kâo, Kâo msĕ mơh hmư̆ leh klei ih, Yêhôwa lač.

II Klei Yăl Dliê 7:14

tơdah phung ƀuôn sang Kâo arăng pia hŏng anăn Kâo bi luă gŭ diñu pô, wah lač leh anăn duah ƀô̆ mta Kâo, leh anăn lui êlan soh diñu, hlăk anăn Kâo srăng hmư̆ mơ̆ng adiê, pap brei klei soh diñu, leh anăn bi hlao čar diñu.

Y-Yôp 42:6

snăn yơh kâo bi êmut kơ kâo pô, leh anăn kmhal kơ klei soh êjai dôk gŭ hlăm bruih lăn leh anăn hbâo.”

Klei Mmuñ Hđăp 1:1

Jăk mơak yơh mnuih amâo êbat ôh tui si klei phung ƀai kčĕ, kăn dôk rei hlăm êlan phung soh, kăn dôk gŭ rei mbĭt hŏng phung mưč.

Klei Mmuñ Hđăp 112:1

Bi mni kơ Yêhôwa. Jăk mơak yơh pô thâo huĭ mpŭ kơ Yêhôwa, leh anăn khăp gưt klei Ñu mtă.

Klei Mmuñ Hđăp 128:1

Jăk mơak yơh grăp čô huĭ mpŭ kơ Yêhôwa, leh anăn êbat hlăm êlan Ñu.

Klei Mmuñ Hđăp 146:5

Jăk mơak yơh pô mâo Aê Diê Y-Yakôp đru, pô čang hmăng hlăm Yêhôwa Aê Diê ñu,

Klei Mmuñ Hđăp 2:12

Čŭm Anak huĭdah Ñu ăl, leh anăn diih rai luč hlăm êlan diih, kyuadah klei Ñu ngêñ srăng djăl đĭ. Jăk mơak yơh jih jang phung kđap hlăm Ñu.

Klei Mmuñ Hđăp 34:18

Yêhôwa dôk giăm phung mâo ai tiê mčah, leh anăn bi mtlaih phung mâo mngăt ênguôt.

Klei Mmuñ Hđăp 41:1

Jăk mơak yơh pô uêñ kơ phung ƀun ƀin! Ti hruê rŭng răng Yêhôwa srăng bi mtlaih diñu.

Klei Mmuñ Hđăp 51:17

Mnơ̆ng ngă yang bi mơak kơ Aê Diê jing ai mĭn mčah; Ơ Aê Diê, Ih amâo bi êmut ôh kơ ai tiê mčah leh anăn kmhal kơ klei soh.

Klei Mmuñ Hđăp 84:12

Ơ Yêhôwa kơ phung kahan, jăk mơak yơh pô knang kơ Ih.

Klei Bi Hriêng 16:19

Jăk hĭn luă gŭ mbĭt hŏng phung ƀun ƀin, kơ klei bi mbha mnơ̆ng plah mă hŏng phung mgao.

Klei Bi Hriêng 29:23

Klei mnuih mgao srăng mdlưh ñu pô, ƀiădah hlei pô thâo luă gŭ srăng mâo klei arăng mpŭ.

Klei Bi Hriêng 8:32

Snăn ară anei, Ơ phung anak êkei kâo, hmư̆ kâo bĕ; jăk mơak yơh phung tui hlue êlan kâo.

Y-Êsai 30:18

Kyuanăn Yêhôwa ăt čiăng snăk ngă klei jăk kơ diih; kyuanăn Ñu kgŭ čiăng pap kơ diih. Kyuadah Yêhôwa jing Aê Diê kpă. Jăk mơak yơh kơ jih jang phung čang guôn kơ Ñu.

Y-Êsai 57:15

Kyuadah snei Pô Ti Dlông Hĭn, Pô dôk hlŏng lar, anăn Ñu jing Doh Jăk, lač: “Kâo dôk hlăm anôk ti dlông leh anăn doh jăk, leh anăn msĕ mơh mbĭt hŏng pô mâo ai tiê ênguôt kơ klei soh leh anăn thâo luă gŭ, čiăng lŏ bi hdĭp ai tiê phung luă gŭ, čiăng lŏ bi hdĭp ai tiê pô ênguôt kơ klei soh.

