Y-Mathiơ 5:18 - Klei Aê Diê Blŭ 2015

¹⁸ Kyuadah sĭt nik Kâo lač kơ diih, tơl adiê leh anăn lăn ala êgao tuč, amâo srăng luč sa boh hră amâodah sa klei điêt hĭn hlăm klei bhiăn ôh, tơl jih jang klei anăn srăng bi sĭt.

Y-Mathiơ 5:18 Iomraidhean Croise

Klei Mmuñ Hđăp 102:26

Diñu srăng rai tuč, ƀiădah Ih ăt dôk; jih jang diñu srăng tĭ sô msĕ si čhiăm ao. Ih bi mlih diñu msĕ si sa blah ao, leh anăn diñu srăng luč.

Klei Mmuñ Hđăp 111:8

Klei Ñu čih dôk kjăp hlŏng lar, brei leh hŏng klei sĭt nik leh anăn klei kpă.

Klei Mmuñ Hđăp 119:152

Mơ̆ng sui leh kâo thâo săng klei Ih hưn, Ih yơh mdơ̆ng digơ̆ hlŏng lar.

Y-Êsai 40:8

Rơ̆k krô, mnga dliu, ƀiădah klei Aê Diê drei blŭ srăng dôk nanao hlŏng lar.”

Y-Êsai 44:26

Pô bi sĭt klei dĭng buăl Ñu blŭ, leh anăn bi truh ya klei phung Ñu tiŏ nao hưn; Pô lač kơ ƀuôn Yêrusalem, ‘Arăng srăng dôk hlăm ñu,’ leh anăn kơ jih jang ƀuôn čar Yuđa, ‘Arăng srăng lŏ mdơ̆ng diñu, leh anăn Kâo srăng rŭ mdơ̆ng djah diñu rai leh;’

Y-Êsai 51:6

Kngưr bĕ ală diih phă phung adiê, leh anăn dlăng bĕ kơ lăn ala ti gŭ. Kyuadah phung adiê srăng luč msĕ si săp pui, lăn ala srăng sô tĭ msĕ si čhiăm ao, leh anăn phung dôk tinăn srăng djiê msĕ si tŭk mrui. Ƀiădah klei Kâo bi mtlaih srăng dôk hlŏng lar, leh anăn klei kpă ênô Kâo amâo srăng tuč ôh.

Y-Mathiơ 10:15

Sĭt nik Kâo lač kơ diih, ti hruê phat kđi êdei ƀuôn Sôdôm leh anăn ƀuôn Gômôrơ srăng mâo klei bi kmhal êdu hĭn kơ ƀuôn anăn.”

Y-Mathiơ 10:23

Tơdah diñu ngă jhat kơ diih hlăm sa boh ƀuôn, đuĕ bĕ kơ ƀuôn mkăn; kyuadah sĭt nik Kâo lač kơ diih, ka tar ôh diih hiu jih ƀuôn phung Israel, êlâo Anak Mnuih hriê hĕ.”

Y-Mathiơ 10:42

Hlei pô brei kơ sa čô hlăm phung hđeh điêt anei mnăm sa kčok êa ngač kyuadah gơ̆ jing sa čô ƀĭng kna, sĭt nik Kâo lač kơ diih, pô brei anăn amâo srăng luč ôh klei mưn ñu.”

Y-Mathiơ 11:11

Sĭt nik Kâo lač kơ diih, đơ phung mnuih mniê kkiêng leh, amâo mâo pô prŏng hĭn kơ Y-Yôhan Pô Ngă Ƀaptem ôh; ƀiădah pô điêt hĭn hlăm ƀuôn ala mtao adiê jing prŏng hĭn kơ ñu.

Y-Mathiơ 13:17

Sĭt nik Kâo lač kơ diih, lu phung khua pô hưn êlâo leh anăn phung kpă ênô čiăng snăk ƀuh klei diih ƀuh, ƀiădah diñu amâo ƀuh ôh, leh anăn čiăng hmư̆ klei diih hmư̆, ƀiădah diñu amâo hmư̆ ôh.

