Y-Mathiơ 5:16 - Klei Aê Diê Blŭ 2015

¹⁶ Msĕ mơh brei klei mngač diih mtrang ti anăp mnuih, čiăng kơ diñu dưi ƀuh bruă jăk diih ngă leh anăn diñu mpŭ mni kơ Ama diih hlăm adiê.”

Y-Mathiơ 5:16 Iomraidhean Croise

Klei Kbiă 34:35

Phung ƀuôn sang Israel ƀuh ƀô̆ mta Y-Môis, leh anăn klĭt ƀô̆ mta gơ̆ guh mngač, snăn Y-Môis lŏ guôm čhiăm ti ƀô̆ mta gơ̆ tơl gơ̆ mŭt čiăng blŭ hŏng Yêhôwa.

Klei Bi Hriêng 4:18

Ƀiădah êlan phung kpă ênô jing msĕ si klei mngač ang dar, klei mngač ñu jing ktang hĭn ƀrư̆ ƀrư̆ tơl truh yang hruê dơ̆ng.

Y-Êsai 58:8

Hlăk anăn klei mngač ih srăng mtrang msĕ si ang dar, leh anăn klei bi hlao ih srăng truh djăl; klei kpă ênô ih srăng nao ti anăp ih, leh anăn klei guh kơang Yêhôwa srăng gak ti tluôn ih.

Y-Êsai 61:3

čiăng brei kơ phung kơŭ kyăm hlăm ƀuôn Siôn — čiăng brei kơ diñu kwang mnga hrô kơ hbâo, êa ƀâo mngưi klei hơ̆k hrô kơ klei kơŭ kyăm, čhiăm ao klei bi mni hrô kơ klei mĭn êdu ai. Arăng srăng pia diñu kyâo klei kpă ênô mnơ̆ng Yêhôwa pla leh, čiăng kơ Yêhôwa dưi mâo klei guh kơang.

Y-Mathiơ 23:5

Diñu ngă jih bruă diñu knŏng čiăng brei arăng ƀuh. Diñu bi ƀai kdô pioh klei bhiăn diñu, leh anăn bi dlông grua ao jhung diñu.

Y-Mathiơ 23:9

Leh anăn đăm pia ama kơ sa čô mnuih hlăm lăn ala anei ôh, kyuadah diih mâo knŏng sa čô Ama, Pô dôk hlăm adiê.

Y-Mathiơ 5:45

čiăng kơ diih dưi jing phung anak Ama diih hlăm adiê; kyuadah Ñu brei yang hruê ƀlĕ kơ phung ƀai wăt kơ phung jăk, leh anăn Ñu brei adiê hjan kơ phung kpă wăt kơ phung wê.

Y-Mathiơ 6:16

“Tơdah diih kăm ƀơ̆ng huă, đăm bi êdah ôh ƀô̆ mta ênguôt, msĕ si phung ai ngăm; kyuadah diñu bi êdah ƀô̆ mta ênguôt čiăng kơ mnuih thâo kơ diñu kăm ƀơ̆ng huă. Sĭt nik Kâo lač kơ diih, diñu mâo leh klei mưn kơ diñu.

Y-Mathiơ 6:9

Snăn wah lač bĕ msĕ snei: ‘Ơ Ama hmei, dôk hlăm adiê ơi, akâo kơ anăn Ih mâo klei mpŭ doh jăk.

Y-Mathiơ 9:8

Tơdah phung lu ƀuh klei anăn diñu huĭ, leh anăn diñu mpŭ mni kơ Aê Diê, kyuadah Ñu brei leh klei dưi msĕ snăn kơ phung mnuih.

Y-Luk 11:2

Yêsu lač kơ diñu, “Tơdah diih wah lač, lač snei: ‘Ơ Ama, brei anăn Ih mâo klei mpŭ. Brei ƀuôn ala mtao Ih truh.

Y-Yôhan 15:8

Kyuadah hlăm klei anei Ama Kâo mâo klei guh kơang: tơdah diih mboh lu, snăn diih jing phung ƀĭng kna Kâo.

Bruă Phung Khua Ƀĭng Kna 9:36

Mâo ti ƀuôn Jôpa hlăm phung ƀĭng kna sa čô mniê đăo, anăn gơ̆ H'Tabitha, čiăng lač Dôrkas (amâodah Ktŏng). Gơ̆ ngă lu bruă jăk leh anăn brei lu mnơ̆ng pap.

I Kôrantô 14:25

klei hgăm hlăm ai tiê ñu srăng bi êdah, snăn ñu srăng kŭp ƀô̆ ti lăn, kkuh mpŭ kơ Aê Diê, leh anăn hưn Aê Diê dôk ti krah diih sĭt nik.

II Kôrantô 9:13

Hŏng bruă anei, diñu thâo leh ai tiê kmah diih leh anăn mpŭ mni kơ Aê Diê kyua klei diih gưt asăp hlăm klei tŭ klei mrâo mrang jăk Krist, leh anăn hlăm klei kmah diih myơr kơ diñu leh anăn kơ jih jang phung mkăn;

Galati 1:24

Snăn diñu mpŭ mni kơ Aê Diê kyua kâo.

