Y-Mathiơ 5:12 - Klei Aê Diê Blŭ 2015

¹² Hơ̆k mơak bĕ, kyuadah klei mưn diih jing prŏng hlăm adiê, kyuadah arăng ngă jhat msĕ mơh kơ phung khua pô hưn êlâo, êlâo kơ diih.”

Y-Mathiơ 5:12 Iomraidhean Croise

Klei Mphŭn Dơ̆ng 15:1

Leh klei anăn Khua Yang blŭ kơ Y-Abram hlăm klei bi ƀuh, “Đăm huĭ ôh, Ơ Y-Abram. Kâo jing khil ih, leh anăn klei mưn ih srăng jing prŏng êdi.”

I Bruă Mtao 18:13

Amâo djŏ hĕ arăng amâo hưn kơ khua kâo klei kâo ngă leh tơdah H'Jêsêbel bi mdjiê phung khua pô hưn êlâo Yêhôwa, klei kâo mdăp leh sa êtuh čô khua pô hưn êlâo Yêhôwa hlăm dua êpul êma pluh čô hlăm ƀăng čư̆, leh anăn čiêm digơ̆ hŏng kpŭng leh anăn êa?

I Bruă Mtao 18:4

leh anăn tơdah H'Jêsêbel bi mdjiê phung khua pô hưn êlâo Yêhôwa, Y-Apdia mă sa êtuh čô khua pô hưn êlâo leh anăn mdăp digơ̆ hlăm dua êpul êma pluh čô hlăm sa bĭt ƀăng čư̆, leh anăn čiêm digơ̆ hŏng kpŭng leh anăn êa).

I Bruă Mtao 19:2

H'Jêsêbel tiŏ nao sa čô pô hưn kơ Y-Êli, lač, “Msĕ snăn brei phung yang ngă kơ kâo leh anăn êbeh hĭn mơh, tơdah kâo amâo ngă kơ klei hdĭp ih msĕ si klei hdĭp sa čô hlăm phung digơ̆ anăn êlâo mông anei mgi.”

I Bruă Mtao 21:20

Y-Ahap lač kơ Y-Êli, “Ih ƀuh leh kâo hĕ, Ơ pô roh kâo?” Ñu lŏ wĭt lač, “Kâo ƀuh leh ih, kyuadah ih čhĭ leh ih pô čiăng ngă klei jhat ti anăp ală Yêhôwa.

I Bruă Mtao 22:8

Mtao Israel lač kơ Y-Jôsaphat, “Ăt dôk sa čô êkei, hŏng pô anăn drei dưi êmuh kơ Yêhôwa, Y-Mika anak êkei Y-Imla; ƀiădah kâo bi êmut kơ ñu kyuadah ñu amâo tuôm hưn êlâo klei jăk djŏ kơ kâo ôh, ƀiădah knŏng klei jhat.” Y-Jôsaphat lač, “Đăm brei mtao blŭ snăn ôh.”

II Bruă Mtao 1:9

Mtao tiŏ nao kơ Y-Êli sa čô khua kơ êma pluh čô mbĭt hŏng phung êma pluh čô kahan ñu. Khua anăn đĭ nao kơ Y-Êli êjai gơ̆ dôk gŭ ti čŏng kbuôn, leh anăn lač kơ gơ̆, “Ơ mnuih Aê Diê, mtao lač, ‘Trŭn bĕ!’ ”

II Klei Yăl Dliê 16:10

Snăn Y-Asa ngêñ kơ pô thâo bi ƀuh anăn, leh anăn bi hnuh gơ̆ hlăm war mnă, kyuadah ñu ngêñ snăk hŏng gơ̆ kyua klei anăn. Leh anăn Y-Asa bi knap đa đa phung ƀuôn sang hlăk anăn.

II Klei Yăl Dliê 36:16

ƀiădah diñu mưč nanao kơ phung mnuih Aê Diê tiŏ nao, bi êmut kơ klei Gơ̆ blŭ, djă djik djak kơ phung khua pô hưn êlâo Gơ̆, tơl klei Yêhôwa ngêñ đĭ lar kơ phung ƀuôn sang Gơ̆, tơl amâo dưi lŏ bi hlao ôh.

Y-Nêhêmi 9:26

Ƀiădah diñu amâo gưt asăp leh anăn bi kdơ̆ng hŏng Ih, hwiê hĕ klei bhiăn Ih ti tluôn diñu, leh anăn bi mdjiê hĕ phung khua pô hưn êlâo Ih, phung hưn brei diñu răng čiăng brei diñu wĭt kơ Ih, leh anăn diñu ngă klei tăm pah prŏng kơ Ih.

