Y-Mathiơ 3:6 - Klei Aê Diê Blŭ 2015

⁶ Leh hưn klei soh, diñu tŭ Y-Yôhan ngă ƀaptem kơ diñu hlăm êa krông Yurdan.

Y-Mathiơ 3:6 Iomraidhean Croise

Y-Êsra 10:1

Êjai Y-Êsra wah lač leh anăn hưn klei soh, hia leh anăn buôn ti anăp sang yang Aê Diê, mâo lu snăk phung Israel êkei, mniê, leh anăn hđeh bi kƀĭn jŭm dar ñu; phung ƀuôn sang msĕ mơh hia hŏng klei ênguôt snăk.

Klei Mmuñ Hđăp 32:5

Snăn kâo hưn klei soh kâo kơ Ih, kâo amâo mdăp klei wê kâo ôh; kâo lač, “Kâo srăng hưn klei kâo gao klei bhiăn kơ Yêhôwa”; hlăk anăn Ih pap brei klei kâo jing soh. (Sêla)

Klei Bi Hriêng 28:13

Hlei pô mdăp klei soh ñu amâo srăng mâo klei đĭ kyar ôh, ƀiădah hlei pô hưn leh anăn lui klei soh anăn srăng mâo klei pap.

Y-Êsêkiêl 36:25

Kâo srăng krih êa êngeh kơ diih, leh anăn diih srăng jing doh kơ jih jang klei čhŏ mrŏ diih, leh anăn mơ̆ng jih jang rup yang diih.

Y-Đaniel 9:4

Kâo wah lač kơ Yêhôwa Aê Diê kâo leh anăn hưn klei soh kâo kơ Ñu, lač, “Ơ Yêhôwa, Aê Diê prŏng leh anăn năng kơ arăng huĭ, Pô djă pioh klei bi mguôp leh anăn klei jăk kơ phung khăp kơ Ñu leh anăn gưt klei Ñu mtă.

Bruă Lêwi 16:21

Y-Arôn srăng bă jih dua ƀĕ kngan ñu ti dlông boh kŏ bê knô hdĭp, leh anăn hưn ti dlông gơ̆ jih jang klei wê phung ƀuôn sang Israel, leh anăn jih jang klei diñu gao klei bhiăn, jih jang klei soh diñu; snăn ñu srăng dưm jih jang klei soh anăn ti boh kŏ bê knô, leh anăn yua sa čô mnuih jao leh kơ bruă anăn suôt bê knô kơ kdrăn tač.

Bruă Lêwi 26:40

Ƀiădah tơdah diñu srăng hưn klei wê diñu leh anăn klei wê phung aê diñu hlăm klei jhat ƀai diñu ngă leh bi kdơ̆ng hŏng Kâo, leh anăn hlăm klei diñu êbat mdê hŏng klei Kâo čiăng,

Klei Yap 5:7

ñu srăng hưn klei soh ñu ngă leh; leh anăn ñu srăng lŏ tla wĭt ênŭm, lŏ thiăm kơ dŏ anăn sa kdrêč hlăm êma, leh anăn srăng jao mnơ̆ng anăn kơ pô ñu bi msoh leh.

Y-Mathiơ 3:11

Kâo ngă ƀaptem kơ diih hŏng êa kyua klei diih kmhal leh kơ klei soh, ƀiădah Pô hriê êdei kơ kâo jing myang hĭn kơ kâo, leh anăn kâo amâo năng ôh djă klĭt juă Ñu. Ñu srăng ngă ƀaptem kơ diih hŏng Yang Mngăt Jăk leh anăn hŏng pui.

Y-Markôs 1:5

Jih čar Yuđa leh anăn jih jang phung ƀuôn sang ƀuôn Yêrusalem nao kơ ñu. Diñu hưn klei soh leh anăn brei Y-Yôhan ngă ƀaptem kơ diñu hlăm êa krông Yurdan.

Y-Luk 1:16

Gơ̆ srăng bi wĭt lu phung anak êkei Israel kơ Khua Yang Aê Diê diñu.

