Y-Mathiơ 5:17 - Klei Aê Diê Blŭ 2015

¹⁷ “Đăm mĭn ôh Kâo hriê bi rai klei bhiăn leh anăn klei phung khua pô hưn êlâo čih. Kâo hriê amâo djŏ čiăng bi rai ôh, ƀiădah čiăng bi sĭt.

Y-Mathiơ 5:17 Iomraidhean Croise

Y-Êsai 42:21

Kyua klei kpă ênô Ñu pô, Yêhôwa mơak čiăng bi lar leh anăn bi guh kơang klei bhiăn Ñu.

Y-Mathiơ 3:15

Yêsu lŏ wĭt lač kơ ñu, “Brei ngă snăn yơh ară anei, kyuadah ngă snăn jing djŏ kơ drei bi sĭt jih jang klei Aê Diê čiăng.” Snăn Y-Yôhan tŭ.

Y-Mathiơ 7:12

Snăn ya klei diih čiăng phung mnuih ngă kơ diih, brei diih ngă msĕ snăn mơh kơ digơ̆; kyuadah klei anăn jing djŏ tui si klei bhiăn leh anăn klei phung khua pô hưn êlâo čih leh.”

Y-Luk 16:17

Ênưih hĭn kơ adiê leh anăn lăn ala êgao tuč hŏng sa gru hră hlăm klei bhiăn jing hĕ hơăi mang.

Y-Yôhan 8:5

Hlăm klei bhiăn Y-Môis mtă brei drei bhĭr boh tâo bi mdjiê pô ngă msĕ snăn. Bi Ih, si Ih lač kơ klei anăn?”

Bruă Phung Khua Ƀĭng Kna 18:13

lač, “Êkei anei mgô̆ phung ƀuôn sang kkuh mpŭ kơ Aê Diê mdê hŏng klei bhiăn.”

Bruă Phung Khua Ƀĭng Kna 21:28

Diñu ur kraih, “Ơ phung ayŏng adei Israel, hriê đru! Nĕ anei êkei hiu mtô tar ƀar bi kdơ̆ng hŏng phung ƀuôn sang, hŏng klei bhiăn, leh anăn hŏng anôk anei. Êbeh kơ anăn ñu atăt phung Grĕk mŭt hlăm sang kkuh mpŭ, leh anăn bi čhŏ anôk doh jăk anei.”

Bruă Phung Khua Ƀĭng Kna 6:13

Diñu brei phung kčŭt mčeh, lač, “Êkei anei amâo mdei ôh blŭ bi kdơ̆ng hŏng anôk doh jăk anei leh anăn hŏng klei bhiăn.

Hră Y-Pôl Mơĭt kơ Phung Rôm 10:4

Kyuadah Krist bi ruê̆ klei bhiăn, čiăng bi mâo klei kpă ênô kơ jih jang hlei pô đăo.

Hră Y-Pôl Mơĭt kơ Phung Rôm 3:31

Snăn hŏng klei đăo drei mdlưh hĕ klei bhiăn mơ̆? Hơăi, amâo djŏ ôh! Boh nik nak drei krơ̆ng klei bhiăn.

Hră Y-Pôl Mơĭt kơ Phung Rôm 8:4

čiăng bi sĭt klei kpă tui si klei bhiăn hlăm drei, phung hdĭp amâo djŏ tui si kđeh ôh, ƀiădah tui si Yang Mngăt Jăk.