Y-Mathiơ 16:28

Sĭt nik Kâo lač kơ diih, mâo đa đa dôk tinei amâo srăng djiê ôh êlâo kơ diñu ƀuh Anak Mnuih hriê hlăm ƀuôn ala mtao Ñu.”

Y-Mathiơ 17:20

Yêsu lač kơ diñu, “Kyuadah klei đăo diih điêt. Sĭt nik Kâo lač kơ diih, tơdah diih mâo klei đăo msĕ si sa asăr djam bei hat, diih dưi lač kơ čư̆ anei, ‘Đuĕ bĕ kơ anôk mkăn,’ gơ̆ srăng đuĕ; leh anăn amâo mâo ôh sa klei diih amâo dưi ngă. [

Y-Mathiơ 18:18

“Sĭt nik Kâo lač kơ diih, ya mnơ̆ng diih kă ti lăn ala arăng srăng kă hlăm adiê; leh anăn ya mnơ̆ng diih kleh ti lăn ala arăng srăng kleh hlăm adiê.

Y-Mathiơ 18:3

“Sĭt nik Kâo lač kơ diih, tơdah diih amâo bi mlih jing msĕ si hđeh điêt, diih amâo srăng mŭt hlăm ƀuôn ala mtao adiê ôh.

Y-Mathiơ 19:23

Yêsu lač kơ phung ƀĭng kna Ñu, “Sĭt nik Kâo lač kơ diih, jing dleh snăk kơ sa čô mdrŏng mŭt hlăm ƀuôn ala mtao adiê.

Y-Mathiơ 19:28

Yêsu lač kơ digơ̆, “Sĭt nik Kâo lač kơ diih, hlăm ênuk lŏ bi mrâo, tơdah Anak Mnuih srăng dôk gŭ ti jhưng mtao guh kơang Ñu, diih phung tui hlue leh Kâo srăng dôk gŭ msĕ mơh ti pluh dua boh jhưng mtao, phat kđi pluh dua găp djuê phung Israel.

Y-Mathiơ 21:21

Yêsu lŏ wĭt lač kơ diñu, “Sĭt nik Kâo lač kơ diih, tơdah diih mâo klei đăo leh anăn amâo đing ôh, amâo djŏ ôh knŏng diih dưi ngă snăn kơ ana boh hra, ƀiădah tơdah diih lač kơ čư̆ anei, ‘Đuĕ bĕ leh anăn kdâo hlăm êa ksĭ,’ wăt klei anăn srăng truh mơh.

Y-Mathiơ 21:31

Hlei pô hlăm phung dua čô anăn ngă klei ama ñu čiăng?” Diñu lŏ wĭt lač, “Pô êlâo anăn.” Yêsu lač kơ diñu, “Sĭt nik Kâo lač kơ diih, phung rĭng jia leh anăn phung mniê knhông mŭt hlăm ƀuôn ala mtao Aê Diê êlâo kơ diih.

Y-Mathiơ 23:36

Sĭt nik Kâo lač kơ diih, jih jang klei anăn srăng truh kơ phung găp djuê ênuk anei.”

Y-Mathiơ 24:2

Ñu lač kơ digơ̆, “Diih ƀuh mơ̆ jih jang sang anei? Sĭt nik Kâo lač kơ diih, amâo srăng mâo sa boh tâo ti dlông boh tâo mkăn amâo srăng klưh ôh.”

Y-Mathiơ 24:47

Sĭt nik Kâo lač kơ diih, khua ñu srăng brei dĭng buăl anăn kiă kriê jih jang mnơ̆ng gơ̆ mâo.

Y-Mathiơ 25:12

Ƀiădah khua lŏ wĭt lač, ‘Kâo lač sĭt nik kơ diih, Kâo amâo thâo kral diih ôh.’

