Y-Mathiơ 4:19 - Klei Aê Diê Blŭ 2015

¹⁹ Ñu lač kơ digơ̆, “Tui hlue Kâo bĕ, leh anăn Kâo srăng mjing diih mnuih trah mnuih.”

Y-Mathiơ 4:19 Iomraidhean Croise

Y-Mathiơ 16:24

Leh anăn Yêsu hưn kơ phung ƀĭng kna Ñu, “Tơdah sa čô čiăng tui hlue Kâo, brei ñu hngah hĕ klei ñu pô čiăng, klam kyâo bi kal ñu pô, leh anăn tui hlue Kâo.

Y-Mathiơ 19:21

Yêsu lač kơ gơ̆, “Tơdah ih čiăng jing jăk klă, nao bĕ, čhĭ hĕ ya mnơ̆ng ih mâo leh anăn brei kơ phung ƀun ƀin, leh anăn ih srăng mâo ngăn yuôm hlăm adiê. Leh anăn hriê bĕ, tui hlue Kâo.”

Y-Mathiơ 4:18

Êjai Yêsu êbat ktuê hang êa ksĭ Galilê, Ñu ƀuh dua čô ayŏng adei, Y-Simôn lŏ bi anăn Y-Pêtrôs, leh anăn Y-Andrê adei gơ̆. Digơ̆ dôk dăng ñuăl hlăm êa ksĭ, kyuadah digơ̆ jing mnuih trah yao.

Y-Mathiơ 4:20

Mtam digơ̆ lui hĕ ñuăl leh anăn tui hlue Ñu.

Y-Mathiơ 8:22

Ƀiădah Yêsu lač kơ ñu, “Tui hlue Kâo bĕ, leh anăn lui phung djiê dơr mă mnuih djiê diñu pô.”

Y-Mathiơ 9:9

Êjai Yêsu đuĕ mơ̆ng anăn, Ñu ƀuh sa čô êkei anăn gơ̆ Y-Mathiơ dôk gŭ ti adŭ rĭng jia. Yêsu lač kơ gơ̆, “Tui hlue Kâo.” Gơ̆ kgŭ leh anăn tui hlue Ñu.

Y-Markôs 2:14

Êjai Yêsu găn tinăn Ñu ƀuh Y-Lêwi anak Y-Alphê dôk gŭ hlăm adŭ rĭng jia, leh anăn Ñu lač kơ Y-Lêwi, “Tui hlue Kâo.” Snăn Y-Lêwi kgŭ leh anăn tui hlue Ñu.

Y-Luk 5:27

Leh klei anăn Yêsu kbiă leh anăn ƀuh sa čô rĭng jia, anăn gơ̆ Y-Lêwi, dôk gŭ ti adŭ rĭng jia. Yêsu lač kơ gơ̆, “Tui hlue Kâo.”

Y-Luk 9:59

Ñu lač kơ sa čô mkăn, “Tui hlue Kâo bĕ.” Ƀiădah gơ̆ lač, “Ơ Khua Yang, brei kâo nao dơr hĕ ama kâo êlâo.”

Y-Yôhan 1:43

Hruê mgi Yêsu čiăng nao kơ čar Galilê. Ñu tuôm hŏng Y-Philip leh anăn lač kơ gơ̆, “Tui hlue Kâo bĕ.”

Y-Yôhan 12:26

Tơdah sa čô mă bruă kơ Kâo, brei ñu tui hlue Kâo. Ti anôk Kâo dôk, dĭng buăl Kâo srăng dôk tinăn msĕ mơh. Hlei pô mă bruă kơ Kâo, Ama Kâo srăng mpŭ kơ ñu.”

Y-Yôhan 21:22

Yêsu lač kơ ñu, “Tơdah Kâo čiăng kơ ñu dôk hdĭp tơl Kâo lŏ hriê, ya yuôm klei anăn kơ ih? Bi ih, brei ih tui hlue Kâo!”

II Kôrantô 12:16

Snăn diih srăng tŭ klei kâo amâo tuôm bi ktrŏ diih ôh, ƀiădah diih lač kâo ngă mnêč leh anăn dưi hŏng diih hŏng klei mplư.