Y-Mathiơ 27:57 - Klei Aê Diê Blŭ 2015

⁵⁷ Tơdah adiê tlam leh, mâo sa čô êkei mdrŏng hriê, anăn ñu Y-Yôsep mơ̆ng ƀuôn Arimathê; ñu msĕ mơh jing sa čô ƀĭng kna Yêsu.

Y-Mathiơ 27:57 Iomraidhean Croise

Y-Êsai 53:9

Arăng pioh brei msat kơ Ñu mbĭt hŏng phung ƀai, mbĭt hŏng sa čô mnuih mdrŏng tơdah Ñu djiê, wăt tơdah Ñu amâo tuôm ngă klei jhat ƀai dưn, leh anăn ƀăng êgei Ñu kăn tuôm blŭ klei mplư rei.

Y-Mathiơ 27:58

Ñu nao kơ Aê Pilat leh anăn akâo asei mlei Yêsu. Aê Pilat mtă kơ arăng brei asei mlei Yêsu kơ ñu.

Y-Markôs 6:29

Tơdah phung ƀĭng kna Y-Yôhan hmư̆ klei anăn, diñu hriê mă ba dơr asei mlei gơ̆ hlăm msat.

Bruă Phung Khua Ƀĭng Kna 13:29

Leh diñu bi sĭt jih klei arăng čih leh kơ Gơ̆, diñu mtrŭn Gơ̆ mơ̆ng kyâo bi kal leh anăn mđih Gơ̆ hlăm sa boh msat.

I Y-Samuel 1:1

Mâo sa čô êkei mơ̆ng ƀuôn Ramathaim-Sôphim hlăm čar kngư Êphraim bi anăn Y-Êlkana, anak êkei Y-Jêrôham, čô Y-Êlihu, čĕ Y-Tôhu, rĕ Y-Sup, sa čô Êphraim.

I Y-Samuel 7:17

Leh anăn ñu lŏ wĭt kơ ƀuôn Rama, kyuadah sang ñu tinăn. Tinăn mơh ñu phat kđi phung Israel, leh anăn ngă sa boh knưl kơ Yêhôwa.