Y-Mathiơ 3:15 - Klei Aê Diê Blŭ 2015

¹⁵ Yêsu lŏ wĭt lač kơ ñu, “Brei ngă snăn yơh ară anei, kyuadah ngă snăn jing djŏ kơ drei bi sĭt jih jang klei Aê Diê čiăng.” Snăn Y-Yôhan tŭ.

Y-Mathiơ 3:15 Iomraidhean Croise

Y-Êsai 42:21

Kyua klei kpă ênô Ñu pô, Yêhôwa mơak čiăng bi lar leh anăn bi guh kơang klei bhiăn Ñu.

Y-Mathiơ 3:14

Y-Yôhan hngah leh anăn lač, “Tui si djŏ Ih yơh ngă ƀaptem kơ kâo. Ƀiădah si ngă Ih hriê kơ kâo lĕ?”

Y-Luk 1:6

Jih diñu dua dôk kpă ênô ti anăp Aê Diê tui hlue jih klei bhiăn leh anăn klei Khua Yang mtă amâo mâo klei arăng dưi ƀuah ôh.

Y-Yôhan 13:15

Kyuadah Kâo ngă leh sa klei bi hmô kơ diih, čiăng kơ diih msĕ mơh ngă msĕ si Kâo ngă leh kơ diih.

Y-Yôhan 15:10

Tơdah diih djă pioh klei Kâo mtă, diih srăng dôk hlăm klei Kâo khăp, msĕ si Kâo djă pioh leh klei Ama Kâo mtă leh anăn dôk hlăm klei Ñu khăp.

Y-Yôhan 4:34

Yêsu lač kơ digơ̆, “Mnơ̆ng Kâo ƀơ̆ng huă jing klei ngă tui si Pô tiŏ hriê Kâo čiăng, leh anăn bi leh bruă Ñu.

Y-Yôhan 8:29

Leh anăn Pô tiŏ hriê Kâo leh dôk mbĭt hŏng Kâo; Ñu amâo tuôm lui Kâo dôk hjăn ôh, kyuadah Kâo ngă klei bi mơak kơ Ñu nanao.”

Hêbrơ 7:26

Kyuadah jing djŏ leh kơ drei mâo sa čô khua ngă yang prŏng msĕ snăn, doh jăk, amâo mâo klei dưi ƀuah ôh, amâo mâo klei čhŏ ôh, bi ktlah leh mơ̆ng phung soh, Aê Diê pŭ ba leh ti dlông hĭn kơ phung adiê.

I Y-Yôhan 2:6

hlei pô lač ñu dôk hlăm Yêsu, brei ñu êbat msĕ si Yêsu pô êbat leh.