Y-Mathiơ 28:9 - Klei Aê Diê Blŭ 2015

⁹ Nĕ anei, Yêsu bi tuôm hŏng phung mniê anăn leh anăn lač, “Kkuh kơ diih!” Diñu nao giăm djă jơ̆ng Gơ̆ leh anăn buôn kkuh kơ Gơ̆.

Y-Mathiơ 28:9 Iomraidhean Croise

Y-Êsai 64:5

Ih tŭ drông pô mă bruă kpă ênô hŏng klei hơ̆k, phung hdơr kơ Ih hlăm êlan Ih. Nĕ anei, Ih ngêñ leh kyuadah hmei ngă soh leh; sui leh hmei dôk ngă soh, leh anăn si hmei srăng mâo klei bi mtlaih?

Y-Mathiơ 14:33

Phung dôk hlăm čhŏng buôn kkuh kơ Ñu, lač, “Sĭt nik, Ih jing Anak Aê Diê.”

Y-Mathiơ 23:7

čiăng kơ arăng kkuh kơ diñu hlăm sang mnia, leh anăn čiăng arăng pia Rabi (čiăng lač Nai) kơ diñu.

Y-Mathiơ 28:10

Leh anăn Yêsu lač kơ diñu, “Đăm huĭ ôh; nao hưn kơ phung ayŏng adei Kâo brei digơ̆ nao kơ čar Galilê, tinăn digơ̆ srăng ƀuh Kâo.”

Y-Mathiơ 28:17

Tơdah diñu ƀuh Yêsu diñu buôn kkuh kơ Gơ̆; ƀiădah đa đa mâo klei đing.

Y-Mathiơ 28:8

Snăn diñu đuĕ mtam mơ̆ng msat hŏng klei huĭ leh anăn hŏng klei hơ̆k snăk, leh anăn êran nao hưn kơ phung ƀĭng kna Ñu.

Y-Luk 1:28

Dĭng buăl jăk truh kơ H'Mari leh anăn lač, “Kkuh kơ ih, Ơ pô Aê Diê pap. Khua Yang dôk mbĭt hŏng ih!”

Y-Luk 24:52

Digơ̆ kkuh mpŭ kơ Ñu leh anăn lŏ wĭt kơ ƀuôn Yêrusalem hŏng klei hơ̆k mơak snăk.

Y-Luk 7:38

Gơ̆ dôk dơ̆ng ti tluôn giăm jơ̆ng Yêsu. Gơ̆ dơ̆ng bi msah jơ̆ng Yêsu hŏng êa ală gơ̆, leh anăn sut jơ̆ng Yêsu hŏng ƀŭk gơ̆, čŭm leh anăn mia jơ̆ng Yêsu hŏng êa ƀâo mngưi anăn.

Y-Yôhan 12:3

Hlăk anăn H'Mari mă sa mkrah lit êa ƀâo mngưi nard phŭn yuôm snăk, trôč ti jơ̆ng Yêsu, leh anăn sut jơ̆ng Yêsu hŏng ƀŭk gơ̆, leh anăn sang anăn bŏ hŏng mnâo ƀâo mngưi.

Y-Yôhan 20:19

Ti tlam mmăt hruê anăn, jing hruê tal sa hlăm hruê kăm, anôk phung ƀĭng kna dôk kđăl leh ƀăng bhă kyua huĭ kơ phung Yuđa, Yêsu hriê leh anăn dôk ti krah phung digơ̆, lač, “Brei klei êđăp ênang dôk mbĭt hŏng diih.”

Y-Yôhan 20:28

Y-Thômas lŏ wĭt lač kơ Ñu, “Ơ Khua Yang kâo leh anăn Aê Diê kâo!”

II Kôrantô 13:11

Snăn Ơ phung ayŏng adei, brei diih dôk mơak. Mkra bĕ klei hdĭp diih, gưt klei kâo kwưh, brei diih mâo sa ai hdơ̆ng diih. Brei diih dôk êđăp ênang, leh anăn Aê Diê klei khăp leh anăn klei êđăp ênang srăng dôk mbĭt hŏng diih.

Klei Bi Êdah 3:9

Nĕ anei Kâo srăng brei phung kkuh mpŭ kơ Satan, phung lač diñu jing phung Yuđa ƀiădah amâo jing ôh, diñu luar yơh — nĕ anei Kâo srăng brei diñu hriê buôn kkuh ti jơ̆ng ih leh anăn thâo Kâo khăp kơ ih leh.