Y-Mathiơ 5:22 - Klei Aê Diê Blŭ 2015

²² Ƀiădah Kâo lač kơ diih, hlei pô ăl kơ ayŏng adei ñu srăng năng kơ klei phat kđi; hlei pô lač ‘Ih mluk’ kơ ayŏng adei ñu srăng năng jao kơ êpul khua phat kđi; hlei pô srăng lač, ‘Ih mluk mgu!’ srăng năng kơ war pui.

Y-Mathiơ 5:22 Iomraidhean Croise

Klei Mphŭn Dơ̆ng 37:4

Tơdah phung ayŏng ñu ƀuh ama diñu khăp kơ Y-Yôsep lu hĭn kơ jih jang phung ayŏng adei ñu, diñu bi êmut kơ Y-Yôsep leh anăn amâo dưi blŭ jăk hŏng gơ̆ ôh.

Klei Mphŭn Dơ̆ng 37:8

Phung ayŏng ñu lač kơ ñu, “Sĭt mơ̆ ih srăng jing mtao kơ hmei? Sĭt mơ̆ ih srăng kiă kriê hmei?” Snăn diñu bi êmut kơ gơ̆ lu hĭn kyua klei gơ̆ êpei leh anăn klei gơ̆ blŭ.

II Y-Samuel 16:7

Y-Simei lač êjai ñu tăm pah, “Đuĕ bĕ, đuĕ bĕ mnuih tuh êrah, mnuih hơăi mang!

II Y-Samuel 6:20

Y-Đawit wĭt čiăng hơêč hmưi kơ phung hlăm sang ñu. Ƀiădah H'Mikal anak mniê Y-Sôl kbiă bi tuôm hŏng Y-Đawit leh anăn lač, “Hbơih, mtao Israel bi guh kơang ñu pô hruê anei êjai dôk asei lưng hruê anei ti anăp ală phung dĭng buăl mniê kơ phung dĭng buăl ñu, msĕ si sa čô êkei hơăi mang amâo hêñ ôh dôk asei lưng!”

I Bruă Mtao 21:4

Y-Ahap mŭt hlăm sang ñu hŏng klei ăl leh anăn ênguôt, kyua klei Y-Nabôt êkei ƀuôn Jesrêel lač leh kơ ñu. Kyuadah gơ̆ lač, “Kâo amâo srăng brei kơ ih ôh ngăn dưn mơ̆ng phung aê kâo.” Ñu đih ti jhưng pĭt ñu, wir ƀô̆ ñu, leh anăn amâo ƀơ̆ng huă ôh.

II Klei Yăl Dliê 16:10

Snăn Y-Asa ngêñ kơ pô thâo bi ƀuh anăn, leh anăn bi hnuh gơ̆ hlăm war mnă, kyuadah ñu ngêñ snăk hŏng gơ̆ kyua klei anăn. Leh anăn Y-Asa bi knap đa đa phung ƀuôn sang hlăk anăn.

II Klei Yăl Dliê 19:5

Ñu mdưm phung khua phat kđi hlăm čar hlăm jih jang ƀuôn mâo kđông kahan hlăm čar Yuđa, hlăm grăp boh ƀuôn,

Y-Nêhêmi 5:8

leh anăn lač kơ diñu, “Tui si klei drei dưi, drei bi tui leh phung ayŏng adei drei phung Yuđa, phung arăng čhĭ leh kơ phung găp djuê mkăn; ƀiădah diih čhĭ phung ayŏng adei diih čiăng kơ arăng dưi čhĭ digơ̆ kơ hmei!” Diñu dôk ñăt leh anăn amâo dưi blŭ sa boh ôh.

Klei Mmuñ Hđăp 109:3

Diñu wang kâo hŏng klei blŭ bi êmut, leh anăn bi blah hŏng kâo amâo mâo klei ôh.

Klei Mmuñ Hđăp 14:1

Mnuih khŏ lač hlăm ai tiê diñu, “Amâo mâo Aê Diê ôh.” Diñu mâo knuih brŭ, diñu ngă bruă jŭ jhat; amâo mâo sa čô ôh ngă klei jăk.

Klei Mmuñ Hđăp 25:3

Amâo mâo sa čô hlăm phung thâo knang kơ Ih srăng hêñ; knŏng phung khăp ngă klei ƀai yơh srăng hêñ.

Klei Mmuñ Hđăp 35:19

Đăm brei phung roh kâo amâo mâo klei dôk mơak kyua klei truh kơ kâo, kăn brei rei phung bi êmut kơ kâo amâo mâo klei kliêk ală mưč kơ kâo.

