Y-Mathiơ 3:7 - Klei Aê Diê Blŭ 2015

⁷ Ƀiădah tơdah ñu ƀuh lu phung Pharisi leh anăn phung Sadusi hriê tŭ klei ƀaptem, ñu lač kơ digơ̆, “Ơ phung djuê ala kpơ̆ng, hlei hưn kơ diih dưi đuĕ mơ̆ng klei Aê Diê ngêñ srăng truh?

Y-Mathiơ 3:7 Iomraidhean Croise

Klei Mphŭn Dơ̆ng 3:15

Kâo srăng mjing klei bi roh ŏng hŏng mniê anăn, wăt klei bi roh phung anak čô ŏng hŏng phung anak čô ñu; gơ̆ srăng bi êka boh kŏ ŏng, leh anăn ŏng srăng bi êka kđul gơ̆.”

Klei Bi Hriêng 28:4

Phung amâo gưt klei bhiăn ôh bi mni kơ phung ƀai, ƀiădah phung tui hlue klei bhiăn bi kdơ̆ng hŏng anăn.

Y-Êsai 59:5

Diñu dôk krăm boh ala pui, leh anăn diñu mñam eh wăk wai. Hlei pô ƀơ̆ng boh diñu djiê yơh, leh anăn tơdah arăng bi mčah sa asăr, sa drei ala kpơ̆ng kbiă.

Y-Yêrêmi 51:6

Đuĕ bĕ mơ̆ng ƀuôn Ƀaƀilôn, brei grăp čô êran đuĕ bi mtlaih klei hdĭp ñu! Đăm rai tuč ôh kyua klei soh gơ̆, kyuadah anei jing ênuk Yêhôwa rŭ ênua, Ñu srăng bi wĭt kơ gơ̆ tui si bruă gơ̆ ngă.

Y-Yêrêmi 6:10

Kơ hlei pô kâo srăng blŭ leh anăn brei răng, čiăng kơ diñu hmư̆? Nĕ anei, knga diñu kăt leh, diñu amâo dưi hmư̆ ôh; nĕ anei, klei Yêhôwa blŭ jing mnơ̆ng diñu djă djik djak, diñu amâo mơak ôh hŏng klei blŭ anăn.

Y-Mathiơ 12:24

Ƀiădah tơdah phung Pharisi hmư̆ klei anăn, diñu lač, “Mnuih anăn suôt phung yang jhat hŏng anăn Bêlsêbul, khua kơ phung yang jhat.”

Y-Mathiơ 12:34

Ơ êđai ala kpơ̆ng! Si diih dưi blŭ klei jăk êjai diih jing jhat? Kyuadah mơ̆ng klei êbeh dlai hlăm ai tiê ƀăng êgei blŭ.

Y-Mathiơ 15:12

Êdei tinăn phung ƀĭng kna hriê lač kơ Ñu, “Ih thâo mơ̆ kơ phung Pharisi ngêñ tơdah digơ̆ hmư̆ klei Ih lač anăn?”

Y-Mathiơ 16:1

Phung Pharisi leh anăn phung Sadusi hriê čiăng lông dlăng Yêsu. Diñu akâo kơ Gơ̆ bi êdah kơ diñu sa klei bi knăl mdê mơ̆ng adiê.

Y-Mathiơ 16:6

Yêsu lač kơ diñu, “Răng bĕ kơ kpei phung Pharisi leh anăn phung Sadusi.”

Y-Mathiơ 22:15

Hlăk anăn phung Pharisi nao bi trông čhai čiăng duah klei dưi kčŭt kơ Yêsu hlăm klei Ñu blŭ.

Y-Mathiơ 22:23

Hruê anăn mơh mâo phung Sadusi hriê kơ Yêsu, phung lač amâo mâo klei kbiă lŏ hdĭp ôh. Diñu êmuh kơ Yêsu snei,

Y-Mathiơ 22:34

Tơdah phung Pharisi hmư̆ Yêsu dưi leh hŏng phung Sadusi, diñu bi kƀĭn mbĭt.

Y-Mathiơ 23:33

Ơ phung ala, găp djuê ala pui, si diih mĭn dưi đuĕ mơ̆ng klei bi kmhal hlăm war pui?

Y-Mathiơ 5:20

Kyuadah Kâo lač kơ diih, tơdah klei kpă ênô diih amâo jing kdlưn hĭn kơ klei kpă ênô phung khua čih hră leh anăn phung Pharisi, diih amâo srăng mŭt hlăm ƀuôn ala mtao adiê ôh.”

Y-Markôs 12:13

Phung khua Yuđa tiŏ nao đa đa phung Pharisi leh anăn phung Hêrôt kơ Yêsu čiăng mâo klei dưi kčŭt kơ Gơ̆ hlăm klei blŭ.

Y-Markôs 12:18

Mâo phung Sadusi hriê kơ Yêsu, phung anăn lač amâo mâo klei kbiă lŏ hdĭp ôh. Diñu êmuh kơ Yêsu snei:

Y-Markôs 8:15

Yêsu brei diñu răng, lač, “Răng bĕ kơ kpei phung Pharisi leh anăn kơ kpei Hêrôt.”

