Y-Mathiơ 5:19 - Klei Aê Diê Blŭ 2015

¹⁹ Snăn hlei pô gao sa mta điêt hĭn hlăm klei bhiăn anei, leh anăn mtô kơ arăng ngă msĕ, ñu srăng jing pô điêt hĭn hlăm ƀuôn ala mtao adiê. Ƀiădah hlei pô gưt leh anăn mtô klei bhiăn anăn, ñu srăng jing prŏng hlăm ƀuôn ala mtao adiê.

Y-Mathiơ 5:19 Iomraidhean Croise

Klei Mmuñ Hđăp 119:128

Sĭt nik kâo tui hlue jih klei Ih čih; Kâo bi êmut kơ jih jang êlan klei luar.

Klei Mmuñ Hđăp 119:6

Snăn kâo amâo srăng hêñ ôh, êjai kâo dlăng kơ jih klei Ih mtă.

Y-Đaniel 12:3

Phung thâo mĭn srăng mtrang msĕ si klei mngač hlăm adiê; leh anăn phung atăt lu mnuih kơ klei kpă ênô srăng mtrang msĕ si mtŭ nanao hlŏng lar.

Y-Mathiơ 11:11

Sĭt nik Kâo lač kơ diih, đơ phung mnuih mniê kkiêng leh, amâo mâo pô prŏng hĭn kơ Y-Yôhan Pô Ngă Ƀaptem ôh; ƀiădah pô điêt hĭn hlăm ƀuôn ala mtao adiê jing prŏng hĭn kơ ñu.

Y-Mathiơ 19:28

Yêsu lač kơ digơ̆, “Sĭt nik Kâo lač kơ diih, hlăm ênuk lŏ bi mrâo, tơdah Anak Mnuih srăng dôk gŭ ti jhưng mtao guh kơang Ñu, diih phung tui hlue leh Kâo srăng dôk gŭ msĕ mơh ti pluh dua boh jhưng mtao, phat kđi pluh dua găp djuê phung Israel.

Y-Mathiơ 20:26

Ƀiădah amâo djŏ snăn ôh ti krah diih; hlei pô čiăng jing prŏng hlăm phung diih, brei ñu jing dĭng buăl diih,

Y-Mathiơ 28:20

bi hriăm diñu brei gưt jih jang klei Kâo mtă leh kơ diih. Leh anăn nĕ anei, Kâo dôk mbĭt hŏng diih nanao tơl knhal tuč lăn ala.”

Y-Luk 1:15

Kyuadah gơ̆ srăng jing prŏng ti anăp Khua Yang. Gơ̆ amâo srăng mnăm ôh kpiê boh kriăk ƀâo amâodah kpiê ktang, leh anăn gơ̆ srăng bŏ hŏng Yang Mngăt Jăk dơ̆ng mơ̆ng tian amĭ gơ̆.

Y-Luk 11:42

Ƀiădah knap mñai yơh kơ diih, Ơ phung Pharisi! Kyuadah diih myơr sa kdrêč hlăm pluh êč, êbai, leh anăn jih djam rơ̆k, ƀiădah amâo uêñ ôh kơ klei kpă leh anăn kơ klei Aê Diê khăp. Klei anei brei diih ngă, leh anăn ăt ngă mơh klei mkăn.

Y-Luk 9:48

leh anăn lač kơ diñu, “Hlei pô jum hđeh điêt anei hlăm anăn Kâo msĕ si jum Kâo mơh; leh anăn hlei pô jum Kâo msĕ si jum Pô tiŏ hriê Kâo leh, kyuadah hlei pô jing điêt hĭn hlăm phung diih jih jang, pô anăn yơh jing prŏng hĭn.”

Bruă Phung Khua Ƀĭng Kna 1:1

Ơ Y-Thêôphil, hlăm hdruôm hră tal êlâo kâo čih leh djŏ kơ jih jang klei Yêsu dơ̆ng ngă leh anăn mtô mơ̆ng mphŭn,

Hră Y-Pôl Mơĭt kơ Phung Rôm 3:8

Snăn jăk hĭn drei ngă soh čiăng bi truh klei jăk — mâo đa đa mnuih mčeh kơ hmei mtô klei anăn. Klei bi kmhal kơ diñu jing kpă.

Hră Y-Pôl Mơĭt kơ Phung Rôm 6:1

Snăn ya drei srăng lač lĕ? Drei srăng ăt ngă klei soh čiăng dưi mâo klei pap lu êbeh mơ̆?

Hră Y-Pôl Mơĭt kơ Phung Rôm 6:15

Snăn si ngă? Drei srăng ngă soh mơ̆ kyuadah drei amâo dôk ôh ti gŭ klei bhiăn ƀiădah dôk ti gŭ klei pap?

Klei Mtô Mñă Klei Bhiăn 12:32

Jih jang klei kâo mtă kơ diih, brei diih răng ngă; đăm thiăm amâodah bi hrŏ ôh.”

Klei Mtô Mñă Klei Bhiăn 27:26

‘Tăm pah hĕ kơ pô amâo bi sĭt ôh boh blŭ klei bhiăn anei hŏng klei ngă tui hlue digơ̆.’ Leh anăn jih jang phung ƀuôn sang srăng lač, ‘Amen’.”

I Y-Timôthê 6:11

Ƀiădah bi ih, ơ mnuih Aê Diê, đuĕ mơ̆ng jih klei anăn; leh anăn tui duah klei kpă ênô, klei mpŭ kơ Aê Diê, klei đăo, klei khăp, klei gĭr, klei êdu êun.

Y-Tit 3:8

Klei blŭ anăn jing sĭt. Kâo čiăng kơ ih mtă bi sĭt kơ klei anăn, čiăng kơ phung đăo leh kơ Aê Diê srăng pioh jih ai tiê ngă bruă jăk. Klei anăn jăk snăk leh anăn yuôm kơ mnuih.

I Y-Pêtrôs 5:4

Leh anăn tơdah Khua Mgăt Biăp srăng bi êdah, diih srăng mă tŭ đuôn mtao klei guh kơang amâo thâo rai ôh.

I Y-Yôhan 3:4

Grăp čô ngă soh jing gao klei bhiăn; kyua klei soh jing klei gao klei bhiăn.

Klei Bi Êdah 2:20

Ƀiădah anei klei Kâo mâo hŏng ih, ih jum sa čô mniê bi anăn H'Jêsabel. Ñu pia kơ ñu pô sa čô khua pô hưn êlâo mniê, leh anăn ñu mtô leh anăn mplư phung dĭng buăl Kâo ngă klei knhông leh anăn ƀơ̆ng čĭm arăng myơr leh kơ rup yang.

I Y-Samuel 2:30

Kyua anăn Yêhôwa, Aê Diê Israel hưn, ‘Kâo ƀuăn leh kơ sang ih leh anăn kơ sang aê ih srăng mă bruă kơ Kâo nanao hlŏng lar.’ Ƀiădah ară anei Yêhôwa hưn, ‘Hơăi, Kâo amâo lŏ ngă snăn ôh. Kyuadah Kâo srăng mpŭ kơ hlei phung mpŭ kơ Kâo, leh anăn phung bi êmut kơ Kâo, Kâo amâo srăng mpŭ ôh kơ phung diñu.