Klei Mmuñ Hđăp 37:8

Đăm ăl ôh, lui klei ngêñ! Đăm rŭng răng ôh; klei anăn srăng atăt ih knŏng kơ klei jhat.

Klei Mmuñ Hđăp 49:10

Sĭt nik ñu srăng ƀuh wăt phung thâo mĭn djiê; mnuih mluk mgu srăng rai tuč msĕ mơh, leh anăn lui ngăn drăp diñu kơ phung mkăn.

Klei Mmuñ Hđăp 69:4

Phung bi êmut kơ kâo amâo mâo klei jing lu hĭn kơ ƀŭk ti dlông boh kŏ kâo; phung čiăng bi rai kâo amâo mâo klei jing jhŏng ktang, ya mnơ̆ng kâo amâo tuôm tlĕ ôh, arăng brei kâo lŏ čiu.

Klei Mmuñ Hđăp 7:4

tơdah kâo bi wĭt klei jhat kơ mah jiăng kâo, amâodah plah mă dŏ dô pô roh amâo mâo klei ôh,

Klei Mmuñ Hđăp 92:6

Mnuih mluk amâo dưi thâo kral ôh klei anei; kăn mnuih mgu dưi thâo săng rei.

Klei Bi Hriêng 14:16

Mnuih thâo mĭn thâo răng leh anăn weh đuĕ mơ̆ng klei soh, ƀiădah mnuih mluk ngă mgao amâo thâo răng ôh.

Klei Bi Hriêng 18:6

Êlah mnuih mluk bi truh klei bi mneh msao, leh anăn klei ƀăng êgei ñu blŭ mčhur brei arăng čăm ñu.

Y-Yêrêmi 17:11

Msĕ si sa drei păk kra bi kƀĭn boh păk kra mkăn ñu pô amâo tuôm boh ôh, snăn mơh pô truh kơ klei mdrŏng ƀiădah amâo djŏ hŏng klei kpă ôh; ti krah ênuk ñu, klei mdrŏng anăn srăng đuĕ mơ̆ng ñu, leh anăn ti knhal tuč klei hdĭp ñu, ñu knŏng jing sa čô mluk.

Klei Čŏk Hia 3:52

Phung roh kâo duah mnah kâo msĕ si duah mnah sa drei čĭm, phung anăn jing phung roh kâo amâo mâo klei.

Y-Đaniel 3:13

Leh anăn Y-Nebukatnetsar hŏng klei ngêñ snăk mtă arăng mă Y-Sadrak, Y-Mêsăk, leh anăn Y-Abetnêgô. Leh anăn arăng atăt ba diñu truh ti anăp mtao.

Y-Đaniel 3:19

Leh anăn Y-Nebukatnetsar bŏ hŏng klei ngêñ, bi mlih ƀô̆ mta ñu hŏng Y-Sadrak, Y-Mêsăk, leh anăn Y-Abetnêgô. Ñu mtă brei arăng bi hlơr pui hlăm kpur kjuh blư̆ ktang hĭn tui si arăng khăng ngă.

Y-Apđia 1:10

Kyua klei măk ƀai ih ngă leh kơ adei ih Y-Yakôp, klei hêñ srăng guôm ih, leh anăn arăng srăng bi rai ih hlŏng lar.

Y-Apđia 1:12

Ƀiădah đăm hơ̆k ôh hlăm hruê ayŏng ih mâo klei knap mñai; đăm mơak ôh kyua phung ƀuôn sang Yuđa hlăm hruê diñu rai tuč, đăm myuĭ ôh kơ diñu hlăm hruê diñu rŭng răng.

Y-Mathiơ 10:17

Răng bĕ kơ phung mnuih, kyuadah diñu srăng jao diih kơ phung khua phat kđi leh anăn srăng čăm diih hlăm sang bi kƀĭn.

Y-Mathiơ 10:28

Đăm huĭ ôh kơ phung dưi bi mdjiê asei mlei ƀiădah amâo dưi bi mdjiê mngăt, ƀiădah huĭ bĕ kơ Pô dưi bi mdjiê mngăt wăt asei mlei hlăm war pui.

Y-Mathiơ 12:24

Ƀiădah tơdah phung Pharisi hmư̆ klei anăn, diñu lač, “Mnuih anăn suôt phung yang jhat hŏng anăn Bêlsêbul, khua kơ phung yang jhat.”

Y-Mathiơ 17:5

Êjai Y-Pêtrôs dôk blŭ, mâo knam kô̆ mngač guôm diñu, leh anăn mâo asăp mơ̆ng knam lač, “Anei jing Anak Kâo khăp êdimi, hlăm Ñu Kâo mâo klei mơak snăk. Brei diih hmư̆ bĕ klei Ñu.”