Y-Luk 16:14

Phung Pharisi, jing phung khăp kơ prăk, hmư̆ jih klei anăn leh anăn mưč kơ Yêsu.

Y-Luk 18:11

Êkei Pharisi dôk dơ̆ng wah lač snei djŏ kơ ñu pô, ‘Ơ Aê Diê, kâo bi mni kơ Ih kyuadah kâo amâo jing msĕ si phung mnuih mkăn ôh. Diñu jing phung ƀơ̆ng ngăn, phung wê, phung tlĕ piu amâodah msĕ si pô rĭng jia anei.

Y-Luk 7:30

Ƀiădah phung Pharisi leh anăn phung khua klei bhiăn hngah klei Aê Diê čuăn kơ diñu, kyua diñu amâo tŭ ôh klei ƀaptem Y-Yôhan.

Y-Yôhan 1:24

Leh tinăn, mâo đa đa mnuih phung Pharisi tiŏ hriê,

Y-Yôhan 8:44

Diih kbiă hriê mơ̆ng ama diih yang jhat, leh anăn diih čiăng ngă tui si klei ama diih čiăng. Ñu jing pô bi mdjiê mnuih mơ̆ng mphŭn, leh anăn ñu amâo mâo sa kdrêč hlăm klei sĭt nik ôh, kyuadah amâo mâo ôh klei sĭt nik hlăm ñu. Tơdah ñu luar, ñu blŭ tui si knuih ñu pô, kyuadah ñu jing pô luar leh anăn ama klei luar.

Y-Yôhan 9:40

Đa đa phung Pharisi dôk giăm Ñu hmư̆ klei anăn, leh anăn diñu êmuh kơ Yêsu, “Hmei msĕ mơ̆ bum ală?”

Bruă Phung Khua Ƀĭng Kna 15:5

Ƀiădah đa đa hlăm phung tĭng Pharisi đăo leh kgŭ dơ̆ng leh anăn lač, “Brei khăt klĭt wăt kơ phung tue leh anăn mtă kơ digơ̆ brei gưt klei bhiăn Y-Môis.”

Bruă Phung Khua Ƀĭng Kna 20:31

Snăn răng bĕ, brei diih hdơr êjai tlâo thŭn leh kâo amâo mdei ôh hruê mlam mtô kơ grăp čô diih hŏng klei hia.

Bruă Phung Khua Ƀĭng Kna 26:5

Diñu thâo mơ̆ng sui leh, tơdah diñu čiăng hưn, kâo jing sa čô Pharisi, dôk dơ̆ng ƀơ̆ng huă tui si phung kpă hĭn hlăm klei phung hmei đăo.

Bruă Phung Khua Ƀĭng Kna 5:17

Ƀiădah khua ngă yang prŏng leh anăn jih jang phung mbĭt hŏng ñu, čiăng lač phung Sadusi, kgŭ bi kdơ̆ng bŏ hŏng klei nač.

Hră Y-Pôl Mơĭt kơ Phung Rôm 1:18

Kyuadah klei Aê Diê ngêñ bi êdah leh mơ̆ng adiê bi kdơ̆ng hŏng jih klei amâo mpŭ kơ Aê Diê leh anăn kơ klei wê mnuih ngă, hŏng klei wê anăn diñu kơ̆ng ghă klei sĭt nik.

Hră Y-Pôl Mơĭt kơ Phung Rôm 5:9

Kdlưn hĭn kơ anăn, drei mâo klei yap kpă leh hŏng êrah Gơ̆ leh anăn kyua Gơ̆ mơh drei srăng tlaih mơ̆ng klei Aê Diê ngêñ.

I Têsalônik 1:10

leh anăn dôk guôn Anak Ñu srăng lŏ hriê mơ̆ng adiê, Pô Ñu bi kbiă lŏ hdĭp leh mơ̆ng phung djiê, Yêsu, Pô bi mtlaih drei mơ̆ng klei ngêñ srăng truh.

Hêbrơ 11:7

Hŏng klei đăo Y-Nôê gưt leh anăn ngă sa boh kŭmpăn čiăng bi mtlaih sang ñu, leh Aê Diê hưn kơ ñu kơ klei srăng truh ka arăng tuôm ƀuh ôh. Hŏng klei ngă snăn ñu phat kđi lăn ala leh anăn jing pô dưn klei kpă ênô truh kyua klei đăo.

Hêbrơ 6:18

Čiăng kơ hŏng dua klei amâo thâo mlih ôh, leh anăn hlăm dua klei anăn Aê Diê amâo dưi luar ôh, phung drei đuĕ dăp leh hlăm Ñu dưi mâo klei bi mđĭ ai ktang čiăng djă pioh klei čang hmăng Aê Diê ƀuăn leh kơ drei.

I Y-Yôhan 3:10

Hŏng klei anei arăng dưi thâo kral hlei jing phung anak Aê Diê leh anăn hlei jing phung anak yang jhat: hlei pô amâo ngă klei kpă amâo kbiă hriê mơ̆ng Aê Diê ôh, kăn rei pô amâo khăp kơ ayŏng adei ñu.