Y-Mathiơ 27:6 - Klei Aê Diê Blŭ 2015

⁶ Ƀiădah phung knơ̆ng khua ngă yang mă prăk anăn leh anăn lač, “Amâo bhiăn ôh dưm prăk anei hlăm hip pioh prăk Sang Kkuh Mpŭ, kyuadah jing prăk ênoh êrah.”

Y-Mathiơ 27:6 Iomraidhean Croise

Y-Êsai 61:8

“Kyuadah Kâo gơ̆, Yêhôwa, khăp kơ klei kpă; Kâo bi êmut kơ klei tlĕ leh anăn klei wê. Hŏng klei sĭt suôr Kâo srăng brei klei mưn kơ diñu, leh anăn Kâo srăng ngă hŏng diñu klei bi mguôp hlŏng lar.

Y-Mathiơ 23:24

Ơ phung bum ală atăt êlan, êjai diih kar mă hĕ tŭk mrui, diih lun aseh samô!

Y-Mathiơ 27:5

Ñu dlăm hĕ prăk anăn hlăm Sang Kkuh Mpŭ, leh anăn ñu kbiă nao ruôt kkuê ñu pô.

Y-Mathiơ 27:7

Snăn diñu bi trông čhai, yua prăk anăn blei hma pô mmai gŏ, čiăng pioh dơr phung tue.

Y-Markôs 7:11

Ƀiădah diih lač, ‘Tơdah sa čô mnuih lač kơ ama amâodah amĭ ñu, Ya mnơ̆ng kâo dưi đru ih jing Kôrban,’ (čiăng lač myơr leh kơ Aê Diê),

Y-Yôhan 18:28

Mơ̆ng sang Y-Kaip diñu atăt ba Yêsu kơ sang phat kđi. Kyua aguah ưm, diñu pô amâo mŭt ôh hlăm sang khua čar, huĭ bi čhŏ diñu pô, čiăng dưi ƀơ̆ng Knăm Klei Găn.

Klei Mtô Mñă Klei Bhiăn 23:18

Diih amâo dưi djă ba ôh kơ sang Yêhôwa Aê Diê diih ênoh mưn sa čô mniê knhông, amâodah ênoh sa drei asâo jing ênoh bi sĭt klei ƀuăn; kyuadah jih dua mnơ̆ng anăn jing mnơ̆ng Yêhôwa Aê Diê diih bi êmut kheh.