Y-Mathiơ 18:21

Leh anăn Y-Pêtrôs nao lač kơ Ñu, “Ơ Khua Yang, dŭm blư̆ kâo srăng pap brei kơ ayŏng adei kâo tơdah ñu ngă soh hŏng kâo? Djŏ mơ̆ tơl kjuh blư̆?”

Y-Mathiơ 18:35

Msĕ snăn mơh Ama Kâo hlăm adiê srăng ngă kơ grăp čô diih, tơdah diih amâo pap brei ôh kơ ayŏng adei diih hŏng jih ai tiê.”

Y-Mathiơ 23:15

Knap mñai yơh kơ diih, Ơ phung khua čih hră leh anăn phung Pharisi, phung ai ngăm! Kyuadah diih đuĕ hiu tar ƀar êa ksĭ leh anăn lăn ala čiăng brei sa čô tue mlih klei đăo, leh anăn tơdah gơ̆ mŭt phung diih leh, diih mjing gơ̆ sa čô anak war pui dua blư̆ jhat hĭn kơ diih pô.

Y-Mathiơ 23:33

Ơ phung ala, găp djuê ala pui, si diih mĭn dưi đuĕ mơ̆ng klei bi kmhal hlăm war pui?

Y-Mathiơ 25:41

Hlăk anăn Ñu srăng lač kơ phung dôk tĭng điâo Ñu, ‘Ơ phung Aê Diê tăm pah leh, đuĕ bĕ mơ̆ng Kâo, nao mŭt hlăm pui ƀơ̆ng hlŏng lar mkra leh kơ yang jhat leh anăn kơ phung dĭng buăl ñu.

Y-Mathiơ 26:59

Phung knơ̆ng khua ngă yang leh anăn jih jang phung khua phat kđi duah klei kčŭt mčeh kơ Yêsu čiăng dưi bi mdjiê Gơ̆.

Y-Mathiơ 3:17

Leh anăn mâo asăp blŭ mơ̆ng adiê lač, “Anei jing Anak Kâo khăp êdimi; hlăm Ñu Kâo mâo klei mơak snăk.”

Y-Mathiơ 5:34

Ƀiădah Kâo lač kơ diih, đăm kat asei ôh hơăi, thâodah hŏng adiê, kyuadah adiê jing jhưng mtao Aê Diê,

Y-Mathiơ 5:44

Ƀiădah Kâo lač kơ diih, khăp bĕ kơ phung roh diih, leh anăn wah lač brei kơ phung ngă jhat kơ diih,

Y-Markôs 14:55

Phung knơ̆ng khua ngă yang leh anăn jih jang phung khua gai gĭt ƀuôn sang duah klei kčŭt kơ Yêsu čiăng bi mdjiê Gơ̆, ƀiădah diñu amâo ƀuh ôh.

Y-Markôs 15:1

Ti aguah ưm, phung knơ̆ng khua ngă yang prŏng, phung khua mduôn, phung khua čih hră, leh anăn jih jang phung khua phat kđi bi trông čhai. Diñu kă Yêsu leh anăn atăt ba jao Gơ̆ kơ Aê Pilat.

Y-Luk 12:5

Ƀiădah Kâo srăng hưn kơ hlei pô brei diih huĭ: huĭ bĕ kơ Pô, leh Ñu bi mdjiê mâo klei dưi hwiê hlăm war pui; Ơ, Kâo lač kơ diih, huĭ bĕ kơ Ñu!

Y-Luk 22:66

Tơdah adiê mngač leh, phung khua mduôn hlăm phung ƀuôn sang, phung knơ̆ng khua ngă yang, leh anăn phung khua čih hră bi kƀĭn mbĭt; leh anăn diñu atăt ba Yêsu ti anăp phung khua phat kđi diñu. Diñu lač,

Y-Yôhan 11:47

Snăn phung knơ̆ng khua ngă yang leh anăn phung Pharisi iêô bi kƀĭn phung khua phat kđi leh anăn lač, “Ya drei srăng ngă lĕ, kyuadah mnuih anei ngă lu klei bi knăl yuôm bhăn?

Y-Yôhan 15:25

Klei anăn truh leh čiăng bi sĭt klei blŭ čih leh hlăm klei bhiăn diñu, ‘Diñu bi êmut kơ Kâo leh amâo mâo klei ôh.’

