Y-Mathiơ 27:4 - Klei Aê Diê Blŭ 2015

⁴ “Kâo ngă soh leh jao brei kơ diih êrah Pô amâo soh ôh.” Phung anăn lač, “Ya yuôm klei anăn kơ hmei? Klei anăn bruă ih.”

Y-Mathiơ 27:4 Iomraidhean Croise

I Bruă Mtao 21:27

Tơdah Y-Ahap hmư̆ leh klei blŭ anăn, ñu hiêk čhiăm ao ñu, hơô klŭng, leh anăn kăm ƀơ̆ng huă, đih hlăm klŭng, leh anăn dôk ênguôt.

II Bruă Mtao 24:4

leh anăn msĕ mơh kyua êrah amâo soh ñu tuh leh; kyuadah ñu bi bŏ ƀuôn Yêrusalem hŏng êrah amâo soh, leh anăn Yêhôwa amâo pap brei ôh.

Y-Yôp 13:4

Ƀi diih dê, diih jing phung tuh tia klei luar; jih jang diih jing aê êa drao hơăi mang.

Y-Yôp 16:2

“Kâo hmư̆ leh lu klei msĕ snăn; jih klei diih bi juh jing hơăi mang, amâo yuôm ôh.

Klei Mmuñ Hđăp 94:21

Diñu bi mguôp mbĭt čiăng ngă kơ mnuih kpă, leh anăn bi kmhal bi mdjiê pô amâo soh ôh.

Klei Kbiă 12:31

Mlam anăn mơh Pharaôn iêô Y-Môis leh anăn Y-Arôn, lač, “Kgŭ bĕ, đuĕ bĕ mơ̆ng krah phung ƀuôn sang kâo, diih leh anăn phung ƀuôn sang Israel. Nao bĕ, mă bruă kơ Yêhôwa tui si diih lač leh.

Klei Kbiă 9:27

Pharaôn tiŏ arăng nao iêô Y-Môis leh anăn Y-Arôn lač kơ diñu, “Tal anei kâo ngă soh. Yêhôwa jing kpă ênô; kâo leh anăn phung ƀuôn sang kâo jing soh.

Klei Bi Hriêng 12:8

Hlei pô mâo klei thâo mĭn arăng bi mni, ƀiădah hlei pô mâo ai tiê wê arăng bi êmut.

Y-Yêrêmi 26:15

Knŏng brei diih thâo sĭt, tơdah diih bi mdjiê kâo, diih srăng bi msoh kơ diih pô, kơ ƀuôn prŏng anei, leh anăn jih jang mnuih dôk hlăm ƀuôn anei hŏng êrah amâo mâo soh ôh, kyuadah sĭt nik yơh Yêhôwa tiŏ hriê leh kâo brei blŭ kơ knga diih jih jang klei blŭ anei.”

Y-Yôna 1:14

Kyuanăn diñu ur kơ Yêhôwa, “Ơ Yêhôwa, hmei kwưh kơ Ih, đăm brei hmei rai luč kyua klei hdĭp mnuih anei ôh, leh anăn đăm bi lĕ kơ hmei êrah amâo mâo soh ôh; kyuadah Ih, Ơ Yêhôwa, ngă leh klei bi mơak kơ Ih.”

Y-Mathiơ 27:19

Êjai ñu dôk phat kđi, mô̆ ñu tiŏ nao arăng lač kơ ñu, “Đăm ngă kơ mnuih kpă anăn ôh, kyuadah kâo mâo lu klei rŭng răng hruê anei kyua gơ̆ hlăm klei kâo êpei.”

Y-Mathiơ 27:54

Tơdah khua kahan leh anăn phung kahan mbĭt hŏng ñu kiă Yêsu ƀuh klei yơ̆ng lăn ala leh anăn jih jang klei truh, diñu huĭ snăk leh anăn lač, “Sĭt nik mnuih anei jing Anak Aê Diê!”

Y-Luk 23:22

Aê Pilat lač kơ diñu tal tlâo, “Si ngă, ya klei jhat ñu ngă leh? Kâo amâo ƀuh ôh hlăm ñu klei soh prŏng năng kơ klei mdjiê. Snăn kâo srăng brei arăng čăm gơ̆ hŏng giê leh anăn phưi gơ̆.”

Y-Luk 23:41

Bi kơ drei djŏ leh; kyuadah drei mă tŭ klei năng hŏng bruă drei ngă, ƀiădah pô anei amâo tuôm ngă klei soh ôh.”

