Y-Mathiơ 3:17 - Klei Aê Diê Blŭ 2015

¹⁷ Leh anăn mâo asăp blŭ mơ̆ng adiê lač, “Anei jing Anak Kâo khăp êdimi; hlăm Ñu Kâo mâo klei mơak snăk.”

Y-Mathiơ 3:17 Iomraidhean Croise

Klei Mmuñ Hđăp 2:7

Kâo srăng hưn klei Yêhôwa mtă: Ñu lač leh kơ Kâo snei, “Ih jing anak êkei Kâo; hruê anei Kâo kkiêng kơ Ih.

Y-Êsai 42:1

“Nĕ anei, dĭng buăl Kâo, pô Kâo krơ̆ng, pô Kâo ruah leh, hlăm ñu mngăt Kâo mâo klei mơak. Kâo dưm leh Mngăt Myang Kâo ti ñu, ñu srăng ba klei kpă kơ phung găp djuê mnuih.

Y-Êsai 42:21

Kyua klei kpă ênô Ñu pô, Yêhôwa mơak čiăng bi lar leh anăn bi guh kơang klei bhiăn Ñu.

Bruă Lêwi 15:15

Khua ngă yang srăng myơr digơ̆, sa drei jing mnơ̆ng myơr kyua klei soh, sa drei mkăn jing mnơ̆ng myơr čuh; leh anăn khua ngă yang srăng ngă klei bi doh klei soh pô anăn ti anăp Yêhôwa kyua klei bi ƀlĕ.

Y-Mathiơ 12:18

“Nĕ anei dĭng buăl Kâo ruah leh, Pô Kâo khăp, hlăm Ñu Kâo mâo klei mơak snăk. Kâo srăng dưm Mngăt Myang Kâo ti Ñu, leh anăn Ñu srăng hưn klei Kâo phat kđi kơ phung tue.

Y-Mathiơ 17:5

Êjai Y-Pêtrôs dôk blŭ, mâo knam kô̆ mngač guôm diñu, leh anăn mâo asăp mơ̆ng knam lač, “Anei jing Anak Kâo khăp êdimi, hlăm Ñu Kâo mâo klei mơak snăk. Brei diih hmư̆ bĕ klei Ñu.”

Y-Markôs 1:11

Leh anăn mâo asăp blŭ mơ̆ng adiê lač, “Ih jing Anak Kâo khăp êdimi; hlăm Ih Kâo mâo klei mơak snăk.”

Y-Markôs 9:7

Leh anăn mâo knam guôm diñu, leh anăn mâo asăp blŭ kbiă mơ̆ng knam, “Anei yơh jing Anak Kâo, pô Kâo khăp êdimi. Brei diih hmư̆ bĕ klei Ñu.”

Y-Luk 3:22

leh anăn Yang Mngăt Jăk trŭn ti dlông Ñu msĕ si asei mlei sa drei mgăm, leh anăn mâo asăp blŭ mơ̆ng adiê lač, “Ih jing Anak Kâo khăp êdimi; hlăm Ih kâo mâo klei mơak snăk.”

Y-Luk 9:35

Leh anăn mơ̆ng knam kbiă asăp lač, “Pô anei jing Anak Kâo, pô Kâo ruah leh. Brei diih dôk hmư̆ Ñu bĕ.”

Y-Yôhan 5:20

Kyuadah Ama khăp kơ Anak, leh anăn bi êdah kơ Anak jih jang bruă Ñu ngă. Leh anăn Ñu srăng bi êdah kơ Anak bruă prŏng hĭn kơ anei, čiăng bi kngăr diih.

Y-Yôhan 5:37

Leh anăn Ama, Pô tiŏ hriê Kâo leh, hưn bi sĭt kơ Kâo. Diih amâo tuôm hmư̆ asăp Ñu ôh, kăn diih tuôm ƀuh rup asei mlei Ñu rei;

Êphêsô 1:6

Ñu čiăng kơ drei bi mni kơ klei pap guh kơang Ñu, Ñu brei leh kơ drei êbeh dlai hlăm Anak Ñu khăp êdimima.

Kôlôs 1:13

Ñu bi mtlaih drei leh mơ̆ng klei myang klei mmăt, leh anăn atăt ba drei kơ ƀuôn ala mtao Anak Ñu khăp êdimi.

II Y-Pêtrôs 1:17

Kyuadah tơdah Ñu mă tŭ leh klei mpŭ leh anăn klei guh kơang mơ̆ng Aê Diê Ama hlăk anăn asăp mơ̆ng Pô Guh Kơang Hĭn lač, “Pô anei jing Anak Kâo khăp êdimi; hlăm Ñu Kâo mâo klei mơak snăk,”

I Y-Yôhan 5:9

Tơdah drei đăo klei mnuih hưn bi sĭt, klei Aê Diê hưn bi sĭt jing prŏng hĭn; kyuadah klei Aê Diê hưn bi sĭt djŏ kơ Anak Ñu.

Klei Bi Êdah 14:2

Kâo hmư̆ asăp mơ̆ng adiê msĕ si ênai lu êa, leh anăn msĕ si ênai grăm ktang. Asăp kâo hmư̆ jing msĕ si ênai phung pĕ brô̆.