Y-Mathiơ 27:1 - Klei Aê Diê Blŭ 2015

¹ Tơdah truh aguah jih jang phung knơ̆ng khua ngă yang leh anăn phung khua mduôn hlăm phung ƀuôn sang bi trông čhai ngă kơ Yêsu čiăng bi mdjiê Gơ̆.

Y-Mathiơ 27:1 Iomraidhean Croise

Klei Mmuñ Hđăp 2:2

Phung mtao lăn ala kgŭ, leh anăn phung khua bi trông čhai, čiăng bi kdơ̆ng hŏng Yêhôwa leh anăn hŏng pô ñu trôč leh êa ƀâo mngưi.

Klei Mmuñ Hđăp 31:13

Ơ, kâo hmư̆ leh klei lu mnuih dlao wač, mâo klei bi huĭ dôk jŭm gah găn, êjai diñu trông čhai ngă kơ kâo, čiăng bi luč hĕ klei hdĭp kâo.

Klei Mmuñ Hđăp 71:10

Kyuadah phung roh kâo blŭ djŏ kơ kâo, phung kăp bi mdjiê kâo trông čhai hdơ̆ng diñu,

Y-Mika 2:1

Knap mñai yơh kơ phung trông čhai kơ klei wê leh anăn ti jhưng pĭt mