Y-Mathiơ 27:2 - Klei Aê Diê Blŭ 2015

² Leh kă Gơ̆, diñu atăt jao Gơ̆ kơ khua čar Aê Pilat.

Y-Mathiơ 27:2 Iomraidhean Croise

Klei Mphŭn Dơ̆ng 22:9

Tơdah diñu truh ti anôk Aê Diê ktrâo leh kơ ñu, Y-Abraham mdơ̆ng tinăn knưl ngă yang, leh anăn ñu dăp djuh. Ñu kă Y-Isăk anak êkei ñu, leh anăn dưm gơ̆ ti dlông knưl ngă yang ti dlông djuh.

Y-Mathiơ 20:19

Diñu srăng jao Gơ̆ kơ phung tue čiăng kơ arăng tlao mưč, čăm Gơ̆ hŏng klei hnuăt, leh anăn pơ̆ng Gơ̆ ti kyâo bi kal; ƀiădah ti hruê tal tlâo Ñu srăng lŏ hdĭp.”

Y-Mathiơ 28:14

Tơdah khua čar hmư̆ klei anăn, hmei srăng mblang kơ ñu leh anăn mgang diih.”

Y-Luk 13:1

Hlăk anăn mâo đa đa mnuih tinăn yăl dliê kơ Yêsu klei truh leh kơ phung Galilê Aê Pilat bi mdjiê tơl êrah digơ̆ bi lŭk mbĭt hŏng mnơ̆ng digơ̆ ngă yang.

Y-Luk 20:20

Snăn diñu kăp ksiêm kơ Yêsu, leh anăn tiŏ nao phung knuă mgưt msĕ si phung sĭt suôr, čiăng mâo klei dưi kčŭt kơ klei Yêsu blŭ, čiăng kơ diñu dưi jao Gơ̆ kơ knŭk kna leh anăn kơ khua prŏng Rôm.

Y-Luk 23:1

Jih jang phung anăn kgŭ leh anăn atăt Yêsu ti anăp Aê Pilat.

Y-Luk 23:12

Hruê anăn Aê Pilat leh anăn Hêrôt dơ̆ng jing mah jiăng. Êlâo tinăn diñu bi roh hdơ̆ng diñu.

Y-Luk 3:1

Hlăm thŭn tal pluh êma Sêsar Tiber kiă kriê, Pôns Pilat jing khua kiă kriê čar Yuđa, Hêrôt kiă kriê čar Galilê, leh anăn ayŏng ñu Y-Philip kiă kriê čar Iturê leh anăn čar Trakônit, Y-Lisanias kiă kriê čar Abilen,

Y-Yôhan 18:12

Snăn phung kahan Rôm, khua kahan, leh anăn phung kahan kiă Yuđa mă Yêsu leh anăn čăp Gơ̆.

Y-Yôhan 18:24

Leh anăn Y-Anas tiŏ nao Yêsu arăng kă leh ba kơ khua ngă yang prŏng Y-Kaip.

Y-Yôhan 18:28

Mơ̆ng sang Y-Kaip diñu atăt ba Yêsu kơ sang phat kđi. Kyua aguah ưm, diñu pô amâo mŭt ôh hlăm sang khua čar, huĭ bi čhŏ diñu pô, čiăng dưi ƀơ̆ng Knăm Klei Găn.

Bruă Phung Khua Ƀĭng Kna 12:6

Mlam êlâo kơ hruê mtao Hêrôt čiăng atăt ba gơ̆ kơ tač, Y-Pêtrôs dôk pĭt ti plah wah dua čô kahan, kă hŏng dua aruăt klei săng đai; leh anăn ti anăp ƀăng bhă mâo phung kahan kiă war mnă.

Bruă Phung Khua Ƀĭng Kna 21:33

Khua kahan prŏng nao giăm, mă Y-Pôl leh anăn mtă kơ arăng kă gơ̆ hŏng dua aruăt klei săng đai. Ñu êmuh hlei gơ̆ jing leh anăn ya klei gơ̆ ngă leh.