Y-Mathiơ 25:40

Leh anăn Mtao srăng lŏ wĭt lač kơ diñu, ‘Sĭt nik Kâo lač kơ diih, êjai diih ngă leh klei anăn kơ sa čô hlăm phung ayŏng adei Kâo đơ điêt anei jing klei diih ngă leh kơ Kâo yơh.’

Y-Mathiơ 25:45

Ñu srăng lŏ wĭt lač kơ phung anăn, ‘Sĭt nik Kâo lač kơ diih, tơdah diih amâo tuôm ngă klei anăn kơ sa čô hlăm phung đơ điêt anei, jing msĕ si diih amâo tuôm ngă kơ Kâo ôh.’

Y-Mathiơ 5:26

Sĭt nik Kâo lač kơ ih, ih amâo srăng dưi kbiă mơ̆ng war ôh tơl ih ba kđi ênŭm.”

Y-Mathiơ 6:16

“Tơdah diih kăm ƀơ̆ng huă, đăm bi êdah ôh ƀô̆ mta ênguôt, msĕ si phung ai ngăm; kyuadah diñu bi êdah ƀô̆ mta ênguôt čiăng kơ mnuih thâo kơ diñu kăm ƀơ̆ng huă. Sĭt nik Kâo lač kơ diih, diñu mâo leh klei mưn kơ diñu.

Y-Mathiơ 6:2

Snăn tơdah ih brei mnơ̆ng pap kơ arăng, đăm ayŭ ki ti anăp ih ôh msĕ si phung ai ngăm ngă hlăm sang bi kƀĭn leh anăn ti êlan dơ̆ng, čiăng kơ mnuih mpŭ mni kơ diñu. Sĭt nik Kâo lač kơ diih, phung anăn mâo leh klei mưn kơ diñu.

Y-Mathiơ 8:10

Tơdah Yêsu hmư̆ khua kahan anăn, Ñu bi kngăr leh anăn lač kơ phung tui hlue Ñu, “Sĭt nik Kâo lač kơ diih, wăt hlăm čar Israel Kâo ka tuôm ƀuh ôh mnuih mâo klei đăo prŏng msĕ snăn.

Y-Markôs 10:15

Sĭt nik Kâo lač kơ diih, hlei pô amâo mă tŭ ƀuôn ala mtao Aê Diê msĕ si sa čô hđeh amâo srăng mŭt tinăn ôh.”

Y-Markôs 10:29

Yêsu lač, “Sĭt nik Kâo lač kơ diih, grăp čô hlei pô lui leh sang ñu amâodah phung ayŏng adei, amai adei, amĭ, ama, phung anak, amâodah lăn hma kyua Kâo leh anăn kyua klei mrâo mrang jăk,

Y-Markôs 11:23

Sĭt nik Kâo lač kơ diih, hlei pô lač kơ čư̆ anei, ‘Đuĕ bĕ ih leh anăn kdâo hlăm êa ksĭ,’ leh anăn amâo đing ôh hlăm ai tiê ñu, ƀiădah đăo kơ klei ñu lač srăng truh, ñu srăng ƀuh klei anăn truh êdi.

Y-Markôs 12:43

Yêsu iêô phung ƀĭng kna Ñu leh anăn lač kơ digơ̆, “Sĭt nik Kâo lač kơ diih, mniê djiê ung ƀun ƀin anei myơr leh hlăm hip prăk lu hĭn kơ jih jang phung mkăn.

Y-Markôs 13:30

Sĭt nik Kâo hưn kơ diih, phung mnuih ênuk anăn amâo srăng êgao tuč ôh êlâo kơ jih klei anăn truh.

