Y-Mathiơ 4:10 - Klei Aê Diê Blŭ 2015

¹⁰ Yêsu lač kơ ñu, “Đuĕ bĕ Satan! Kyuadah Klei Aê Diê Blŭ čih leh snei: ‘Brei ih kkuh mpŭ kơ Khua Yang Aê Diê ih, leh anăn brei ih mă bruă knŏng kơ Ñu yơh.’ ”

Y-Mathiơ 4:10 Iomraidhean Croise

I Klei Yăl Dliê 21:1

Satan kgŭ bi kdơ̆ng hŏng phung Israel, leh anăn mtrŭt Y-Đawit brei yap phung Israel.

Y-Yôp 1:12

Yêhôwa lač kơ Satan, “Nĕ anei, ih mâo klei dưi ngă kơ jih jang mnơ̆ng ñu mâo, knŏng đăm ih yơr kngan ngă kơ ñu pô ôh.” Snăn Satan kbiă mơ̆ng anăp Yêhôwa.

Y-Yôp 1:6

Mâo sa hruê bi kčah tơdah phung anak êkei Aê Diê truh čiăng bi êdah diñu pô ti anăp Yêhôwa, wăt Satan mơh truh mbĭt hŏng diñu.

Y-Yôp 2:1

Lŏ mâo sa hruê bi kčah tơdah phung anak êkei Aê Diê truh čiăng bi êdah diñu pô ti anăp Yêhôwa, wăt Satan mơh truh mbĭt hŏng diñu čiăng bi êdah ñu pô ti anăp Yêhôwa.

Klei Mmuñ Hđăp 109:6

Brei sa čô mnuih ƀai ngă kơ ñu; brei sa čô kčŭt dôk tĭng hnuă ñu.

Klei Kbiă 23:25

Brei diih mă bruă kơ Yêhôwa Aê Diê diih, leh anăn Kâo srăng hơêč hmưi kơ mnơ̆ng ƀơ̆ng huă leh anăn êa mnăm ih; leh anăn Kâo srăng mă hĕ klei ruă duam mơ̆ng krah ih.

Y-Êsai 30:22

Leh anăn diih srăng bi čhŏ rup krah diih luôm hŏng prăk leh anăn rup diih tuh tia luôm hŏng mah. Diih srăng hwiê hĕ diñu msĕ si mnơ̆ng čhŏ; diih srăng lač kơ diñu, “Đuĕ bĕ.”

Y-Mathiơ 16:23

Ƀiădah Yêsu wir dlăng leh anăn lač kơ Y-Pêtrôs, “Kdŭn đuĕ mơ̆ng Kâo, Ơ Satan! Ih jing pô bi têč hnêč Kâo, kyuadah klei mĭn ih amâo kbiă hriê mơ̆ng Aê Diê ôh, ƀiădah kbiă hriê mơ̆ng mnuih.”

Y-Markôs 1:13

Ñu dôk hlăm kdrăn tač pă pluh hruê, leh anăn tŭ klei Satan mplư Ñu. Ñu dôk mbĭt hŏng hlô dliê; leh anăn phung dĭng buăl jăk Aê Diê đru Ñu.

Y-Luk 10:18

Yêsu lač kơ diñu, “Kâo ƀuh leh Satan lĕ mơ̆ng adiê msĕ si kmlă.

Y-Luk 11:18

Msĕ mơh tơdah Satan bi kah mbha ñu pô, si ƀuôn ala mtao ñu dưi dôk kjăp? Kyuadah diih lač Kâo suôt phung yang jhat hŏng Bêlsêbul.

Y-Luk 13:16

Leh anăn amâo djŏ hĕ mniê anei jing anak čô Y-Abraham, pô Satan kă leh êjai pluh sa păn thŭn, dưi mâo klei bi mtlaih mơ̆ng săng đai anei hlăm hruê sabat?”

Y-Luk 22:3

Hlăk anăn Satan mŭt hlăm Y-Yuđas arăng pia Iskariôt, sa čô hlăm phung pluh dua čô ƀĭng kna.

Y-Luk 22:31

“Ơ Y-Simôn, Y-Simôn, nĕ anei Satan akâo leh klei dưi čiăng hdei diih msĕ si mdiê ƀlê.

