Y-Mathiơ 3:12 - Klei Aê Diê Blŭ 2015

¹² Ñu djă knguôr, čiăng mđung bi doh anôk Ñu juă mdiê. Ñu srăng bi kƀĭn mdiê Ñu hlăm hjiê, ƀiădah Ñu srăng čuh hĕ kam hlăm pui amâo thâo ram ôh.”

Y-Mathiơ 3:12 Iomraidhean Croise

Y-Yôp 21:18

Djŏ mơ̆ diñu jing msĕ si adrăng ti anăp angĭn, leh anăn msĕ si kam angĭn êbŭ kpuh mđuĕ?

Klei Mmuñ Hđăp 1:4

Phung ƀai amâo djŏ snăn ôh, ƀiădah diñu jing msĕ si adrăng angĭn kpuh mđung.

Klei Mmuñ Hđăp 35:5

Brei diñu jing msĕ si kam angĭn kpuh mđung, brei dĭng buăl jăk Yêhôwa suôt diñu.

Y-Êsai 1:31

Phung mnuih ktang srăng jing msĕ si djah brang arăng ngă mrai, leh anăn bruă diñu msĕ si mnga pui; jih dua diñu pui srăng ƀơ̆ng mđrăm mbĭt, leh anăn amâo mâo pô bi ram diñu ôh.

Y-Êsai 17:13

Wăt tơdah phung găp djuê srăng bi ênai msĕ si êa poh yă, ƀiădah Ñu srăng ƀuah digơ̆, leh anăn digơ̆ srăng đuĕ kbưi. Arăng suôt digơ̆ msĕ si adrăng hlăm čư̆ ti anăp angĭn, msĕ si ƀruih hlăm angĭn đrŭng.

Y-Êsai 27:4

Kâo amâo mâo klei ngêñ ôh. Tơdah mâo êruê ana leh anăn êruê hruĕ bi kdơ̆ng hŏng Kâo, Kâo srăng nao bi blah hŏng diñu, leh anăn Kâo srăng čuh hĕ diñu mđrăm mbĭt.

Y-Êsai 28:28

Arăng bi ƀhĭ mdiê ƀlê čiăng ngă kpŭng, arăng amâo prah ñu nanao ôh. Wăt tơdah arăng brei pông êdeh leh anăn jơ̆ng aseh ñu, ñu amâo mâo ƀhĭ ôh.

Y-Êsai 30:24

Êmô leh anăn aseh dliê kai hma srăng ƀơ̆ng mdiê jăk, arăng hdei leh anăn srai hŏng kdroh leh anăn hŏng kdroh rưng.

Y-Êsai 41:16

Diih srăng hdei diñu leh anăn angĭn đrŭng srăng kpuh diñu, angĭn êbŭ srăng mđung diñu. Ƀiădah diih srăng mơak hlăm Yêhôwa, diih srăng bi mni kơ Pô Doh Jăk phung Israel.

Y-Êsai 5:24

Kyuanăn, msĕ si êlah pui ƀơ̆ng adrăng, leh anăn msĕ si êlah pui čuh rơ̆k krô, msĕ snăn mơh agha diñu srăng jing msĕ si mnơ̆ng brŭ rai, leh anăn mnga diñu srăng đung msĕ si ƀruih lăn; kyuadah diñu hngah leh klei bhiăn Yêhôwa kơ phung kahan, leh anăn bi êmut klei Pô Doh Jăk Israel blŭ.

Y-Êsai 66:24

“Diñu srăng kbiă nao dlăng kơ atâo phung mnuih bi kdơ̆ng hŏng Kâo leh; kyuadah hluăt digơ̆ amâo srăng djiê ôh, pui digơ̆ kăn srăng ram rei, leh anăn jih jang mnuih srăng bi êmut kheh kơ digơ̆.”

Y-Yêrêmi 15:7

Kâo srăng hdei diñu hŏng knguôr ti ƀăng jang čar; Kâo srăng brei diñu čŏk hia, Kâo srăng bi rai phung ƀuôn sang Kâo, kyuadah diñu amâo wir đuĕ ôh mơ̆ng êlan soh diñu.