Y-Luk 3:16

Y-Yôhan lŏ wĭt lač kơ jih jang diñu, “Kâo ngă ƀaptem kơ diih hŏng êa, ƀiădah Pô myang hĭn kơ kâo srăng hriê, leh anăn kâo amâo năng ôh kleh klei klĭt juă Ñu. Ñu srăng ngă ƀaptem kơ diih hŏng Yang Mngăt Jăk leh anăn hŏng pui.

Bruă Phung Khua Ƀĭng Kna 1:5

kyuadah Y-Yôhan ngă leh ƀaptem hŏng êa, ƀiădah ăt dôk ƀiă hruê diih srăng tŭ klei ƀaptem hŏng Yang Mngăt Jăk.”

Bruă Phung Khua Ƀĭng Kna 11:16

Leh anăn kâo hdơr klei Khua Yang lač leh, ‘Y-Yôhan ngă ƀaptem leh hŏng êa, ƀiădah diih srăng tŭ klei ƀaptem hŏng Yang Mngăt Jăk.’

Bruă Phung Khua Ƀĭng Kna 19:18

Msĕ mơh lu mnuih đơ phung đăo leh hriê hưn bi êdah bruă soh diñu khăng ngă.

Bruă Phung Khua Ƀĭng Kna 22:16

Ară anei, ya ih dôk guôn? Kgŭ bĕ, tŭ klei ƀaptem, leh anăn bi doh klei soh ih, êjai iêô wah lač kơ anăn Khua Yang.’ ”

I Kôrantô 10:2

Jih jang diñu tŭ leh klei ƀaptem hlăm biut knam leh anăn hlăm êa ksĭ brei jing phung tui hlue Y-Môis.

Kôlôs 2:12

Hŏng klei ƀaptem arăng dơr diih leh mbĭt hŏng Krist, leh anăn msĕ mơh diih kbiă lŏ hdĭp leh mbĭt hŏng Ñu hŏng klei đăo kơ klei myang Aê Diê, Pô bi kbiă lŏ hdĭp leh Ñu mơ̆ng phung djiê.

Hêbrơ 6:2

kơ klei mtô kơ klei ƀaptem, kơ klei ênă kngan, kơ klei kbiă lŏ hdĭp mơ̆ng phung djiê, leh anăn kơ klei phat kđi hlŏng lar.

Hêbrơ 9:10

Ƀiădah mnơ̆ng anăn knŏng blŭ djŏ kơ mnơ̆ng ƀơ̆ng huă, mnơ̆ng mnăm, leh anăn klei bi doh mdê mdê, klei bhiăn djŏ kơ kđeh tơl truh ênuk klei bi mlih mrâo.

Y-Yakơ 5:16

Kyua anăn bi hưn bĕ klei soh hdơ̆ng diih, leh anăn đru wah lač hdơ̆ng diih, čiăng kơ diih dưi hlao. Klei sa čô mnuih kpă wah lač mâo klei myang leh anăn klei dưi.

Y-Yôsuê 7:19

Snăn Y-Yôsuê lač kơ Y-Akan, “Ơ dam, brei bĕ klei guh kơang kơ Yêhôwa Aê Diê Israel, leh anăn bi mni bĕ kơ Ñu. Ară anei hưn bĕ kơ kâo ya ih ngă leh. Đăm mdăp klei anăn kơ kâo ôh.”

I Y-Pêtrôs 3:21

Êa anăn jing klei bi hmô kơ klei ƀaptem bi mtlaih diih ară anei, amâo djŏ klei bi doh klei čhŏ asei mlei ôh, ƀiădah jing klei kwưh ƀuăn kơ Aê Diê mơ̆ng ai tiê kpă jăk, hŏng klei Yêsu Krist kbiă lŏ hdĭp.

I Y-Yôhan 1:9

Tơdah drei hưn klei soh drei, Ñu jing sĭt suôr leh anăn kpă, srăng pap brei klei soh drei leh anăn bi doh hĕ drei mơ̆ng jih jang klei wê.