Y-Mathiơ 27:26 - Klei Aê Diê Blŭ 2015

²⁶ Snăn Aê Pilat pŏk kơ diñu Y-Barabas, leh brei arăng čăm Yêsu hŏng giê, ñu jao brei arăng pơ̆ng Gơ̆ ti kyâo bi kal.

Y-Mathiơ 27:26 Iomraidhean Croise

Y-Êsai 50:6

Kâo jao leh rŏng kâo kơ phung čăm, leh anăn miêng kâo kơ phung buč mlâo kang kâo; kâo amâo tuôm mdăp ƀô̆ kâo ôh kơ klei arăng bi hêñ leh anăn kčuh êa bah.

Y-Êsai 53:5

Ƀiădah arăng bi êka Ñu leh kyua klei drei gao klei bhiăn, bi brăm mčah Ñu leh kyua klei wê drei; klei bi kmhal lĕ ti Ñu brei klei suaih kơ drei, leh anăn kyua klei êka Ñu drei hlao leh.

Y-Mathiơ 20:19

Diñu srăng jao Gơ̆ kơ phung tue čiăng kơ arăng tlao mưč, čăm Gơ̆ hŏng klei hnuăt, leh anăn pơ̆ng Gơ̆ ti kyâo bi kal; ƀiădah ti hruê tal tlâo Ñu srăng lŏ hdĭp.”

Y-Markôs 10:34

Phung anăn srăng mưč kơ gơ̆, kčuh êa bah kơ gơ̆, čăm gơ̆ hŏng klei hnuăt, leh anăn bi mdjiê gơ̆. Ƀiădah tlâo hruê êdei gơ̆ srăng kbiă lŏ hdĭp.”

Y-Markôs 15:15

Snăn kyua Aê Pilat čiăng bi mơak kơ phung lu anăn, ñu pŏk Y-Barabas kơ diñu. Leh ñu brei arăng čăm Yêsu hŏng giê, ñu jao Yêsu brei phung kahan pơ̆ng ti kyâo bi kal.

Y-Luk 23:16

Snăn kâo srăng čăm gơ̆ hŏng giê leh anăn phưi gơ̆.”

Y-Yôhan 19:1

Snăn Aê Pilat mă Yêsu leh anăn brei phung kahan čăm Gơ̆ hŏng giê.

Y-Yôhan 19:16

Snăn Aê Pilat jao Yêsu kơ diñu, brei diñu pơ̆ng Gơ̆ ti kyâo bi kal. Snăn diñu mă Yêsu.

I Y-Pêtrôs 2:24

Ñu pô klam klei soh drei hlăm asei mlei Ñu pô ti kyâo bi kal, čiăng kơ drei dưi djiê kơ klei soh leh anăn hdĭp kơ klei kpă ênô. Hŏng anôk êka Ñu diih hlao leh.