Êphêsô 2:10

Kyuadah drei jing bruă Ñu, Ñu hrih leh hlăm Krist Yêsu pioh kơ bruă jăk Aê Diê mkra leh mơ̆ng êlâo, čiăng brei drei tui ngă.

Êphêsô 5:8

Mphŭn dô diih dôk hlăm klei mmăt, ƀiădah ară anei diih mâo klei mngač hlăm Khua Yang. Êbat bĕ msĕ si phung anak klei mngač,

I Têsalônik 2:12

Hmei mtô, mtrŭt, leh anăn mtă kơ grăp čô diih brei dôk hdĭp năng kơ Aê Diê, Pô iêô diih kơ ƀuôn ala mtao leh anăn klei guh kơang Ñu pô.

I Y-Timôthê 2:10

Ƀiădah brei bruă jăk jing kdrăp diñu, tui si jing djŏ kơ phung mniê hưn diñu jing phung mă bruă kơ Aê Diê.

I Y-Timôthê 5:10

Brei ñu mâo hing ang mă bruă jăk, msĕ si sa čô tuôm rông leh phung anak, thâo jum phung tue, tuôm rao jơ̆ng phung doh jăk, thâo đru phung knap mñai, leh anăn jao ñu pô ngă djăp mta bruă jăk.

I Y-Timôthê 5:25

Msĕ snăn mơh bruă jăk bi êdah mngač, leh anăn wăt tơdah amâo bi êdah mngač, diñu amâo dưi dôk hgăm nanao ôh.

I Y-Timôthê 6:18

Mtă kơ diñu ngă jăk, jing mdrŏng hlăm bruă jăk, jing kmah leh anăn thâo bi mbha kơ arăng.

Y-Tit 2:14

Ñu jao leh Ñu pô kyua drei čiăng bi tui drei mơ̆ng jih jang klei wê, leh anăn čiăng bi doh jăk drei pioh kơ Ñu pô sa phung ƀuôn sang hur har kơ bruă jăk.

Y-Tit 2:7

Hlăm jih jang klei bi êdah ih pô jing klei bi hmô hlăm bruă jăk, leh anăn hlăm klei ih mtô bi êdah klei doh jăk, klei năng,

Y-Tit 3:14

Brei phung đăo tinăn gĭr ngă bruă jăk čiăng dưi đru mtam tơdah mâo klei kƀah jêč, snăn đăm diñu kƀah mboh klei thâo đru.

Y-Tit 3:4

Ƀiădah tơdah klei jăk leh anăn klei khăp Aê Diê, Pô Bi Mtlaih drei, bi êdah leh,

Hêbrơ 10:24

Brei drei bi mĭn si drei dưi mtrŭt hdơ̆ng drei pô kơ klei khăp leh anăn kơ klei ngă bruă jăk.

I Y-Pêtrôs 2:12

Brei diih dôk dơ̆ng ƀơ̆ng huă jăk nanao ti krah phung amâo đăo, čiăng kơ tơdah diñu mčeh kơ diih jing mnuih ngă jhat, diñu dưi ƀuh bruă jăk diih ngă leh anăn mpŭ mni kơ Aê Diê ti hruê Ñu srăng lŏ hriê.

I Y-Pêtrôs 2:9

Ƀiădah diih jing sa phung găp djuê Aê Diê ruah leh, phung khua ngă yang kơ mtao, sa phung găp djuê doh jăk, phung ƀuôn sang Aê Diê pô, čiăng kơ diih dưi hưn bruă yuôm bhăn Pô iêô leh diih kbiă mơ̆ng klei mmăt truh kơ klei mngač yuôm bhăn Ñu.

I Y-Pêtrôs 3:1

Msĕ mơh, Ơ phung mô̆, brei diih đup gưt kơ ung diih, čiăng kơ wăt tơdah mâo đa đa ung amâo gưt ôh kơ klei blŭ, phung mô̆ dưi atăt diñu kơ klei đăo, amâo djŏ hŏng klei blŭ ôh, ƀiădah hŏng klei dôk dơ̆ng ƀơ̆ng huă,

I Y-Pêtrôs 3:16

ƀiădah brei diih lŏ wĭt lač hŏng klei êdu leh anăn hŏng klei mpŭ. Brei diih djă pioh ai tiê kpă jăk, čiăng kơ tơdah arăng dlao wač kơ diih, phung mčeh kơ klei diih dôk dơ̆ng ƀơ̆ng huă jăk hlăm Krist srăng mâo klei hêñ.

I Y-Pêtrôs 4:11

Hlei pô blŭ, brei ñu blŭ msĕ si pô hưn klei Aê Diê blŭ. Hlei pô đru bruă arăng, brei ñu mă bruă anăn hŏng klei ktang Aê Diê brei; čiăng kơ hlăm jih jang klei Aê Diê dưi mâo klei guh kơang hlăm Yêsu Krist. Kơ Aê Diê yơh mâo klei guh kơang leh anăn klei dưi kiă kriê hlăm jih jang ênuk. Amen.

I Y-Pêtrôs 4:14

Tơdah arăng dlao wač kơ diih kyua anăn Krist, diih mâo klei jăk jĭn, kyuadah Mngăt Myang guh kơang, jing Mngăt Myang Aê Diê dôk ti diih.