Y-Mathiơ 27:30 - Klei Aê Diê Blŭ 2015

³⁰ Diñu kčuh êa bah ti Gơ̆, leh anăn mă giê mbô anăn čăm ti boh kŏ Gơ̆.

Y-Mathiơ 27:30 Iomraidhean Croise

Y-Êsai 49:7

Snei Yêhôwa, Pô Bi Tui leh anăn Pô Doh Jăk Israel lač kơ pô arăng bi êmut snăk, kơ pô phung găp djuê mnuih bi êmut kheh, kơ dĭng buăl phung khua kiă kriê: “Phung mtao srăng ƀuh leh anăn kgŭ, wăt phung anak mtao srăng buôn kkuh, kyua Yêhôwa, pô jing sĭt suôr, Pô Doh Jăk Israel, pô ruah ih leh.”

Y-Êsai 50:6

Kâo jao leh rŏng kâo kơ phung čăm, leh anăn miêng kâo kơ phung buč mlâo kang kâo; kâo amâo tuôm mdăp ƀô̆ kâo ôh kơ klei arăng bi hêñ leh anăn kčuh êa bah.

Y-Êsai 52:14

Msĕ si lu mnuih dôk bi kngăr kơ Ñu — kyua ƀô̆ mta Ñu êka êgao hĭn kơ mnuih tuôm mâo, leh anăn asei mlei Ñu êka hĭn kơ phung anak êkei mnuih —

Y-Êsai 53:3

Ñu jing Pô arăng bi êmut leh anăn hngah leh, sa čô mnuih bŏ hŏng klei ênguôt leh anăn thâo kral klei ruă. Msĕ si sa čô arăng mdăp ƀô̆ mta kơ Ñu, arăng bi êmut kơ Ñu, leh anăn drei amâo mpŭ kơ Ñu ôh.

Y-Êsai 53:7

Arăng ktư̆ juă Ñu leh anăn bi knap Ñu, ƀiădah Ñu amâo tuôm ha ƀăng êgei Ñu ôh; msĕ si sa drei êđai biăp arăng atăt kơ anôk koh bi mdjiê, msĕ si sa drei êđai biăp dôk kmlô ti anăp phung kăp mlâo Ñu, msĕ snăn mơh Ñu amâo ha ƀăng êgei Ñu ôh.

Y-Mika 5:1

Ară anei dăp bĕ phung kahan ih, Ơ anak mniê phung kahan, kyuadah arăng wang ngă kơ drei. Diñu srăng čăm khua gai gĭt phung Israel ti miêng hŏng giê.

Y-Mathiơ 26:67

Diñu kčuh êa bah ti ƀô̆ Yêsu leh anăn tŭk Gơ̆; đa đa pah miêng Gơ̆,

Y-Markôs 10:34

Phung anăn srăng mưč kơ gơ̆, kčuh êa bah kơ gơ̆, čăm gơ̆ hŏng klei hnuăt, leh anăn bi mdjiê gơ̆. Ƀiădah tlâo hruê êdei gơ̆ srăng kbiă lŏ hdĭp.”

Y-Markôs 14:65

Đa đa dơ̆ng kčuh êa bah kơ Gơ̆, guôm ƀô̆ mta Gơ̆, tŭk Gơ̆, leh anăn lač, “Hưn êlâo bĕ!” Leh anăn phung kahan kiă mă Gơ̆ leh anăn pah miêng Gơ̆.

Y-Markôs 15:19

Diñu čăm boh kŏ Gơ̆ hŏng giê mbô, kčuh êa bah ti Gơ̆, leh anăn čuôn kơŭt kkuh kơ Gơ̆.