Y-Markôs 14:18

Êjai diñu dôk ti jhưng huă ƀơ̆ng Yêsu lač, “Sĭt nik Kâo lač kơ diih, sa čô hlăm phung diih srăng lhiăr kơ Kâo, pô anăn dôk huă ƀơ̆ng mbĭt hŏng Kâo.”

Y-Markôs 14:25

Sĭt nik Kâo lač kơ diih, Kâo amâo srăng lŏ mnăm ôh êa boh kriăk ƀâo tơl hruê Kâo srăng mnăm êa boh kriăk ƀâo mrâo hlăm ƀuôn ala mtao Aê Diê.”

Y-Markôs 14:30

Yêsu lač kơ gơ̆, “Sĭt nik Kâo lač kơ ih, mlam anei yơh, êlâo kơ mnŭ knô kdjô̆ dua blư̆, ih srăng hngah kơ Kâo tlâo blư̆.”

Y-Markôs 14:9

Kâo lač kơ diih sĭt nik, ti anôk arăng mtô klei mrâo mrang jăk tar ƀar lăn ala, arăng srăng yăl dliê klei mniê anei ngă leh, čiăng bi hdơr kơ ñu.”

Y-Markôs 3:28

Sĭt nik Kâo lač kơ diih, Aê Diê srăng pap brei jih jang klei soh phung anak mnuih, wăt klei diñu blŭ mgao hŏng Aê Diê;

Y-Markôs 6:11

Leh anăn tơdah mâo anôk arăng amâo jum kăn hmư̆ diih rei, tơdah diih kbiă mơ̆ng anôk anăn, ktuh hĕ ƀruih lăn mơ̆ng jơ̆ng diih čiăng jing klei hưn bi kdơ̆ng hŏng diñu.”

Y-Markôs 8:12

Gơ̆ ksuh êwa prŏng hlăm ai tiê leh anăn lač, “Si ngă phung ênuk anei duah klei bi knăl mdê? Sĭt nik Kâo lač kơ diih, arăng amâo srăng brei ôh klei bi knăl mdê kơ phung ênuk anei.”

Y-Markôs 9:1

Leh anăn Yêsu lač kơ digơ̆, “Sĭt nik Kâo lač kơ diih, mâo đa đa dôk tinei amâo srăng ƀuh ôh klei djiê êlâo kơ diñu ƀuh ƀuôn ala mtao Aê Diê truh hŏng klei myang.”

Y-Markôs 9:41

Kyuadah sĭt nik Kâo lač kơ diih, hlei pô brei kơ diih mnăm sa atŏ êa kyuadah diih jing phung Kâo, hơăi, ñu amâo srăng luč ôh klei mưn ñu.”

Y-Luk 11:51

dơ̆ng mơ̆ng êrah Y-Aƀel truh ti êrah Y-Sakari, pô arăng bi mdjiê leh plah wah knưl ngă yang leh anăn adŭ doh jăk. Sĭt nik Kâo lač kơ diih, arăng srăng bi lĕ êrah anăn kơ phung ênuk anei.

Y-Luk 12:37

Jăk mơak yơh phung dĭng buăl anăn tơdah khua digơ̆ truh leh anăn ƀuh digơ̆ dôk răng. Sĭt nik Kâo lač kơ diih, ñu srăng hyuă hdrăng kơiêng ñu, brei digơ̆ dôk gŭ leh anăn ba mnơ̆ng ƀơ̆ng huă kơ digơ̆.

Y-Luk 13:35

Nĕ anei, sang diih srăng jing ênguôl. Leh anăn Kâo hưn kơ diih, diih amâo srăng lŏ ƀuh Kâo ôh tơl diih srăng lač, ‘Jăk jĭn yơh kơ Pô hriê hlăm anăn Khua Yang!’ ”

Y-Luk 16:17

Ênưih hĭn kơ adiê leh anăn lăn ala êgao tuč hŏng sa gru hră hlăm klei bhiăn jing hĕ hơăi mang.

