Y-Mathiơ 4:1 - Klei Aê Diê Blŭ 2015

¹ Leh klei anăn Yang Mngăt Jăk atăt ba Yêsu hlăm kdrăn tač brei yang jhat mplư Ñu.

Y-Mathiơ 4:1 Iomraidhean Croise

Klei Mphŭn Dơ̆ng 3:15

Kâo srăng mjing klei bi roh ŏng hŏng mniê anăn, wăt klei bi roh phung anak čô ŏng hŏng phung anak čô ñu; gơ̆ srăng bi êka boh kŏ ŏng, leh anăn ŏng srăng bi êka kđul gơ̆.”

I Bruă Mtao 18:12

Tơdah leh kâo đuĕ mơ̆ng ih, Mngăt Myang Yêhôwa srăng pŭ ba hĕ ih ti anôk kâo amâo thâo ôh; snăn tơdah kâo nao hưn kơ Y-Ahap leh anăn ñu amâo dưi ƀuh ih ôh, ñu srăng bi mdjiê kâo, wăt tơdah kâo dĭng buăl ih huĭ mpŭ kơ Yêhôwa dơ̆ng mơ̆ng kâo hlăk ai.

II Bruă Mtao 2:16

Digơ̆ lač kơ ñu, “Nĕ anei, mâo mbĭt hŏng phung dĭng buăl ih êma pluh čô êkei ktang. Akâo kơ ih brei digơ̆ đuĕ nao duah khua ih. Năng ai Mngăt Myang Yêhôwa mă ba leh ñu leh anăn dlăm ñu ti dlông čư̆ amâodah hlăm tlung.” Gơ̆ lač, “Đăm diih tiŏ nao ôh.”

Y-Êsêkiêl 11:1

Mngăt Myang pŭ kâo kơ dlông, leh anăn atăt ba kâo kơ ƀăng jang ngŏ sang yang Yêhôwa, ƀăng jang anăn phă ngŏ. Nĕ anei, ti ƀăng bhă ƀăng jang anăn mâo dua pluh êma čô êkei, jing phung khua ƀuôn sang, leh anăn kâo ƀuh ti krah diñu Y-Jasania anak êkei Y-Asur, leh anăn Y-Pêlatia anak êkei Y-Bênaya.

Y-Êsêkiêl 11:24

Hlăm klei bi ƀuh Mngăt Myang pŭ kâo kơ dlông leh anăn atăt kâo truh kơ čar Kaldê, truh kơ phung arăng suôt leh mơ̆ng čar. Leh anăn klei bi ƀuh kâo ƀuh leh đuĕ mơ̆ng kâo.

Y-Êsêkiêl 3:12

Hlăk anăn Mngăt Myang pŭ kâo kơ dlông, leh anăn kâo hmư̆ ti tluôn kâo ênai klei yơ̆ng lăn ala ktang: “Mpŭ mni kơ klei guh kơang Yêhôwa hlăm anôk Gơ̆ dôk!”

Y-Êsêkiêl 3:14

Mngăt Myang pŭ kâo kơ dlông leh anăn mă mđuĕ kâo kơ anôk mkăn, leh anăn kâo nao hŏng klei ênguôt leh anăn ăl hlơr, kngan Yêhôwa jing ktrŏ ti kâo.

Y-Êsêkiêl 40:2

leh anăn atăt ba hlăm klei bi ƀuh Aê Diê kơ čar Israel, leh anăn dưm kâo ti čư̆ dlông snăk, ti čư̆ anăn mâo msĕ si sa boh ƀuôn arăng mdơ̆ng phă dhŭng.

Y-Êsêkiêl 43:5

Mngăt Myang pŭ kâo phă dlông leh anăn atăt kâo mŭt hlăm wăl ti lam leh anăn nĕ anei, klei guh kơang Yêhôwa bi bŏ leh sang yang.

Y-Êsêkiêl 8:3

Ñu yơr kngan leh anăn kčao ƀŭk ti boh kŏ kâo; leh anăn Mngăt Myang pŭ kâo kơ dlông plah wah lăn hŏng adiê, leh anăn hlăm klei bi ƀuh mơ̆ng Aê Diê Ñu atăt kâo kơ ƀuôn Yêrusalem, ti anôk mŭt ƀăng jang ti wăl hlăm lam phă dưr; tinăn arăng dưm leh rup yang klei trih, rup yang anăn mčhur kơ klei trih.

Y-Yôhan 14:30

Kâo amâo srăng lŏ blŭ lu hŏng diih ôh, kyuadah khua kiă kriê lăn ala anei hriê. Ñu amâo mâo klei dưi hŏng Kâo ôh;

Bruă Phung Khua Ƀĭng Kna 8:39

Tơdah diñu kbiă mơ̆ng êa, Yang Mngăt Jăk Khua Yang mă mđuĕ hĕ Y-Philip. Dĭng ktang kriâo anăn amâo lŏ ƀuh gơ̆ ôh, leh anăn ñu lŏ nao hŏng klei hơ̆k.

Hră Y-Pôl Mơĭt kơ Phung Rôm 8:14

Kyuadah jih jang phung Yang Mngăt Jăk Aê Diê atăt jing phung anak Aê Diê.

Hêbrơ 2:18

Kyuadah Ñu pô tŭ leh klei knap mñai êjai tuôm hŏng klei mplư, snăn Ñu dưi đru phung tuôm hŏng klei mplư.

Y-Yakơ 1:14

Ƀiădah grăp čô mnuih mâo klei mplư tơdah klei ñu pô tluh hrip leh anăn mdluh ñu.