Y-Mathiơ 3:10 - Klei Aê Diê Blŭ 2015

¹⁰ Ară anei jông arăng dưm leh ti agha kyâo; jih jang kyâo amâo mâo boh jăk ôh arăng srăng druôm leh anăn hwiê hĕ hlăm pui.

Y-Mathiơ 3:10 Iomraidhean Croise

II Y-Samuel 23:7

Ƀiădah pô ruêh diñu hơô ao msei leh anăn djă kju, leh anăn arăng čuh diñu jih hŏng pui ti anôk diñu dôk.”

Klei Mmuñ Hđăp 1:3

Ñu jing msĕ si sa ƀĕ ana kyâo pla giăm êa hnoh, mboh tơdah truh yan gơ̆; wăt hla ñu amâo thâo krô ôh, leh anăn jih klei ñu ngă srăng jing.

Klei Mmuñ Hđăp 140:10

Brei hdăng ngur lĕ ti dlông diñu; brei arăng dlăm diñu hlăm ƀăng êlam amâo dưi lŏ kbiă ôh.

Klei Mmuñ Hđăp 92:12

Phung kpă ênô hriê kơ prŏng msĕ si ana guôl; prŏng msĕ si ana kyâo sêdar ti čar Liƀan.

Y-Êsai 27:11

Tơdah adhan ñu krô, arăng đăk diñu, phung mniê hriê mă yua kơ djuh. Kyuadah phung ƀuôn sang anei amâo mâo klei thâo săng ôh. Kyuanăn Pô hrih diñu amâo srăng pap kơ diñu ôh; Pô mjing diñu amâo srăng bi êdah klei jăk kơ diñu ôh.

Y-Êsai 61:3

čiăng brei kơ phung kơŭ kyăm hlăm ƀuôn Siôn — čiăng brei kơ diñu kwang mnga hrô kơ hbâo, êa ƀâo mngưi klei hơ̆k hrô kơ klei kơŭ kyăm, čhiăm ao klei bi mni hrô kơ klei mĭn êdu ai. Arăng srăng pia diñu kyâo klei kpă ênô mnơ̆ng Yêhôwa pla leh, čiăng kơ Yêhôwa dưi mâo klei guh kơang.

Y-Yêrêmi 17:8

Ñu jing msĕ si sa ƀĕ ana kyâo pla giăm êa, mtrŭn agha ñu ti djiêô êa hnoh, leh anăn amâo huĭ ôh tơdah truh mđiă, kyuadah hla ñu ăt jing mtah nanao, leh anăn amâo uêñ ôh kơ thŭn adiê không, kyuadah ñu mboh nanao, amâo mdei ôh.

Y-Đaniel 4:14

Ñu ur kraih, lač, ‘Druôm hĕ kyâo leh anăn khăt hĕ adhan ñu; êyuh bi luh hĕ hla ñu, leh anăn hwiê hĕ boh ñu; brei hlô dliê đuĕ mơ̆ng ti gŭ ñu leh anăn čĭm đuĕ mơ̆ng adhan ñu.

Y-Malaki 4:1

“Kyuadah nĕ anei, hruê srăng truh, hang msĕ si kpur pui. Jih jang phung mgao leh anăn jih jang phung ngă klei ƀai srăng jing msĕ si adrăng; hruê truh anăn srăng čuh diñu,” Yêhôwa kơ phung kahan lač, “Snăn amâo srăng lui kơ diñu agha amâodah adhan ôh.

Y-Mathiơ 21:19

Ñu ƀuh sa ƀĕ ana boh hra ti djiêô êlan. Ñu nao kơ gơ̆, ƀiădah ƀuh knŏng hla. Ñu lač kơ gơ̆, “Mơ̆ng anei kơ anăp ih amâo srăng lŏ mboh ôh!” Bhiâo riâo rit ana boh hra krô mtam.

Y-Mathiơ 7:19

Grăp ƀĕ ana kyâo amâo mâo boh jăk ôh arăng druôm hĕ leh anăn hwiê hlăm pui.

Y-Luk 23:31

Kyuadah tơdah arăng ngă klei anei kơ kyâo mtah, ya srăng truh kơ kyâo krô lĕ?”

Y-Luk 3:9

Ară anei jông Aê Diê dưm leh ti agha kyâo; jih jang kyâo amâo mâo boh jăk ôh Aê Diê srăng druôm hĕ leh anăn hwiê hlăm pui.”

Y-Yôhan 15:2

Grăp adhan hlăm Kâo amâo mboh ôh, Ñu mă khăt hĕ, leh anăn grăp adhan mboh, Ñu lŏ mkra khăt, čiăng kơ gơ̆ dưi mboh lu hĭn.

Y-Yôhan 15:6

Tơdah sa čô mnuih amâo dôk hlăm Kâo ôh, Aê Diê hwiê ñu ti tač msĕ si arăng hwiê sa ƀĕ adhan, leh anăn ñu krô. Arăng bi kƀĭn adhan anăn leh anăn hwiê hlăm pui brei pui ƀơ̆ng jih.

Hêbrơ 12:25

Răng bĕ, đăm hngah kơ Pô dôk blŭ ôh. Kyuadah tơdah phung anăn amâo tlaih ôh klei bi kmhal tơdah diñu hngah hmư̆ pô brei diñu răng ti lăn ala, sĭt nik drei amâo srăng tlaih ôh tơdah drei hngah kơ Pô blŭ brei răng mơ̆ng adiê.

Hêbrơ 6:8

Ƀiădah tơdah lăn anăn bi čăt êruê ana leh anăn êruê hruĕ, ñu amâo yuôm ôh, leh anăn tŭ klei Aê Diê tăm pah; ti knhal tuč pui srăng ƀơ̆ng ñu.