Y-Êsai 61:1

Mngăt Myang Khua Yang Yêhôwa dôk ti kâo, kyuadah Yêhôwa trôč leh êa ƀâo mngưi ti kâo čiăng hưn klei mrâo mrang jăk kơ phung ƀun ƀin. Ñu tiŏ hriê leh kâo čiăng bi hlao phung mâo ai tiê ênguôt, čiăng hưn klei êngiê kơ phung mnă, leh anăn klei pŏk sang mnă kơ phung arăng krư̆;

Y-Êsai 66:2

Kyuadah kngan Kâo ngă leh jih jang mnơ̆ng anăn sơăi, snăn jih jang mnơ̆ng anăn jing leh,” Yêhôwa lač. “Ƀiădah kơ mnuih msĕ snei Kâo srăng dlăng: pô luă gŭ leh anăn ênguôt kơ klei soh, leh anăn ktư̆ yơ̆ng kơ klei Kâo blŭ.

Y-Mika 6:8

Ñu bi êdah leh kơ ih, Ơ mnuih, ya jing jăk, leh anăn ya klei Yêhôwa mtă brei ih ngă. Jing klei ngă klei kpă leh anăn khăp klei pap, leh anăn êbat mbĭt hŏng Aê Diê ih hŏng klei luă gŭ.

Y-Mathiơ 11:25

Hlăk anăn Yêsu blŭ snei, “Kâo bi mni kơ Ih, Ơ Ama, Khua Yang adiê leh anăn lăn ala, kyuadah Ih mdăp klei anei kơ phung thâo mĭn leh anăn thâo săng, ƀiădah bi êdah leh kơ phung hđeh điêt;

Y-Mathiơ 11:6

Jăk mơak yơh hlei pô amâo têč hnêč ôh kyua Kâo.”

Y-Mathiơ 13:16

Ƀiădah jăk mơak yơh ală diih, kyuadah dưi ƀuh, leh anăn jăk mơak yơh knga diih, kyuadah thâo hmư̆.

Y-Mathiơ 19:14

Ƀiădah Yêsu lač, “Brei phung hđeh hriê kơ Kâo, đăm ghă digơ̆ ôh; kyuadah ƀuôn ala mtao adiê pioh kơ phung msĕ si digơ̆.”

Y-Mathiơ 24:46

Jăk mơak yơh kơ dĭng buăl anăn tơdah khua ñu truh leh anăn ƀuh ñu dôk ngă snăn!

Y-Mathiơ 25:34

Leh anăn Mtao srăng lač kơ phung tĭng hnuă Ñu, ‘Hriê bĕ, Ơ phung Ama Kâo hơêč hmưi leh, brei diih mă tŭ ƀuôn ala mtao mkra leh kơ diih mơ̆ng mphŭn hrih lăn ala.

Y-Mathiơ 3:2

“Kmhal hĕ bĕ kơ klei soh diih, kyuadah ƀuôn ala mtao adiê giăm truh leh.”

Y-Mathiơ 8:11

Kâo hưn kơ diih, mâo lu mnuih srăng hriê mơ̆ng ngŏ mơ̆ng yŭ leh anăn dôk gŭ kơ klei huă mnăm mbĭt hŏng Y-Abraham, Y-Isăk, leh anăn Y-Yakôp hlăm ƀuôn ala mtao adiê,

Y-Markôs 10:14

Ƀiădah tơdah Yêsu ƀuh klei anăn Ñu ăl leh anăn lač kơ phung ƀĭng kna Ñu, “Brei phung hđeh hriê kơ Kâo, đăm ghă digơ̆ ôh, kyuadah ƀuôn ala mtao Aê Diê pioh kơ phung msĕ si digơ̆.

Y-Luk 11:28

Ƀiădah Yêsu lač, “Jăk mơak hĭn phung dôk hmư̆ leh anăn djă pioh gưt klei Aê Diê blŭ.”

