Y-Mathiơ 4:5 - Klei Aê Diê Blŭ 2015

⁵ Leh anăn yang jhat atăt ba Ñu kơ Yêrusalem ƀuôn doh jăk, brei Ñu dôk dơ̆ng ti dlông čuôr Sang Kkuh Mpŭ,

Y-Mathiơ 4:5 Iomraidhean Croise

II Klei Yăl Dliê 3:4

Adring ti anăp êtung sang mâo dua pluh heh dơ̆ng gơ̆, mdơr hŏng găn sang; leh anăn ti dlông gơ̆ mâo sa êtuh dua pluh heh. Ñu luôm ti lam gơ̆ hŏng mah doh.

Y-Nêhêmi 11:1

Phung khua hlăm phung ƀuôn sang dôk hlăm ƀuôn Yêrusalem, phung mkăn hlăm phung ƀuôn sang ngă klei mđăo čiăng atăt ba sa hlăm pluh brei dôk hlăm ƀuôn Yêrusalem ƀuôn doh jăk, êjai dua păn hlăm pluh ăt dôk hlăm ƀuôn mkăn.

Y-Nêhêmi 11:18

Jih jang phung Lêwi hlăm ƀuôn doh jăk mâo dua êtuh sa păn pluh pă čô.

Y-Êsai 48:2

Kyuadah diñu pia diñu pô phung ƀuôn sang mơ̆ng ƀuôn doh jăk, leh anăn knang kơ Aê Diê phung Israel, Anăn gơ̆ Yêhôwa kơ phung kahan.

Y-Êsai 52:1

Mdih bĕ, mdih bĕ, Ơ ƀuôn Siôn, hơô bĕ klei ktang ih. Hơô bĕ čhiăm ao siam ih, Ơ Yêrusalem, ƀuôn doh jăk. Kyuadah amâo srăng lŏ mâo ôh phung amâo khăt klĭt leh anăn phung amâo doh mŭt hlăm ih.

Y-Đaniel 9:16

Ơ Yêhôwa, tui si jih bruă kpă ênô Ih, kâo kwưh kơ Ih, brei Ih ñăk hĕ klei Ih ăl leh anăn klei Ih ngêñ mơ̆ng ƀuôn Ih, ƀuôn Yêrusalem, čư̆ doh jăk Ih; kyuadah klei soh hmei leh anăn klei wê phung aê hmei, jih jang phung dôk jŭm dar hmei djă djik djak kơ ƀuôn Yêrusalem leh anăn phung ƀuôn sang Ih.

Y-Đaniel 9:24

Kjuh pluh hruê kăm bi kčah leh kơ phung ƀuôn sang ih leh anăn kơ ƀuôn doh jăk ih, čiăng bi ruê̆ hĕ klei gao klei bhiăn, bi ruê̆ klei soh, čiăng bi doh klei wê, bi truh klei kpă ênô hlŏng lar, čiăng bi sĭt klei bi ƀuh leh anăn klei hưn êlâo, leh anăn trôč êa ƀâo mngưi kơ Pô doh jăk hĭn.

Y-Mathiơ 27:53

Leh Yêsu kbiă lŏ hdĭp, phung kbiă mơ̆ng msat anăn mŭt hlăm ƀuôn doh jăk leh anăn bi êdah kơ lu mnuih.

Y-Luk 4:9

Yang jhat lŏ atăt Ñu kơ ƀuôn Yêrusalem, brei Ñu dôk ti dlông čuôr Sang Kkuh Mpŭ, leh anăn lač kơ Ñu, “Tơdah ih jing Anak Aê Diê, kdâo bĕ mơ̆ng anôk anei;

Y-Yôhan 19:11

Yêsu lŏ wĭt lač kơ Aê Pilat, “Ih amâo mâo klei dưi ngă kơ Kâo ôh, tơdah Aê Diê amâo brei klei dưi anăn kơ ih. Kyuanăn hlei pô jao Kâo kơ ih mâo klei soh prŏng hĭn.”

Klei Bi Êdah 11:2

Ƀiădah đăm mkă ôh wăl ti êngao sang kkuh mpŭ; lui ñu, kyuadah arăng jao ñu leh kơ phung găp djuê mnuih, leh anăn diñu srăng juă ƀuôn doh jăk êjai pă pluh dua mlan.