Y-Yêrêmi 17:27

Ƀiădah tơdah diih amâo dôk hmư̆ Kâo ôh čiăng hdơr mpŭ kơ hruê sabat jing doh jăk, leh anăn amâo dôk hmư̆ ôh klei Kâo mtă đăm gui dŏ ktrŏ leh anăn mŭt ƀăng jang ƀuôn Yêrusalem êjai hruê sabat, snăn Kâo srăng kuč pui ti jih ƀăng jang ñu, leh anăn pui anăn srăng ƀơ̆ng sang mtao ƀuôn Yêrusalem leh anăn amâo srăng thâo ram ôh.’ ”

Y-Yêrêmi 4:11

Hlăm ênuk anăn arăng srăng lač kơ phung ƀuôn sang anei leh anăn kơ ƀuôn Yêrusalem, “Srăng mâo angĭn hlơr mơ̆ng čŏng phung čư̆ kla hlăm kdrăn tač truh kơ anak mniê phung ƀuôn sang Kâo, amâo djŏ ôh čiăng hdei amâodah bi doh;

Y-Yêrêmi 51:2

Kâo srăng tiŏ nao phung tue kơ ƀuôn Ƀaƀilôn, digơ̆ srăng hdei ñu leh anăn bi rai čar ñu, digơ̆ srăng hriê ngă kơ ñu jŭm gah găn, ti hruê ñu mâo klei knap mñai.

Y-Yêrêmi 7:20

Kyuanăn snei Yêhôwa Aê Diê lač: Nĕ anei, Kâo srăng tuh klei Kâo ăl leh anăn ngêñ kơ anôk anei, kơ phung mnuih leh anăn hlô mnơ̆ng, kơ ana kyâo hlăm hma leh anăn kơ boh mơ̆ng lăn; pui srăng ƀơ̆ng diñu leh anăn amâo thâo ram ôh.”

Y-Ôsê 13:3

Kyuanăn diñu srăng jing msĕ si dhul ti aguah, amâodah msĕ si êa nguôm djăl thu, msĕ si kam angĭn đrŭng kpuh mđung mơ̆ng anôk prah mdiê amâodah msĕ si săp pui kbiă mơ̆ng ƀăng bhă điêt.

Y-Amôs 9:9

“Kyuadah nĕ anei, Kâo srăng mtă leh anăn êyuh sang Israel ti krah jih jang găp djuê mnuih, msĕ si arăng êyuh hŏng mnơ̆ng hdei, ƀiădah amâo mâo sa asăr điêt srăng lĕ ti lăn ôh.

Y-Malaki 4:1

“Kyuadah nĕ anei, hruê srăng truh, hang msĕ si kpur pui. Jih jang phung mgao leh anăn jih jang phung ngă klei ƀai srăng jing msĕ si adrăng; hruê truh anăn srăng čuh diñu,” Yêhôwa kơ phung kahan lač, “Snăn amâo srăng lui kơ diñu agha amâodah adhan ôh.

Y-Mathiơ 13:30

Lui jih dua anăn hriê kơ dlông tơl truh ti yan wiă; leh anăn ti yan wiă kâo srăng mtă kơ phung wiă, buč rơ̆k jhat êlâo leh anăn čăp pioh čuh hĕ, ƀiădah bi kƀĭn mdiê ƀlê hlăm hjiê kâo.’ ”

Y-Mathiơ 13:41

Anak Mnuih srăng tiŏ nao phung dĭng buăl jăk Ñu, leh anăn digơ̆ srăng mă mơ̆ng ƀuôn ala mtao Ñu jih jang phung bi msoh arăng leh anăn phung ngă klei jhat,

Y-Mathiơ 13:42

leh anăn hwiê diñu hlăm kpur pui prŏng. Ti anôk anăn srăng mâo klei čŏk hia leh anăn klei kriêt êgei.

Y-Mathiơ 13:43

Leh anăn phung kpă ênô srăng mtrang msĕ si yang hruê hlăm ƀuôn ala mtao Ama diñu. Hlei pô mâo knga, brei ñu hmư̆ bĕ.”

Y-Luk 3:16

Y-Yôhan lŏ wĭt lač kơ jih jang diñu, “Kâo ngă ƀaptem kơ diih hŏng êa, ƀiădah Pô myang hĭn kơ kâo srăng hriê, leh anăn kâo amâo năng ôh kleh klei klĭt juă Ñu. Ñu srăng ngă ƀaptem kơ diih hŏng Yang Mngăt Jăk leh anăn hŏng pui.

Y-Luk 3:17

Ñu djă knguôr čiăng mđung bi doh anôk Ñu juă mdiê leh anăn bi kƀĭn mdiê hlăm hjiê Ñu, ƀiădah Ñu srăng čuh kam hlăm pui amâo thâo ram ôh.”

Y-Yôhan 15:2

Grăp adhan hlăm Kâo amâo mboh ôh, Ñu mă khăt hĕ, leh anăn grăp adhan mboh, Ñu lŏ mkra khăt, čiăng kơ gơ̆ dưi mboh lu hĭn.