Y-Luk 4:8

Yêsu lŏ wĭt lač kơ ñu, “Klei Aê Diê Blŭ čih leh snei, ‘Brei ih kkuh mpŭ kơ Khua Yang Aê Diê ih, leh anăn mă bruă knŏng kơ Ñu yơh.’ ”

Y-Yôhan 13:27

Leh Y-Yuđas mă klŏ kpŭng anăn, yang Satan mŭt hlăm Y-Yuđas. Yêsu lač kơ Y-Yuđas, “Ya klei ih ngă, ngă bĕ bi djăl.”

Bruă Phung Khua Ƀĭng Kna 26:18

čiăng mblang ală diñu, brei diñu đuĕ mơ̆ng klei mmăt wir phă kơ klei mngač, leh anăn mơ̆ng klei myang Satan wir phă klei myang Aê Diê, čiăng kơ diñu dưi mă tŭ klei pap brei kơ klei soh leh anăn dưn ngăn mbĭt hŏng phung jing doh jăk leh hŏng klei đăo kơ Kâo.’ ”

Bruă Phung Khua Ƀĭng Kna 5:3

Ƀiădah Y-Pêtrôs lač, “Ơ Y-Ananias, si ngă Satan bi bŏ leh ai tiê ih brei luar kơ Yang Mngăt Jăk leh anăn pioh sa kdrêč ênoh lăn?

I Kôrantô 5:5

brei diih jao hĕ êkei anăn kơ Satan bi rai hĕ kđeh ñu, čiăng kơ mngăt ñu dưi tlaih hlăm hruê Khua Yang Yêsu.

I Kôrantô 7:5

Đăm bi hngah hdơ̆ng diih pô ôh, knŏng tơdah diih bi tŭ ư êjai đa đa hruê čiăng pioh mông wah lač. Ƀiădah leh ruê̆ klei anăn, brei diih lŏ dôk mbĭt, huĭdah Satan mplư diih hŏng klei diih amâo dưi ư̆ ôh.

II Kôrantô 11:14

Klei anăn amâo bi kngăr ôh, kyuadah wăt Satan mgưt ñu pô jing msĕ si sa čô dĭng buăl jăk klei mngač.

II Kôrantô 12:7

Leh anăn huĭdah kâo bi mđĭ kâo pô kyua lu êbeh klei bi êdah yuôm bhăn kâo ƀuh, Aê Diê dưm sa aruăt êruê hlăm asei mlei kâo, jing dĭng buăl Satan, čiăng bi knap kâo, huĭ kâo jing mgao.

II Kôrantô 2:11

čiăng đăm brei Satan dưi hŏng drei; kyuadah drei thâo leh klei ñu čiăng ngă.

Klei Mtô Mñă Klei Bhiăn 10:20

Brei diih huĭ mpŭ kơ Yêhôwa Aê Diê diih; brei diih mă bruă kơ Ñu leh anăn dôk giăm Ñu, leh anăn diih srăng kat asei hŏng anăn Ñu.

Y-Yakơ 4:7

Snăn đup gưt bĕ kơ Aê Diê. Bi kdơ̆ng bĕ hŏng yang jhat, leh anăn ñu srăng đuĕ kbưi mơ̆ng diih.

Y-Yôsuê 24:14

Snăn ară anei huĭ mpŭ bĕ kơ Yêhôwa, leh anăn mă bruă kơ Ñu hŏng klei ênuah leh anăn hŏng klei sĭt suôr. Hwiê hĕ phung yang phung aê diih đưm mă leh bruă ti nah yŭ Êa Krông Ơphrat leh anăn hlăm čar Êjip, leh anăn mă bruă bĕ kơ Yêhôwa.

I Y-Pêtrôs 5:9

Bi kdơ̆ng bĕ hŏng ñu djă kjăp klei đăo, kyuadah diih thâo leh Aê Diê brei klei knap mñai msĕ snăn truh kơ phung ayŏng adei diih tar ƀar lăn ala.

I Y-Samuel 7:3

Y-Samuel lač kơ jih sang Israel, “Tơdah diih lŏ wĭt kơ Yêhôwa hŏng jih ai tiê diih, snăn mă hwiê hĕ phung yang tue leh anăn phung yang mniê Astarôt mơ̆ng krah diih, leh anăn gai ai tiê diih phă Yêhôwa, mă bruă knŏng kơ Ñu, snăn kơh Ñu srăng bi mtlaih diih mơ̆ng kngan phung Philistin.”