Y-Mathiơ 27:54 - Klei Aê Diê Blŭ 2015

⁵⁴ Tơdah khua kahan leh anăn phung kahan mbĭt hŏng ñu kiă Yêsu ƀuh klei yơ̆ng lăn ala leh anăn jih jang klei truh, diñu huĭ snăk leh anăn lač, “Sĭt nik mnuih anei jing Anak Aê Diê!”

Y-Mathiơ 27:54 Iomraidhean Croise

Y-Mathiơ 26:63

Ƀiădah Yêsu dôk ñăt. Khua ngă yang prŏng lač kơ Ñu, “Kâo mtă kơ ih hŏng anăn Aê Diê hdĭp, hưn bĕ kơ hmei djŏ mơ̆ ih jing Yang Krist, Anak Aê Diê?”

Y-Mathiơ 27:36

Leh anăn diñu dôk gŭ tinăn kiă Yêsu.

Y-Mathiơ 27:40

leh anăn lač, “Ơ pô čiăng bi rai Sang Kkuh Mpŭ leh anăn lŏ mdơ̆ng gơ̆ hlăm tlâo hruê, bi mtlaih bĕ ih pô! Tơdah ih jing Anak Aê Diê, trŭn bĕ mơ̆ng kyâo bi kal!”

Y-Mathiơ 27:43

Ñu knang kơ Aê Diê; brei Aê Diê bi mtlaih ñu ară anei hin tơdah Aê Diê čiăng kơ ñu; kyuadah ñu lač, ‘Kâo jing Anak Aê Diê!’ ”

Y-Mathiơ 27:51

Leh anăn nĕ anei, čhiăm păng hlăm Sang Kkuh Mpŭ kơhiêk mdua mơ̆ng dlông truh ti gŭ; lăn ktư̆ yơ̆ng, lu boh tâo kđang;

Y-Mathiơ 4:3

Yang mplư hriê kơ Ñu leh anăn lač, “Tơdah ih jing Anak Aê Diê, mtă bĕ kơ boh tâo anei brei jing klŏ kpŭng.”

Y-Mathiơ 8:5

Êjai Yêsu mŭt ti ƀuôn Kapernum, sa čô khua kahan kiă sa êtuh čô hriê kwưh kơ Ñu

Y-Markôs 15:39

Tơdah khua kahan dôk phă anăp Yêsu ƀuh si Gơ̆ tuč êwa, ñu lač, “Sĭt nik êkei anei jing Anak Aê Diê!”

Y-Luk 22:70

Jih jang diñu lač, “Snăn ih jing Anak Aê Diê hĕ?” Yêsu lač kơ phung anăn, “Diih lač leh hlei Kâo jing.”

Y-Yôhan 19:7

Phung Yuđa lŏ wĭt lač kơ Aê Pilat, “Hmei mâo sa klei bhiăn, leh anăn tui si klei bhiăn anăn ñu năng djiê, kyuadah ñu yap ñu pô Anak Aê Diê.”

Bruă Phung Khua Ƀĭng Kna 10:1

Ti ƀuôn Sêsarê mâo sa čô êkei anăn ñu Y-Kornei, khua kahan kơ sa êtuh čô phung kahan Itali,

Bruă Phung Khua Ƀĭng Kna 2:37

Leh hmư̆ klei anăn, diñu mâo klei kčŭt snăk hlăm ai tiê. Snăn diñu lač kơ Y-Pêtrôs leh anăn phung khua ƀĭng kna mkăn, “Ơ phung ayŏng adei, ya hmei srăng ngă?”

Bruă Phung Khua Ƀĭng Kna 21:32

Ñu mă phung kahan mtam, wăt phung khua kahan kơ sa êtuh čô, leh anăn êran nao kơ phung lu. Tơdah phung anăn ƀuh khua kahan prŏng leh anăn phung kahan, diñu mdei čăm Y-Pôl.

Bruă Phung Khua Ƀĭng Kna 23:17

Y-Pôl iêô sa čô khua kahan leh anăn lač, “Atăt ba êkei hlăk ai anei kơ khua kahan prŏng, kyuadah gơ̆ mâo klei čiăng hưn kơ ñu.”

Bruă Phung Khua Ƀĭng Kna 23:23

Leh anăn khua kahan prŏng iêô dua čô khua kahan kơ sa êtuh čô leh anăn lač, “Ti dua păn mông mlam anei, brei diih mkra bi mâo dua êtuh čô kahan mbĭt hŏng kjuh pluh čô kahan đĭ aseh, leh anăn dua êtuh čô kahan djă kju srăng nao truh kơ ƀuôn Sêsarê.

Bruă Phung Khua Ƀĭng Kna 27:1

Leh bi trông čhai tŭ ư kơ klei brei hmei đĭ kŭmpăn nao kơ čar Itali, arăng jao Y-Pôl leh anăn đa đa phung mnă mkăn kơ sa čô khua kahan bi anăn Y-Julius, khua kahan kơ sa êtuh čô kahan phung Ôgust.

Bruă Phung Khua Ƀĭng Kna 27:43

Ƀiădah khua kahan čiăng bi mtlaih Y-Pôl ghă klei diñu mĭn ngă anăn. Ñu mtă kơ phung thâo luê kdâo êlâo hĭn leh anăn luê nao kơ hang.

Hră Y-Pôl Mơĭt kơ Phung Rôm 1:4

leh anăn tui si yang mngăt doh jăk hưn Gơ̆ jing Anak Aê Diê hŏng klei myang kyua klei Gơ̆ kbiă lŏ hdĭp leh mơ̆ng phung djiê.

Klei Bi Êdah 11:13

Ti mông anăn mâo klei yơ̆ng lăn ala ktang, leh anăn sa kdrêč hlăm pluh ƀuôn prŏng klưh. Kjuh êbâo čô mnuih djiê hlăm klei yơ̆ng lăn ala anăn, bi phung mkăn huĭ snăk leh anăn mpŭ mni kơ Aê Diê hlăm adiê.