Klei Mmuñ Hđăp 19:11

Wăt diñu brei dĭng buăl Ih thâo răng; hlei pô djă pioh diñu mâo klei mưn prŏng snăk.

Klei Mmuñ Hđăp 58:11

Phung mnuih srăng lač, “Sĭt nik mâo klei mưn kơ pô kpă; sĭt nik mâo sa čô Aê Diê phat kđi ti lăn ala.”

Klei Bi Hriêng 11:18

Mnuih ƀai ƀơ̆ng ênoh hŏng klei mplư, ƀiădah hlei pô ngă klei kpă ênô srăng mâo klei mưn sĭt nik.

Y-Êsai 3:10

Lač bĕ kơ phung kpă ênô, jăk mơak yơh kơ digơ̆, kyuadah digơ̆ srăng ƀơ̆ng boh mơ̆ng bruă digơ̆.

Y-Yêrêmi 2:30

“Amâo yuôm ôh Kâo bi kmhal leh phung anak diih, diñu amâo tŭ klei mkra ôh; đao gưm diih pô bi mdjiê leh phung khua pô hưn êlâo diih msĕ si sa drei êmông gu dôk hiêk ƀơ̆ng.”

Y-Yêrêmi 26:8

Tơdah Y-Yêrêmi blŭ leh jih klei Yêhôwa mtă leh brei ñu blŭ kơ jih jang phung ƀuôn sang, snăn phung khua ngă yang, phung khua pô hưn êlâo, leh anăn jih jang phung ƀuôn sang djă kơ̆ng ñu, lač, “Ih srăng djiê!

Y-Yêrêmi 37:14

Y-Yêrêmi lač, “Klei anăn amâo djŏ ôh; kâo amâo nao dôk tĭng kơ phung Kaldê ôh.” Ƀiădah Y-Irija amâo dôk hmư̆ klei ñu ôh, leh anăn mă čăp Y-Yêrêmi leh anăn đoh ba gơ̆ kơ phung khua.

Y-Mathiơ 16:27

Kyuadah Anak Mnuih srăng hriê mbĭt hŏng phung dĭng buăl jăk Ñu hlăm klei guh kơang Ama Ñu, leh anăn hlăk anăn Ñu srăng mưn grăp čô tui si bruă gơ̆ mă leh.

Y-Mathiơ 6:16

“Tơdah diih kăm ƀơ̆ng huă, đăm bi êdah ôh ƀô̆ mta ênguôt, msĕ si phung ai ngăm; kyuadah diñu bi êdah ƀô̆ mta ênguôt čiăng kơ mnuih thâo kơ diñu kăm ƀơ̆ng huă. Sĭt nik Kâo lač kơ diih, diñu mâo leh klei mưn kơ diñu.

Y-Luk 13:34

Ơ ƀuôn Yêrusalem, Ơ ƀuôn Yêrusalem, ƀuôn bi mdjiê phung khua pô hưn êlâo leh anăn bhĭr boh tâo kơ phung Aê Diê tiŏ hriê leh kơ ih. Jêñ jêñ leh Kâo čiăng bi kƀĭn phung anak ih mbĭt msĕ si sa drei mnŭ ana bi kƀĭn êđai gơ̆ ti gŭ siap gơ̆, ƀiădah diih amâo čiăng ôh!

Y-Luk 6:23

Hlăm hruê anăn mơak bĕ diih leh anăn kplŏng hơ̆k, kyuadah klei mưn diih jing prŏng hlăm adiê; kyuadah msĕ snăn yơh phung aê diñu ngă leh kơ phung khua pô hưn êlâo.

Y-Luk 6:35

Ƀiădah khăp bĕ kơ phung roh diih. Ngă jăk leh anăn brei arăng čan, amâo lŏ čang hmăng kơ klei bi wĭt ôh. Snăn klei mưn diih srăng jing prŏng, leh anăn diih srăng jing phung anak Pô Ti Dlông Hĭn; kyuadah Ñu jing jăk kơ phung amâo thâo hdơr knga leh anăn kơ phung ƀai.

Bruă Phung Khua Ƀĭng Kna 16:25

Ti krah mlam Y-Pôl leh anăn Y-Silas wah lač leh anăn mmuñ bi mni kơ Aê Diê, leh anăn phung mnă dôk hmư̆ digơ̆.

Bruă Phung Khua Ƀĭng Kna 5:41

Snăn phung khua ƀĭng kna kbiă mơ̆ng anăp phung khua phat kđi, hơ̆k mơak kyuadah Aê Diê yap digơ̆ năng tŭ klei hêñ kyua anăn Yêsu.

