Y-Mathiơ 4:16 - Klei Aê Diê Blŭ 2015

¹⁶ phung mnuih ƀuôn sang hdĭp hlăm klei mmăt ƀuh leh klei mngač prŏng, leh anăn klei mngač mtrang leh kơ phung mnuih hdĭp hlăm anôk leh anăn êyui klei djiê.”

Y-Mathiơ 4:16 Iomraidhean Croise

Y-Yôp 10:22

kơ čar ênguôt leh anăn mâo klei rŭng răng, amâo mâo klei mngač ôh, knŏng klei mmăt tĭt.”

Y-Yôp 3:5

Brei klei ênguôt leh anăn mmăt kpal mă ñu. Brei knam guôm ti dlông ñu; brei klei mmăt êjai hruê bi huĭ ñu.

Y-Yôp 34:22

Amâo mâo ôh anôk êyui amâodah mmăt kpal, tinăn phung ngă soh dưi đuĕ dăp.

Klei Mmuñ Hđăp 44:19

Ƀiădah Ih bi rai hmei hlăm anôk asâo dliê dôk, leh anăn guôm hmei hŏng êyui klei djiê.

Y-Êsai 9:1

Ƀiădah amâo srăng lŏ mâo klei mmăt ôh kơ phung ară anei mâo leh klei ênguôt hnĭng. Hlăm ênuk êlâo ñu brei arăng bi êmut kơ čar Sabulôn leh anăn čar Naptali, ƀiădah hlăm ênuk knhal tuč ñu srăng brei klei guh kơang kơ čar hlue êa ksĭ, čar nah dih êa krông Yurdan, čar Galilê pioh kơ phung tue.

Y-Êsai 9:2

Phung ƀuôn sang êbat leh hlăm klei mmăt ƀuh leh klei mngač prŏng. Klei mngač mtrang leh kơ phung dôk hlăm čar mmăt tĭt.

Y-Yêrêmi 13:16

Brei bĕ klei guh kơang kơ Yêhôwa Aê Diê diih êlâo kơ Ñu bi truh klei mmăt kơ diih, êlâo kơ jơ̆ng diih têč hnêč ti dlông čư̆ êjai mmăt wai băk, leh anăn êjai diih duah klei mngač, Ñu bi mlih jing mmăt, leh anăn brei mâo klei mmăt kpal snăk.

Y-Amôs 5:8

Ñu yơh jing Pô hrih mtŭ Plêat leh anăn Ôriôn, leh anăn mbliư̆ klei mmăt kpal brei jing aguah, leh anăn Pô bi mmăt hruê brei jing mlam, Pô iêô êa mơ̆ng êa ksĭ, leh anăn tuh ti rŏng lăn ala: Anăn Ñu jing Yêhôwa.

Y-Mika 7:8

Đăm hơ̆k ôh kyua kâo, Ơ pô roh kâo; wăt tơdah kâo lĕ buh, kâo srăng lŏ kgŭ. Wăt tơdah kâo dôk gŭ hlăm klei mmăt, Yêhôwa srăng jing klei mngač kơ kâo.

Y-Luk 2:32

jing klei mngač brei klei bi êdah kơ phung tue, leh anăn jing klei guh kơang kơ phung ƀuôn sang Ih Israel.”