Y-Mathiơ 28:5 - Klei Aê Diê Blŭ 2015

⁵ Ƀiădah dĭng buăl jăk lač kơ phung mniê, “Đăm huĭ ôh; kyuadah kâo thâo diih duah Yêsu, Pô arăng pơ̆ng leh ti kyâo bi kal.

Y-Mathiơ 28:5 Iomraidhean Croise

Y-Êsai 35:4

Lač bĕ kơ phung mâo ai tiê huĭ, “Dôk ktang bĕ, đăm huĭ ôh! Nĕ anei, Aê Diê diih srăng hriê, Ñu srăng hriê hŏng klei rŭ ênua, jing klei rŭ ênua mơ̆ng Aê Diê. Ñu srăng hriê leh anăn bi mtlaih diih.”

Y-Êsai 41:10

Đăm huĭ ôh, kyuadah Kâo dôk mbĭt hŏng diih. Đăm êdu ai ôh, kyuadah Kâo jing Aê Diê diih. Kâo srăng bi ktang diih, Kâo srăng đru diih. Kâo srăng krơ̆ng diih hŏng kngan hnuă kpă ênô Kâo.

Y-Êsai 41:14

Đăm huĭ ôh, Ơ Y-Yakôp, pô jing msĕ si ênăng, leh anăn diih, Ơ phung êkei Y-Israel! Kâo pô srăng đru diih, Yêhôwa lač, Pô Bi Tui diih, Pô Doh Jăk phung Israel.

Y-Đaniel 10:12

Leh klei anăn, ñu lač kơ kâo, “Ơ Y-Đaniel, đăm huĭ ôh, kyuadah mơ̆ng hruê tal êlâo hĭn ih mâo ai tiê čiăng thâo săng leh anăn bi luă gŭ ih pô ti anăp Aê Diê ih, Aê Diê hmư̆ leh klei ih blŭ, leh anăn kâo hriê kyua klei ih blŭ anăn.

Y-Đaniel 10:19

Ñu lač, “Đăm huĭ ôh, Ơ pô arăng khăp snăk, dôk êđăp ênang bĕ; dôk ktang, bi mđĭ ai bĕ.” Tơdah ñu blŭ kơ kâo, kâo lŏ mâo ai ktang leh anăn kâo lač, “Ơ, brei khua kâo blŭ bĕ, kyuadah ih bi ktang kâo leh.”

Y-Mathiơ 14:27

Ƀiădah Yêsu blŭ kơ digơ̆ mtam, lač, “Dôk êđăp ênang bĕ! Kâo gơ̆ yơh, đăm huĭ ôh!”

Y-Mathiơ 28:10

Leh anăn Yêsu lač kơ diñu, “Đăm huĭ ôh; nao hưn kơ phung ayŏng adei Kâo brei digơ̆ nao kơ čar Galilê, tinăn digơ̆ srăng ƀuh Kâo.”

Y-Mathiơ 28:4

Phung kahan huĭ kơ ñu, ktư̆ yơ̆ng tơl jing msĕ si mnuih djiê.

Y-Markôs 16:6

Gơ̆ lač kơ diñu, “Đăm huĭ ôh. Kâo thâo diih duah Yêsu ƀuôn Nasaret, Pô arăng pơ̆ng leh ti kyâo bi kal. Ñu kbiă lŏ hdĭp leh. Ñu amâo dôk tinei ôh. Nĕ anei anôk arăng mđih Ñu.

Y-Luk 1:30

Dĭng buăl jăk lač kơ ñu, “Đăm huĭ ôh, Ơ H'Mari, kyuadah ih mâo leh klei pap ti anăp Aê Diê.

Y-Luk 24:5

Êjai diñu huĭ snăk leh anăn kkui ƀô̆ kơ lăn, phung êkei anăn lač kơ diñu, “Si ngă diih duah pô hdĭp ti krah phung djiê? Gơ̆ amâo dôk tinei ôh, Gơ̆ kbiă lŏ hdĭp leh.

Bruă Phung Khua Ƀĭng Kna 2:24

Ƀiădah Aê Diê bi kbiă lŏ hdĭp Ñu leh, bi êngiê leh Ñu mơ̆ng klei myang klei djiê, kyuadah klei djiê amâo dưi kơ̆ng Ñu ôh.

Hêbrơ 1:14

Snăn, hlei jing phung dĭng buăl jăk? Amâo djŏ hĕ jih jang diñu jing phung yang Aê Diê tiŏ nao mă bruă kơ phung srăng dưn klei bi mtlaih?