Y-Luk 18:14

Kâo hưn kơ diih, pô rĭng jia anei wĭt kơ sang mâo leh klei yap kpă; bi êkei Pharisi anăn, amâo mâo ôh. Kyuadah grăp čô hlei pô mpŭ kơ ñu pô, Aê Diê srăng bi mtrŭn ñu; ƀiădah hlei pô bi mtrŭn ñu pô, Aê Diê srăng mpŭ kơ ñu.”

Y-Luk 22:29

Msĕ si Ama Kâo jao leh kơ Kâo sa boh ƀuôn ala mtao, snăn mơh Kâo jao kơ diih,

Y-Luk 22:30

čiăng kơ diih dưi huă mnăm ti jhưng huă Kâo hlăm ƀuôn ala mtao Kâo, leh anăn dôk gŭ ti jhưng mtao phat kđi phung pluh dua găp djuê Israel.”

Y-Luk 4:18

“Mngăt Myang Khua Yang dôk ti Kâo, kyuadah Ñu trôč êa ƀâo mngưi ti Kâo leh, čiăng Kâo hưn klei mrâo mrang jăk kơ phung ƀun ƀin. Ñu tiŏ hriê Kâo brei hưn klei bi êngiê kơ phung mnă, brei kơ phung bum ală klei lŏ dưi ƀuh, bi êngiê phung arăng ktư̆ juă leh,

Y-Yôhan 20:29

Yêsu lač kơ gơ̆, “Ih đăo kyuadah ih ƀuh leh Kâo, djŏ mơ̆? Jăk mơak yơh kơ phung amâo tuôm ƀuh ôh ƀiădah đăo leh.”

Klei Mtô Mñă Klei Bhiăn 8:2

Brei diih hdơr kơ jih jang êlan Yêhôwa Aê Diê diih atăt diih êjai pă pluh thŭn anei hlăm kdrăn tač, čiăng bi luă gŭ diih, lông dlăng diih čiăng thâo ya mâo hlăm ai tiê diih, thâodah diih srăng djă pioh klei Ñu mtă amâodah hơăi.

Y-Yakơ 1:10

Ƀiădah brei ayŏng amai adei mdrŏng thâo mơak hlăm klei Aê Diê bi mtrŭn diñu, kyuadah klei mdrŏng srăng êgao tuč msĕ si mnga rơ̆k.

Y-Yakơ 1:12

Jăk mơak yơh kơ mnuih gĭr tŭ klei lông dlăng, kyuadah tơdah ñu dưi leh, ñu srăng mă tŭ đuôn mtao klei hdĭp Aê Diê ƀuăn leh kơ phung khăp kơ ñu.

Y-Yakơ 2:5

Hmư̆ bĕ, Ơ phung ayŏng adei kâo khăp. Amâo djŏ hĕ Aê Diê tuôm ruah leh phung ƀun ƀin hlăm lăn ala brei jing mdrŏng hlăm klei đăo, leh anăn jing phung dưn ƀuôn ala mtao Ñu ƀuăn leh kơ phung khăp kơ Ñu?

Klei Bi Êdah 19:9

Leh anăn dĭng buăl jăk anăn lač kơ kâo, “Čih bĕ klei anei: Jăk mơak yơh kơ phung arăng jak kơ klei huă mnăm bi kuôl ung mô̆ kơ Êđai Biăp.” Leh anăn ñu lač kơ kâo, “Klei anei jing klei Aê Diê blŭ sĭt nik.”

Klei Bi Êdah 22:14

Jăk mơak yơh phung boh ao jhung diñu, čiăng kơ diñu mâo klei dưi ƀơ̆ng boh ana kyâo klei hdĭp, leh anăn dưi mŭt ti ƀăng jang ƀuôn anăn.

Klei Bi Êdah 3:17

Kyuadah ih lač, Kâo jing mdrŏng, Kâo čăt đĭ lu, leh anăn Kâo amâo kƀah mnơ̆ng ôh. Ƀiădah ih amâo thâo kơ ih jing ƀun ƀin, hin tap, knap mñai, bum ală, leh anăn lưng mlŭn.