Y-Mathiơ 27:25 - Klei Aê Diê Blŭ 2015

²⁵ Jih jang phung ƀuôn sang lŏ wĭt lač, “Brei êrah ñu lĕ ti hmei leh anăn ti phung anak hmei!”

Y-Mathiơ 27:25 Iomraidhean Croise

II Y-Samuel 1:16

Y-Đawit lač kơ ñu, “Brei êrah ih lĕ ti boh kŏ ih pô; kyuadah ƀăng êgei ih pô hưn ngă kơ ih pô êjai lač, ‘Kâo bi mdjiê leh pô Yêhôwa trôč leh êa ƀâo mngưi.’ ”

I Bruă Mtao 2:32

Yêhôwa srăng bi wĭt klei ñu tuh êrah ti dlông boh kŏ ñu pô, kyuadah êjai ama kâo Y-Đawit amâo thâo ôh, ñu ngă leh anăn bi mdjiê hŏng đao gưm dua čô êkei kpă hĭn leh anăn jăk hĭn kơ ñu pô, Y-Apner anak êkei Y-Ner khua kahan phung Israel, leh anăn Y-Amasa anak êkei Y-Jêther khua kahan phung Yuđa.

Klei Kbiă 20:5

Đăm ih buôn kkuh ti anăp mnơ̆ng anăn ôh, kăn mă bruă kơ diñu rei; kyuadah Kâo gơ̆ yơh jing Yêhôwa Aê Diê ih, Aê Diê thâo trih, bi kmhal klei wê phung ama lĕ kơ phung anak tơl kơ ênuk tal tlâo amâodah tal pă kơ phung bi êmut kơ Kâo;

Klei Yap 35:33

Snăn đăm bi čhŏ ôh lăn diih dôk; kyuadah êrah bi čhŏ lăn, leh anăn amâo mâo ôh klei bi doh arăng dưi ngă kơ lăn kyua êrah tuh leh tinăn, knŏng hŏng êrah pô tuh êrah leh.

Y-Mathiơ 21:44

Hlei pô srăng lĕ ti dlông boh tâo anăn srăng mčah, ƀiădah tơdah boh tâo anăn lĕ ti dlông arăng, boh tâo anăn srăng bi ƀhĭ ñu.]”

Bruă Phung Khua Ƀĭng Kna 18:6

Phung Yuđa bi kdơ̆ng leh anăn dlao wač kơ ñu, ñu êyuh čhiăm ao ñu leh anăn lač kơ phung anăn, “Brei êrah diih lĕ ti boh kŏ diih pô. Kâo amâo jing soh hŏng diih ôh. Mơ̆ng anei kơ anăp kâo srăng nao kơ phung tue.”

Bruă Phung Khua Ƀĭng Kna 5:28

“Hmei ghă diih ktang tĭt amâo brei mtô hlăm anăn anei ôh, ƀiădah diih bi bŏ leh ƀuôn Yêrusalem hŏng klei diih mtô, leh anăn diih čiăng bi lĕ êrah mnuih anăn ti hmei.”

Bruă Phung Khua Ƀĭng Kna 7:52

Hlei hlăm phung khua pô hưn êlâo phung aê diih amâo tuôm ngă jhat ôh? Diñu bi mdjiê leh phung hưn êlâo kơ Pô Kpă srăng hriê, Pô Kpă anăn ară anei diih lhiăr leh anăn bi mdjiê leh.

Klei Mtô Mñă Klei Bhiăn 19:10

huĭdah arăng tuh hĕ êrah amâo mâo soh ôh hlăm čar ih Yêhôwa Aê Diê ih brei kơ diih jing ngăn dưn, snăn klei soh tuh êrah lĕ kơ ih.

Klei Mtô Mñă Klei Bhiăn 19:13

Ih amâo dưi dlăng kơ ñu hŏng klei pap ôh, ƀiădah brei ih bi doh klei soh tuh êrah pô amâo soh ôh mơ̆ng phung Israel, čiăng kơ jih jang klei dưi jing jăk kơ ih.

Y-Yôsuê 2:19

Tơdah sa čô kbiă mơ̆ng sang ih nao kơ êlan, tơdah arăng tuh êrah ñu jing soh ñu pô, leh anăn hmei amâo srăng jing soh ôh. Ƀiădah tơdah arăng ngă kơ sa čô dôk mbĭt hŏng ih hlăm sang, klei anăn jing soh hmei.