Y-Mathiơ 5:11 - Klei Aê Diê Blŭ 2015

¹¹ Jăk mơak yơh diih tơdah arăng dlao wač, ngă jhat, leh anăn mčeh lu mta klei jhat kyua Kâo.

Y-Mathiơ 5:11 Iomraidhean Croise

Klei Mmuñ Hđăp 35:11

Phung hưn klei mčeh kgŭ dơ̆ng; diñu kčŭt klei kâo amâo thâo ôh.

Klei Mmuñ Hđăp 44:22

Ƀiădah kyua Ih yơh arăng bi mdjiê hmei jih hruê, arăng yap hmei msĕ si biăp pioh čuh ƀơ̆ng.

Y-Êsai 25:8

Ñu srăng lun hĕ klei djiê hlŏng lar. Khua Yang Yêhôwa srăng sut êa ală mơ̆ng jih jang ƀô̆ mta, leh anăn Ñu srăng mă hĕ klei hêñ phung ƀuôn sang Ñu mơ̆ng tar ƀar lăn ala, kyuadah Yêhôwa lač leh.

Y-Êsai 51:7

Hmư̆ bĕ Kâo, Ơ diih phung thâo klei kpă, phung ƀuôn sang mâo klei bhiăn Kâo hlăm ai tiê. Đăm huĭ ôh kơ klei mnuih ƀuah, leh anăn đăm rŭng răng ôh kơ klei diñu dlao wač.

Y-Êsai 66:5

Hmư̆ bĕ klei Yêhôwa blŭ, Ơ diih phung ktư̆ yơ̆ng kơ klei Ñu blŭ: “Phung ayŏng adei diih bi êmut kơ diih leh anăn suôt diih kyua anăn Kâo, diñu lač leh, ‘Brei Yêhôwa mâo klei guh kơang, čiăng kơ hmei dưi ƀuh klei hơ̆k mơak diih.’ Ƀiădah diñu yơh arăng srăng bi hêñ.”

Y-Yêrêmi 37:14

Y-Yêrêmi lač, “Klei anăn amâo djŏ ôh; kâo amâo nao dôk tĭng kơ phung Kaldê ôh.” Ƀiădah Y-Irija amâo dôk hmư̆ klei ñu ôh, leh anăn mă čăp Y-Yêrêmi leh anăn đoh ba gơ̆ kơ phung khua.

Y-Mathiơ 10:18

Arăng srăng đoh ba diih ti anăp phung khua čar leh anăn ti anăp phung mtao kyua Kâo, čiăng kơ diih jing phung hưn kơ Kâo ti anăp diñu leh anăn ti anăp phung tue.

Y-Mathiơ 10:22

Jih jang mnuih srăng bi êmut kơ diih kyua anăn Kâo. Ƀiădah hlei pô gĭr tơl knhal tuč srăng tlaih.

Y-Mathiơ 10:25

Djŏ leh ƀĭng kna jing msĕ si nai mtô ñu, leh anăn dĭng buăl jing msĕ si khua ñu. Tơdah arăng pia Bêlsêbul kơ khua sang, kdlưn hĭn êjai diñu srăng bi anăn jhat kơ phung mnuih hlăm sang gơ̆.

Y-Mathiơ 10:39

Hlei pô pioh klei hdĭp ñu srăng luč hĕ; leh anăn hlei pô bi luč klei hdĭp ñu kyua Kâo srăng lŏ ƀuh gơ̆.

Y-Mathiơ 19:29

Leh anăn grăp čô hlei pô lui sang ñu amâodah ayŏng adei, amai adei, amĭ ama, phung anak, amâodah lăn hma kyua anăn Kâo, srăng mă tŭ sa êtuh blư̆ lu hĭn leh anăn dưn wăt klei hdĭp hlŏng lar.

Y-Mathiơ 24:9

Hlăk anăn arăng srăng jao diih kơ klei bi knap, leh anăn brei arăng bi mdjiê diih; leh anăn jih jang găp djuê mnuih srăng bi êmut kơ diih kyua anăn Kâo.

Y-Mathiơ 27:39

Phung găn tinăn mưč kơ Yêsu, kteh kŏ,

Y-Markôs 13:13

Jih jang mnuih srăng bi êmut kơ diih kyua anăn Kâo. Ƀiădah hlei pô gĭr tơl knhal tuč srăng tlaih.”