Bruă Phung Khua Ƀĭng Kna 22:25

Ƀiădah tơdah arăng kă leh čiăng čăm ñu, Y-Pôl lač kơ khua kahan sa êtuh čô dôk dơ̆ng tinăn, “Bhiăn mơ̆ ih čăm sa čô Rôm ka phat kđi ôh?”

Bruă Phung Khua Ƀĭng Kna 22:29

Snăn phung čiăng ksiêm êmuh ñu đuĕ mtam mơ̆ng ñu; leh anăn khua kahan prŏng huĭ msĕ mơh, kyuadah gơ̆ thâo kơ Y-Pôl jing sa čô Rôm leh anăn gơ̆ kă leh ñu.

Bruă Phung Khua Ƀĭng Kna 24:27

Ƀiădah tơdah êgao leh dua thŭn, Aê Pôrtus Phêtus hriê hrô Aê Phêlik. Kyuadah Aê Phêlik čiăng bi mơak kơ phung Yuđa, ñu ăt brei arăng krư̆ Y-Pôl.

Bruă Phung Khua Ƀĭng Kna 28:20

Kyuanăn yơh kâo akâo čiăng bi tuôm leh anăn blŭ hrăm hŏng diih, kyua klei phung Israel čang hmăng yơh arăng kă kâo hŏng klei săng đai anei.”

Bruă Phung Khua Ƀĭng Kna 3:13

Aê Diê Y-Abraham, Y-Isăk, leh anăn Y-Yakôp, Aê Diê phung aê drei bi guh kơang leh dĭng buăl Ñu Yêsu, Pô diih hngah leh anăn jao leh ti anăp Aê Pilat, tơdah Aê Pilat čiăng phưi Gơ̆.

Bruă Phung Khua Ƀĭng Kna 4:27

Kyuadah sĭt nik hlăm ƀuôn prŏng anei Hêrôt leh anăn Pôns Pilat mbĭt hŏng phung tue leh anăn phung ƀuôn sang Israel bi kƀĭn leh, čiăng bi kdơ̆ng hŏng dĭng buăl doh jăk Ih Yêsu, Pô Ih trôč leh êa ƀâo mngưi,

Bruă Phung Khua Ƀĭng Kna 9:2

akâo kơ gơ̆ čih hră kơ jih jang sang bi kƀĭn ti ƀuôn Damas, čiăng kơ tơdah ñu ƀuh phung tui Êlan, êkei amâodah mniê, ñu dưi mă čăp đoh ba phung anăn kơ ƀuôn Yêrusalem.

I Y-Timôthê 6:13

Ti anăp Aê Diê, Pô brei klei hdĭp kơ jih jang mnơ̆ng, leh anăn ti anăp Krist Yêsu, Pô hưn jăk kơ klei đăo ti anăp Pôns Pilat, kâo mtă kơ ih,

II Y-Timôthê 2:9

Kyua klei mrâo mrang jăk anăn kâo tŭ klei knap mñai leh anăn arăng kă hŏng klei săng đai msĕ si sa čô mnuih soh prŏng. Ƀiădah amâo mâo pô dưi kă ôh klei Aê Diê blŭ.

Hêbrơ 13:3

Hdơr bĕ kơ phung arăng krư̆, msĕ si diih pô arăng krư̆ mbĭt hŏng diñu; leh anăn hdơr bĕ kơ phung arăng ngă jhat, msĕ si arăng ngă jhat leh kơ diih mơh.

Phung Khua Phat Kđi 15:12

Digơ̆ lač kơ ñu, “Hmei hriê čiăng čăp ih, snăn hmei dưi jao ih hlăm kngan phung Philistin.” Y-Samsôn lač kơ diñu, “Brei diih kat asei kơ kâo kơ diih pô amâo srăng bi mdjiê kâo ôh.”