Y-Mathiơ 4:23 - Klei Aê Diê Blŭ 2015

²³ Yêsu hiu tar ƀar čar Galilê bi hriăm hlăm sang bi kƀĭn leh anăn mtô klei mrâo mrang jăk kơ ƀuôn ala mtao, leh anăn bi hlao djăp mta klei ruă leh anăn klei djiu duam phung mnuih ƀuôn sang.

Y-Mathiơ 4:23 Iomraidhean Croise

Klei Mmuñ Hđăp 103:3

Ñu pap brei kơ jih jang klei soh ih; Ñu bi hlao jih jang klei ruă duam ih;

Klei Mmuñ Hđăp 74:8

Diñu lač hdơ̆ng diñu pô, drei srăng bi rai jih nguêč; diñu čuh leh jih jang anôk kkuh mpŭ kơ Aê Diê hlăm čar.

Y-Mathiơ 11:5

phung bum ală lŏ ƀuh mngač, phung êwiên jơ̆ng dưi êbat, phung djŏ phŭng mâo klei bi doh, phung kngăl thâo hmư̆, phung djiê lŏ hdĭp, leh anăn klei mrâo mrang jăk arăng hưn kơ phung ƀun ƀin.

Y-Mathiơ 12:9

Ñu đuĕ mơ̆ng anăn leh anăn mŭt hlăm sang bi kƀĭn.

Y-Mathiơ 13:19

Tơdah sa čô hmư̆ klei blŭ kơ ƀuôn ala mtao leh anăn amâo thâo săng ôh, pô jhat truh mă hĕ ya klei arăng rah leh hlăm ai tiê ñu, anei jing mjeh rah ktuê êlan.

Y-Mathiơ 13:54

Ñu wĭt kơ čar Ñu pô leh anăn mtô hlăm sang bi kƀĭn. Phung hmư̆ Ñu bi kngăr leh anăn lač, “Mơ̆ng êkei anei mâo klei thâo mĭn anei leh anăn dưi ngă bruă myang anei?

Y-Mathiơ 14:14

Êjai Yêsu kbiă đĭ nao kơ hang, Ñu ƀuh lu lĭn mnuih. Ñu mâo klei pap kơ digơ̆ leh anăn bi hlao phung digơ̆ ruă duam.

Y-Mathiơ 24:14

Leh anăn arăng srăng mtô klei mrâo mrang jăk kơ ƀuôn ala mtao anei tar ƀar lăn ala jing klei hưn kơ jih jang găp djuê mnuih. Hlăk anăn hruê knhal tuč srăng truh.”

Y-Mathiơ 3:2

“Kmhal hĕ bĕ kơ klei soh diih, kyuadah ƀuôn ala mtao adiê giăm truh leh.”

Y-Mathiơ 9:35

Yêsu hiu hlăm jih jang ƀuôn prŏng ƀuôn điêt, bi hriăm hlăm sang bi kƀĭn, leh anăn mtô klei mrâo mrang jăk kơ ƀuôn ala mtao, leh anăn bi hlao djăp mta klei ruă duam.

Y-Markôs 1:14

Leh arăng mă krư̆ Y-Yôhan, Yêsu nao kơ čar Galilê mtô klei mrâo mrang jăk Aê Diê.

Y-Markôs 1:21

Diñu nao kơ ƀuôn Kapernum; leh anăn ti hruê sabat Yêsu mŭt mtam hlăm sang bi kƀĭn leh anăn mtô.

Y-Markôs 1:39

Leh anăn Yêsu nao tar ƀar čar Galilê mtô hlăm sang bi kƀĭn leh anăn suôt phung yang jhat.

Y-Markôs 3:10

kyuadah Ñu bi hlao leh lu mnuih, snăn jih jang hlei pô mâo klei ruă duam ruăt bruh nao čiăng ruêh Ñu.

Y-Markôs 6:2

Ti hruê sabat Ñu dơ̆ng mtô hlăm sang bi kƀĭn. Lu phung dôk hmư̆ Ñu bi kngăr, lač, “Mơ̆ng êkei anei mâo jih jang klei anei lĕ? Ya klei knhâo arăng brei leh kơ Ñu? Si Ñu dưi ngă bruă myang êdi!

Y-Markôs 6:6

Leh anăn Yêsu bi kngăr kyuadah phung lu anăn amâo đăo ôh. Leh anăn Yêsu hiu mtô hlăm ƀuôn krĭng anăn.

Y-Luk 10:9

Bi hlao phung ruă duam tinăn leh anăn lač kơ diñu, ‘Ƀuôn ala mtao Aê Diê giăm truh leh kơ diih.’

Y-Luk 13:10

Yêsu dôk mtô hlăm sa boh sang bi kƀĭn êjai hruê sabat.

Y-Luk 16:16

Klei bhiăn leh anăn phung khua pô hưn êlâo ăt dôk truh ti ênuk Y-Yôhan; dơ̆ng mơ̆ng ênuk anăn arăng mtô klei mrâo mrang jăk kơ ƀuôn ala mtao Aê Diê, leh anăn grăp čô mmiă mŭt tinăn.

Y-Luk 20:1

Sa hruê êjai Yêsu bi hriăm phung ƀuôn sang hlăm Sang Kkuh Mpŭ leh anăn mtô klei mrâo mrang jăk, phung knơ̆ng khua ngă yang leh anăn phung khua čih hră mbĭt hŏng phung khua mduôn hriê

Y-Luk 4:14

Yêsu lŏ wĭt kơ čar Galilê hŏng klei myang Yang Mngăt Jăk, leh anăn arăng hmư̆ hing kơ Ñu tar ƀar krĭng jŭm dar.