Y-Luk 18:17

Sĭt nik Kâo lač kơ diih, hlei pô amâo mă tŭ ôh ƀuôn ala mtao Aê Diê msĕ si sa čô hđeh amâo srăng mŭt tinăn ôh.”

Y-Luk 18:29

Yêsu lač kơ diñu, “Sĭt nik Kâo hưn kơ diih, hlei pô lui leh sang, mô̆, ayŏng adei, amĭ ama, amâodah phung anak kyua ƀuôn ala mtao Aê Diê,

Y-Luk 23:43

Yêsu lač kơ ñu, “Sĭt nik Kâo lač kơ ih, hruê anei ih srăng dôk mbĭt hŏng Kâo hlăm Paradi.”

Y-Luk 4:24

Leh anăn Ñu lač, “Sĭt nik Kâo lač kơ diih, amâo mâo sa čô khua pô hưn êlâo tuôm mâo klei jum jăk hlăm ƀuôn ñu pô.

Y-Yôhan 1:51

Leh anăn Yêsu lač kơ gơ̆, “Kâo lač kơ diih klei sĭt nik, diih srăng ƀuh adiê pŏk mdah, leh anăn phung dĭng buăl jăk Aê Diê đĭ leh anăn trŭn ti Anak Mnuih.”

Y-Yôhan 10:1

“Kâo lač kơ diih klei sĭt nik, hlei pô amâo mŭt ôh ti ƀăng bhă war biăp, ƀiădah đĭ mŭt ti êlan mkăn, mnuih anăn jing sa čô knĕ leh anăn mnuih tlĕ mmiă.

Y-Yôhan 10:7

Yêsu lŏ lač kơ diñu, “Kâo lač kơ diih klei sĭt nik, Kâo jing ƀăng bhă kơ phung biăp.

Y-Yôhan 12:24

Kâo lač kơ diih klei sĭt nik, tơdah sa asăr mdiê ƀlê amâo lĕ ôh ti lăn leh anăn djiê, ñu ăt dôk knŏng sa asăr; ƀiădah tơdah ñu djiê, ñu mboh lu.

Y-Yôhan 13:16

Kâo lač kơ diih klei sĭt nik, sa čô dĭng buăl amâo jing prŏng hĭn kơ khua ñu ôh; leh anăn pô arăng tiŏ nao amâo jing prŏng hĭn kơ pô tiŏ nao ñu ôh.

Y-Yôhan 13:38

Yêsu lŏ wĭt lač, “Ih srăng jao brei klei hdĭp ih pô kyua Kâo mơ̆? Kâo lač kơ ih klei sĭt nik, mnŭ knô amâo srăng kdjô̆ ôh tơl ih hngah leh kơ Kâo tlâo blư̆.”

Y-Yôhan 14:12

Kâo lač kơ diih klei sĭt nik, hlei pô đăo kơ Kâo srăng ngă mơh bruă Kâo ngă; leh anăn ñu srăng ngă bruă prŏng hĭn kơ bruă Kâo ngă, kyuadah Kâo đuĕ nao kơ Ama.

Y-Yôhan 16:20

Kâo lač kơ ih klei sĭt, diih srăng hia leh anăn ênguôt, ƀiădah lăn ala srăng hơ̆k mơak. Diih srăng ênguôt, ƀiădah Aê Diê srăng mbliư̆ klei ênguôt diih jing klei hơ̆k mơak.

Y-Yôhan 16:23

Ti hruê anăn diih amâo srăng lŏ êmuh Kâo sa mta klei ôh. Kâo lač kơ diih klei sĭt, ya klei diih akâo kơ Ama hlăm anăn Kâo, Ñu srăng brei kơ diih.

Y-Yôhan 21:18

Kâo lač kơ ih klei sĭt nik, êjai ih hlăk ai, ih hyuă kơiêng ih pô leh anăn nao ti anôk ih čiăng; ƀiădah tơdah ih mduôn, ih srăng yơr kngan, leh anăn sa čô mkăn srăng hyuă brei hdrăng kơiêng ih, leh anăn srăng atăt ba ih ti anôk ih amâo čiăng nao ôh.”