Y-Yôhan 7:20

Phung ƀuôn sang lŏ wĭt lač, “Ih mâo sa čô yang jhat. Hlei pô duah bi mdjiê ih?”

Y-Yôhan 8:48

Phung Yuđa êmuh Yêsu, “Jing djŏ mơ̆ tơdah hmei lač Ih jing sa čô Samari leh anăn pô mâo yang jhat?”

Bruă Phung Khua Ƀĭng Kna 17:18

Msĕ mơh đa đa nai mtô hlăm phung Êpikur leh anăn phung Stôik bi tuôm hŏng ñu. Đa đa lač, “Ya pô thâo djưč anei čiăng lač?” Phung mkăn lač, “Ñu msĕ si hưn klei yang phung tue” — kyuadah Y-Pôl hưn klei mrâo mrang jăk Yêsu leh anăn klei kbiă lŏ hdĭp.

Bruă Phung Khua Ƀĭng Kna 22:30

Ƀiădah hruê mgi kyuadah khua kahan prŏng čiăng thâo sĭt ya klei phung Yuđa kčŭt kơ Y-Pôl, gơ̆ kleh ñu, leh anăn mtă kơ phung knơ̆ng khua ngă yang leh anăn jih jang phung khua phat kđi bi kƀĭn, leh anăn gơ̆ atăt ba Y-Pôl leh anăn brei ñu dôk ti anăp phung anăn.

Bruă Phung Khua Ƀĭng Kna 23:1

Y-Pôl ktan ală kơ phung khua phat kđi, lač, “Ơ phung ayŏng adei, kâo dôk dơ̆ng ƀơ̆ng huă ti anăp Aê Diê hŏng jih ai tiê kpă truh ti hruê anei.”

Bruă Phung Khua Ƀĭng Kna 24:20

amâodah brei phung êkei dôk tinei hưn ya klei soh diñu ƀuh êjai kâo dôk ti anăp phung khua phat kđi.

Bruă Phung Khua Ƀĭng Kna 4:15

Ƀiădah leh diñu mtă kơ digơ̆ kbiă mơ̆ng anôk phat kđi, diñu bi trông čhai hdơ̆ng diñu, lač,

Bruă Phung Khua Ƀĭng Kna 5:21

Hmư̆ klei anăn, aguah ưm diñu mŭt hlăm sang kkuh mpŭ leh anăn mtô. Khua ngă yang prŏng leh anăn phung mbĭt hŏng ñu truh. Diñu iêô bi kƀĭn phung khua phat kđi leh anăn jih jang phung khua mduôn phung Israel. Leh anăn diñu tiŏ nao brei atăt ba phung khua ƀĭng kna mơ̆ng war mnă.

Bruă Phung Khua Ƀĭng Kna 5:27

Leh mă digơ̆, diñu atăt ba digơ̆ ti anăp phung khua phat kđi. Khua ngă yang prŏng êmuh kơ digơ̆, lač,

Bruă Phung Khua Ƀĭng Kna 6:12

Diñu mčhur phung ƀuôn sang, phung khua mduôn, leh anăn phung khua čih hră. Diñu hriê mă čăp Y-Êtiên leh anăn atăt ba gơ̆ ti anăp phung khua phat kđi.

Bruă Phung Khua Ƀĭng Kna 6:15

Leh anăn jih jang mnuih dôk gŭ hlăm klei phat kđi anăn dôk dlăng amâo kƀreh ală kơ Y-Êtiên, ƀuh ƀô̆ mta gơ̆ msĕ si ƀô̆ mta sa čô dĭng buăl jăk.

Bruă Phung Khua Ƀĭng Kna 7:37

Y-Môis anei yơh blŭ leh kơ phung Israel snei, ‘Aê Diê srăng bi kbiă mơ̆ng phung ayŏng adei diih sa čô khua pô hưn êlâo msĕ si kâo.’

Hră Y-Pôl Mơĭt kơ Phung Rôm 12:10

Brei diih bi khăp hdơ̆ng diih msĕ si ayŏng adei; brei diih hdơr mpŭ hdơ̆ng diih.

I Kôrantô 6:10

phung knĕ, phung khăp kơ prăk, phung kreh kpiê ruă, phung kreh dlao wač, phung plah mă amâo srăng dưn ƀuôn ala mtao Aê Diê ôh.

I Kôrantô 6:6

ƀiădah pô anei kčŭt kơ pô mkăn ti anăp phung amâo đăo ôh?