Y-Luk 23:47

Tơdah khua kahan ƀuh klei truh leh, gơ̆ mpŭ mni kơ Aê Diê leh anăn lač, “Sĭt nik êkei anei jing mnuih kpă ênô!”

Y-Yôhan 19:7

Phung Yuđa lŏ wĭt lač kơ Aê Pilat, “Hmei mâo sa klei bhiăn, leh anăn tui si klei bhiăn anăn ñu năng djiê, kyuadah ñu yap ñu pô Anak Aê Diê.”

Bruă Phung Khua Ƀĭng Kna 13:28

Wăt tơdah diñu kčŭt kơ Gơ̆ klei amâo năng bi mdjiê ôh, diñu ăt akâo kơ aê Pilat bi mdjiê Gơ̆.

Hră Y-Pôl Mơĭt kơ Phung Rôm 3:19

Drei thâo leh ya klei bhiăn lač, gơ̆ lač kơ phung dôk ti gŭ klei bhiăn, čiăng kơ jih jang ƀăng êgei dôk kriêp, leh anăn jih jang mnuih ti lăn ala srăng dôk ti gŭ klei Aê Diê phat kđi.

I Y-Timôthê 4:2

Klei mtô anăn kbiă hriê mơ̆ng ai ngăm klei phung khua pô mtô soh mplư, phung mâo ai tiê kpă djiê leh msĕ si čuh leh hŏng msei ngur.

Y-Tit 1:16

Diñu hưn kơ diñu thâo kral Aê Diê, ƀiădah diñu hngah Aê Diê hŏng bruă diñu ngă. Diñu jing phung arăng bi êmut, phung amâo gưt asăp ôh, leh anăn amâo dưi ngă sa mta bruă jăk ôh.

Hêbrơ 7:26

Kyuadah jing djŏ leh kơ drei mâo sa čô khua ngă yang prŏng msĕ snăn, doh jăk, amâo mâo klei dưi ƀuah ôh, amâo mâo klei čhŏ ôh, bi ktlah leh mơ̆ng phung soh, Aê Diê pŭ ba leh ti dlông hĭn kơ phung adiê.

I Y-Pêtrôs 1:19

ƀiădah hŏng êrah yuôm Krist, msĕ si êrah sa drei êđai biăp amâo mâo anôk jhat, amâo mâo anôk djiu ruă ôh.

I Y-Yôhan 3:12

đăm jing msĕ si Y-Kain ôh, pô kbiă hriê mơ̆ng yang jhat leh anăn bi mdjiê hĕ adei ñu. Ya ngă ñu bi mdjiê gơ̆? Kyuadah bruă ñu pô jing jhat leh anăn bruă adei ñu jing kpă.

Klei Bi Êdah 11:10

Phung dôk ti lăn ala srăng hơ̆k mơak kyua klei truh kơ diñu, ngă klei huă mnăm, leh anăn bi mơĭt mnơ̆ng brei hdơ̆ng diñu, kyuadah dua čô khua pô hưn êlâo anăn bi knap leh phung dôk ti lăn ala.

I Y-Samuel 15:24

Y-Sôl lač kơ Y-Samuel, “Kâo ngă soh leh; kyuadah kâo gao leh klei Yêhôwa mtă, leh anăn klei ih blŭ, kyuadah kâo huĭ kơ phung ƀuôn sang leh anăn gưt asăp kơ diñu.

I Y-Samuel 15:30

Y-Sôl wĭt lač, “Kâo ngă soh leh, ƀiădah mpŭ bĕ kơ kâo ară anei ti anăp phung khua mduôn phung ƀuôn sang kâo leh anăn ti anăp phung Israel, leh anăn lŏ hriê bĕ mbĭt hŏng kâo čiăng kơ kâo dưi kkuh mpŭ kơ Yêhôwa Aê Diê ih.”

I Y-Samuel 19:5

Gơ̆ săn asei mlei leh anăn bi mdjiê leh êkei Philistin, leh anăn Yêhôwa ngă leh kơ jih jang phung Israel sa klei dưi prŏng hŏng phung roh diñu. Ih ƀuh leh klei anăn leh anăn hơ̆k mơak. Snăn ih srăng ngă soh mơ̆ hŏng êrah amâo mâo soh ôh êjai bi mdjiê hĕ Y-Đawit amâo mâo klei?”