Y-Yôhan 3:11

Kâo lač kơ ih klei sĭt nik, hmei blŭ ya klei hmei thâo, leh anăn hưn ya klei hmei ƀuh leh; ƀiădah diih amâo tŭ ôh klei hmei hưn.

Y-Yôhan 3:3

Yêsu lŏ wĭt lač kơ ñu, “Kâo lač kơ ih klei sĭt nik, tơdah sa čô amâo mâo klei lŏ bi kkiêng mrâo, ñu amâo dưi ƀuh ƀuôn ala mtao Aê Diê ôh.”

Y-Yôhan 3:5

Yêsu lŏ wĭt lač, “Kâo lač kơ ih klei sĭt nik, tơdah sa čô mnuih amâo mâo klei kkiêng hŏng êa leh anăn hŏng Mngăt Myang, ñu amâo dưi mŭt hlăm ƀuôn ala mtao Aê Diê ôh.

Y-Yôhan 5:19

Yêsu lač kơ digơ̆, “Kâo lač kơ diih klei sĭt nik, Anak amâo dưi ngă sa mta bruă tui si Ñu pô čiăng ôh, ƀiădah knŏng msĕ si Ñu ƀuh Ama ngă. Kyuadah ya bruă Ama ngă, Anak ngă msĕ mơh.

Y-Yôhan 6:26

Yêsu lŏ wĭt lač kơ digơ̆, “Kâo lač kơ diih klei sĭt nik, diih duah Kâo, amâo djŏ ôh kyua diih ƀuh leh klei bi knăl yuôm bhăn, ƀiădah kyua diih ƀơ̆ng leh kpŭng tơl trei.

Y-Yôhan 6:32

Leh anăn Yêsu lač kơ digơ̆, “Kâo lač kơ diih klei sĭt nik, amâo djŏ ôh Y-Môis brei leh kơ diih kpŭng mơ̆ng adiê; ƀiădah Ama Kâo brei kơ diih kpŭng sĭt mơ̆ng adiê.

Y-Yôhan 6:47

Kâo lač kơ diih klei sĭt nik, hlei pô đăo mâo leh klei hdĭp hlŏng lar.

Y-Yôhan 6:53

Snăn Yêsu lač kơ digơ̆, “Kâo lač kơ diih klei sĭt nik, tơdah diih amâo ƀơ̆ng kđeh Anak Mnuih leh anăn mnăm êrah Ñu, diih amâo mâo klei hdĭp hlăm diih ôh.

Y-Yôhan 8:34

Yêsu lŏ wĭt lač kơ diñu, “Kâo lač kơ diih klei sĭt nik, grăp čô hlei pô ngă soh jing hlŭn kơ klei soh.

Y-Yôhan 8:51

Kâo lač kơ diih klei sĭt nik, tơdah sa čô djă pioh klei Kâo blŭ amâo srăng tuôm hŏng klei djiê ôh.”

Y-Yôhan 8:58

Yêsu lač kơ diñu, “Kâo lač kơ diih klei sĭt nik, êlâo kơ mâo Y-Abraham, Kâo Jing.”

I Y-Pêtrôs 1:25

ƀiădah klei Khua Yang blŭ dôk nanao hlŏng lar.” Klei blŭ anăn jing klei mrâo mrang jăk diih hmư̆ leh.

Klei Bi Êdah 20:11

Leh anăn kâo ƀuh sa boh jhưng mtao kô̆ prŏng leh anăn Pô dôk gŭ tinăn. Lăn ala leh anăn adiê đuĕ mơ̆ng anăp ƀô̆ mta Ñu, leh anăn amâo lŏ mâo anôk kơ digơ̆ ôh.