Y-Luk 5:17

Sa hruê, êjai Yêsu dôk mtô mâo phung Pharisi leh anăn phung khua pô mtô klei bhiăn dôk gŭ giăm Ñu. Digơ̆ hriê leh mơ̆ng grăp boh ƀuôn hlăm čar Galilê, čar Yuđa, leh anăn mơ̆ng ƀuôn Yêrusalem. Klei myang Khua Yang dôk mbĭt hŏng Ñu čiăng bi hlao klei ruă.

Y-Luk 6:17

Ñu trŭn mbĭt hŏng digơ̆ leh anăn dôk dơ̆ng ti sa anôk lăn dap, mbĭt hŏng lu phung ƀĭng kna Ñu leh anăn lu phung ƀuôn sang mơ̆ng tar čar Yuđa, mơ̆ng ƀuôn Yêrusalem, leh anăn mơ̆ng čar hang êa ksĭ ƀuôn Tir leh anăn ƀuôn Sidôn.

Y-Luk 6:6

Sa hruê sabat mkăn Yêsu mŭt hlăm sang bi kƀĭn leh anăn mtô. Mâo tinăn sa čô mnuih mâo kngan hnuă krô.

Y-Luk 7:21

Mông anăn Yêsu bi hlao lu mnuih ruă, duam, mnuih yang jhat ngă, leh anăn Ñu brei lu mnuih bum ală lŏ dưi ƀuh mngač.

Y-Luk 7:22

Ñu lŏ wĭt lač kơ digơ̆, “Nao hưn bĕ kơ Y-Yôhan ya klei diih ƀuh leh anăn hmư̆ leh: phung bum ală lŏ dưi ƀuh mngač, phung đŭt jơ̆ng thâo êbat, phung djŏ phŭng lŏ jing doh, phung kngăl lŏ dưi hmư̆, phung djiê lŏ hdĭp, leh anăn phung ƀun ƀin dưi hmư̆ klei mrâo mrang jăk.

Y-Luk 8:1

Êdei ƀiă tinăn, Yêsu nao găn ƀuôn prŏng leh anăn ƀuôn điêt mtô leh anăn hưn klei mrâo mrang jăk kơ ƀuôn ala mtao Aê Diê. Phung pluh dua čô ƀĭng kna hiu mbĭt hŏng Ñu,

Y-Luk 9:11

Tơdah phung lu thâo klei anăn, digơ̆ tui hlue Ñu. Yêsu jum digơ̆ leh anăn blŭ kơ digơ̆ klei ƀuôn ala mtao Aê Diê, leh anăn bi hlao phung ruă duam.

Y-Luk 9:60

Yêsu lač kơ gơ̆, “Lui phung djiê dơr mă phung djiê digơ̆ pô; bi ih, nao hưn klei ƀuôn ala mtao Aê Diê.”

Y-Yôhan 18:20

Yêsu lŏ wĭt lač kơ khua ngă yang prŏng, “Kâo blŭ mngač leh ti anăp jih jang mnuih, Kâo mtô nanao hlăm sang bi kƀĭn leh anăn hlăm sang kkuh mpŭ, anôk jih jang phung Yuđa khăng bi kƀĭn. Kâo amâo tuôm blŭ sa klei hŏng klei hgăm ôh.

Y-Yôhan 6:59

Yêsu lač klei anei hlăm sang bi kƀĭn êjai Ñu mtô ti ƀuôn Kapernum.

Y-Yôhan 7:1

Êdei kơ klei anăn, Yêsu hiu tar čar Galilê. Ñu amâo hiu ôh hlăm čar Yuđa, kyuadah phung Yuđa duah bi mdjiê Ñu.

Bruă Phung Khua Ƀĭng Kna 10:38

si Aê Diê trôč leh êa ƀâo mngưi kơ Yêsu ƀuôn Nasaret hŏng Yang Mngăt Jăk leh anăn klei myang; si Ñu hiu ngă klei jăk leh anăn bi hlao jih jang mnuih yang jhat ktư̆ juă, kyuadah Aê Diê dôk mbĭt hŏng Ñu.

Bruă Phung Khua Ƀĭng Kna 18:4

Grăp hruê sabat Y-Pôl mtô hlăm sang bi kƀĭn, leh anăn mtrŭt phung Yuđa leh anăn phung Grĕk đăo.

Bruă Phung Khua Ƀĭng Kna 20:25

Ară anei kâo thâo kơ jih jang diih kâo tuôm hưn leh klei ƀuôn ala mtao Aê Diê, amâo srăng lŏ ƀuh ƀô̆ mta kâo ôh.

Bruă Phung Khua Ƀĭng Kna 28:31

mtô kơ klei ƀuôn ala mtao Aê Diê leh anăn bi hriăm klei Khua Yang Yêsu Krist hŏng klei êngiê, amâo mâo klei ghă ôh.

Hră Y-Pôl Mơĭt kơ Phung Rôm 10:15

Leh anăn si mnuih dưi mtô tơdah arăng amâo tiŏ nao diñu ôh? Tui si Klei Aê Diê Blŭ čih leh, “Siam jăk yơh jơ̆ng phung nao hưn klei mrâo mrang jăk!”