Hră Y-Pôl Mơĭt kơ Phung Rôm 5:3

Amâo djŏ knŏng dŭm anăn ôh, drei hơ̆k mơak mơh êjai drei tŭ klei knap mñai, kyuadah drei thâo klei knap mñai anăn bi truh klei gĭr;

I Kôrantô 3:8

Pô pla leh anăn pô krih êa jing msĕ, leh anăn grăp čô srăng mă tŭ klei mưn tui si bruă ñu ngă leh.

II Kôrantô 4:17

Kyuadah klei knap mñai hdjul bhiâo anei mjing kơ hmei klei guh kơang prŏng hĭn hlŏng lar êgao kơ arăng dưi mkă.

Philip 1:29

Kyuadah Aê Diê brei leh kơ diih amâo djŏ knŏng đăo kơ Krist ôh, ƀiădah wăt tŭ klei knap mñai kyua Ñu msĕ mơh,

Philip 2:17

Wăt tơdah êrah kâo srăng tuh msĕ si mnơ̆ng myơr mnăm ti dlông mnơ̆ng ngă yang myơr leh anăn klei đăo diih, kâo hơ̆k leh anăn mơak mbĭt hŏng diih jih jang.

Kôlôs 1:24

Ară anei kâo hơ̆k mơak hlăm klei knap mñai kâo tŭ kyua diih, leh anăn hlăm asei mlei kâo, kâo bi ênŭm ya klei knap mñai ăt kƀah hlăm klei knap mñai Krist tŭ leh kyua asei mlei Ñu, jing Phung Sang Aê Diê.

Kôlôs 3:24

Kyuadah diih thâo leh diih srăng mă tŭ ngăn dưn mơ̆ng Khua Yang jing klei mưn kơ diih. Diih mă bruă kơ Krist Khua Yang yơh.

I Têsalônik 2:15

Phung anăn bi mdjiê leh Khua Yang Yêsu leh anăn phung khua pô hưn êlâo, leh anăn suôt leh hmei. Diñu amâo bi mơak kơ Aê Diê ôh, leh anăn bi kdơ̆ng hŏng jih jang mnuih

Hêbrơ 10:34

Kyuadah diih mâo leh klei thâo pap kơ phung mnă, leh anăn diih tŭ leh hŏng klei hơ̆k mơak klei arăng plah mă ngăn dŏ diih, kyuadah diih thâo leh diih pô mâo ngăn dŏ jăk hĭn leh anăn dôk hlŏng lar.

Hêbrơ 11:26

Ñu yap klei arăng ngă jhat kyua Krist jing ngăn dŏ yuôm hĭn kơ ngăn dŏ čar Êjip, kyuadah ñu čang guôn kơ klei mưn ênuk êdei.

Hêbrơ 11:33

Hŏng klei đăo diñu dưi leh hŏng ƀuôn ala mtao mdê mdê, phat kđi hŏng klei kpă, mă tŭ klei ƀuăn, kơ̆ng hĕ ƀăng êgei êmông gu,

Hêbrơ 11:6

Leh anăn tơdah amâo mâo klei đăo, amâo dưi bi mơak kơ Aê Diê ôh. Kyuadah hlei pô čiăng nao giăm Aê Diê, brei đăo mâo Aê Diê, leh anăn Aê Diê mưn hlei pô duah Ñu.

Y-Yakơ 1:2

Ơ phung ayŏng amai adei, tơdah diih tuôm hŏng klei lông dlăng lu mta, brei diih yap klei anăn jing klei hơ̆k mơak sơăi.

Y-Yakơ 5:10

Ơ phung ayŏng amai adei, ksiêm bĕ phung khua pô hưn êlâo blŭ leh hlăm anăn Khua Yang, si diñu tŭ klei knap mñai leh anăn diñu gĭr jing klei bi hmô kơ diih.

I Y-Pêtrôs 4:13

Ƀiădah hơ̆k mơak bĕ kyuadah diih tŭ mbĭt klei knap mñai Krist, čiăng kơ diih dưi dôk hơ̆k mơak msĕ mơh ti hruê klei guh kơang Ñu srăng bi êdah.

H'Rut 2:12

Brei Yêhôwa mưn klei ih ngă leh, leh anăn akâo kơ Yêhôwa Aê Diê phung Israel brei klei mưn bŏ ênŭm kơ ih, ti gŭ siap Ñu ih hriê leh čiăng kđap!”