Y-Markôs 13:9

Răng bĕ kơ diih pô, kyuadah arăng srăng jao diih kơ phung khua phat kđi, leh anăn arăng srăng čăm diih hlăm sang bi kƀĭn. Diih srăng dôk ti anăp phung khua čar leh anăn phung mtao kyua Kâo, čiăng jing phung hưn ti anăp diñu.

Y-Markôs 4:17

ƀiădah diñu amâo mâo agha hlăm diñu pô ôh, knŏng dôk bhiâo. Leh anăn tơdah mâo klei knap mñai amâodah klei arăng ngă jhat kyua klei blŭ anăn, diñu lĕ mtam.

Y-Markôs 8:35

Kyuadah hlei pô čiăng bi mtlaih klei hdĭp ñu srăng luč gơ̆; ƀiădah hlei pô luč klei hdĭp ñu pô kyua Kâo leh anăn kyua klei mrâo mrang jăk srăng bi mtlaih gơ̆.

Y-Luk 21:12

Ƀiădah êlâo kơ jih klei anăn truh, arăng srăng mă diih, ngă jhat kơ diih, jao diih kơ phung khua sang bi kƀĭn, krư̆ diih, leh anăn arăng srăng atăt ba diih ti anăp phung mtao leh anăn phung khua kiă kriê čar kyua anăn Kâo.

Y-Luk 21:17

Jih jang mnuih srăng bi êmut kơ diih kyua anăn Kâo.

Y-Luk 6:22

Jăk mơak yơh phung diih tơdah mnuih bi êmut kơ diih, tơdah diñu amâo jum ôh diih, dlao wač kơ diih, leh anăn hngah anăn diih msĕ si pô jhat kyua Anak Mnuih!

Y-Luk 9:24

Kyuadah hlei pô čiăng bi mtlaih klei hdĭp ñu srăng luč gơ̆, ƀiădah hlei pô bi luč klei hdĭp ñu kyua Kâo srăng bi mtlaih gơ̆.

Y-Yôhan 15:21

Ƀiădah diñu srăng ngă jih klei anăn kơ diih kyua Kâo, kyuadah diñu amâo thâo kral ôh Pô tiŏ hriê Kâo.

Y-Yôhan 9:28

Diñu dlao wač kơ gơ̆, lač, “Ih yơh jing ƀĭng kna ñu, ƀiădah hmei jing ƀĭng kna Y-Môis.

Bruă Phung Khua Ƀĭng Kna 9:16

Kyuadah Kâo srăng bi êdah kơ gơ̆ lu klei knap mñai gơ̆ srăng tŭ kyua anăn Kâo.”

Hră Y-Pôl Mơĭt kơ Phung Rôm 8:36

Tui si Klei Aê Diê Blŭ čih leh, “Arăng bi mdjiê hmei grăp hruê kyua ih; arăng yap hmei msĕ si biăp pioh koh ƀơ̆ng.”

I Kôrantô 4:10

Hmei jing phung khŏ kyua Krist, ƀiădah diih jing phung thâo mĭn hlăm Krist. Hmei jing awăt, ƀiădah diih jing ktang. Arăng mpŭ kơ diih, ƀiădah hmei arăng bi êmut.

II Kôrantô 4:11

Kyuadah êjai hmei dôk hdĭp arăng jao hmei nanao kơ klei djiê kyua Yêsu, čiăng kơ klei hdĭp Yêsu dưi bi êdah hlăm kđeh hmei thâo djiê.

Philip 1:29

Kyuadah Aê Diê brei leh kơ diih amâo djŏ knŏng đăo kơ Krist ôh, ƀiădah wăt tŭ klei knap mñai kyua Ñu msĕ mơh,

I Y-Pêtrôs 2:23

Tơdah arăng dlao wač kơ Ñu, Ñu amâo lŏ dlao wač kơ arăng ôh; tơdah Ñu tŭ klei knap mñai, Ñu amâo arưp aram ôh. Ƀiădah Ñu knang kơ Pô phat kđi hŏng klei kpă.

I Y-Pêtrôs 4:14

Tơdah arăng dlao wač kơ diih kyua anăn Krist, diih mâo klei jăk jĭn, kyuadah Mngăt Myang guh kơang, jing Mngăt Myang Aê Diê dôk ti diih.

Klei Bi Êdah 2:3

Ih dôk gĭr tŭ klei knap kyua anăn Kâo, leh anăn ih amâo êdu ai ôh.