Klei Mtô Mñă Klei Bhiăn 15:11

Kyuadah srăng mâo nanao phung ƀun ƀin hlăm čar; kyuanăn kâo mtă kơ diih, ‘Brei diih mblang bi prŏng kngan diih kơ ayŏng adei diih, kơ pô kƀah mnơ̆ng leh anăn kơ pô ƀun ƀin hlăm ala čar.’ ”

Klei Mtô Mñă Klei Bhiăn 16:18

“Brei diih mdưm phung khua phat kđi leh anăn phung khua kiă kriê hlăm jih jang ƀuôn Yêhôwa Aê Diê diih brei kơ ih, tui si găp djuê diih; leh anăn diñu srăng phat kđi phung ƀuôn sang hŏng klei kpă.

I Têsalônik 4:6

Đăm brei mâo ôh mnuih gao klei bhiăn leh anăn bi msoh kơ ayŏng adei ñu hlăm klei anăn, kyuadah Khua Yang jing Pô rŭ ênua kơ jih klei anăn, msĕ si hmei hưn leh brei diih răng.

Y-Tit 3:2

amâo blŭ jhat kơ arăng ôh, amâo bi msao ôh, jing êdu êun, leh anăn bi êdah klei êmhač kơ jih jang mnuih.

Hêbrơ 12:25

Răng bĕ, đăm hngah kơ Pô dôk blŭ ôh. Kyuadah tơdah phung anăn amâo tlaih ôh klei bi kmhal tơdah diñu hngah hmư̆ pô brei diñu răng ti lăn ala, sĭt nik drei amâo srăng tlaih ôh tơdah drei hngah kơ Pô blŭ brei răng mơ̆ng adiê.

Hêbrơ 5:9

leh anăn tơdah leh Ñu jing jăk klă, Ñu jing akŏ kơ klei bi mtlaih hlŏng lar kơ jih jang hlei pô gưt asăp kơ Ñu.

Y-Yakơ 2:20

Ơ mnuih mluk, ih čiăng thâo kơ klei đăo amâo mâo bruă bi êdah ôh jing hơăi mang?

Y-Yakơ 3:6

Leh anăn êlah jing msĕ si pui. Êlah jing msĕ si lăn ala soh, mdưm leh hlăm asei mlei drei, bi čhŏ jih asei mlei, leh anăn bi jhat jih ênuk drei dôk hdĭp leh anăn pui kbiă mơ̆ng war pui srăng čuh wăt ñu mơh.

I Y-Pêtrôs 2:23

Tơdah arăng dlao wač kơ Ñu, Ñu amâo lŏ dlao wač kơ arăng ôh; tơdah Ñu tŭ klei knap mñai, Ñu amâo arưp aram ôh. Ƀiădah Ñu knang kơ Pô phat kđi hŏng klei kpă.

I Y-Pêtrôs 3:9

Đăm bi wĭt klei jhat kơ klei jhat arăng ngă ôh, kăn bi wĭt klei dlao wač kơ klei arăng dlao wač rei; ƀiădah lĕ hơêč hmưi bĕ klei jăk jĭn, kyua kơ klei anăn Aê Diê iêô diih leh, čiăng kơ diih dưi dưn klei jăk jĭn.

I Y-Yôhan 2:9

Hlei pô lač ñu dôk hlăm klei mngač ƀiădah bi êmut kơ ayŏng adei ñu ăt dôk hlăm klei mmăt yơh.

I Y-Yôhan 3:10

Hŏng klei anei arăng dưi thâo kral hlei jing phung anak Aê Diê leh anăn hlei jing phung anak yang jhat: hlei pô amâo ngă klei kpă amâo kbiă hriê mơ̆ng Aê Diê ôh, kăn rei pô amâo khăp kơ ayŏng adei ñu.

I Y-Yôhan 5:16

Tơdah arăng ƀuh ayŏng adei ñu ngă klei soh amâo bi truh klei djiê ôh, ñu srăng akâo, leh anăn Aê Diê srăng brei klei hdĭp kơ phung ngă klei soh amâo bi truh klei djiê ôh. Mâo klei soh bi truh klei djiê. Kâo amâo lač ôh brei arăng wah lač kơ klei soh anăn.

Y-Yut 1:9

Wăt khua dĭng buăl jăk Mikel tơdah bi tăng hŏng yang jhat kyua asei mlei Y-Môis, ñu amâo jhŏng blŭ kđi hŏng klei dlao wač kơ yang jhat ôh, ƀiădah lač, “Brei Khua Yang phat kđi ih.”

Klei Bi Êdah 20:14

Leh anăn arăng dlăm Klei Djiê leh anăn Ƀuôn Phung Djiê hlăm ênao pui. Klei dlăm hlăm ênao pui anăn jing klei djiê tal dua.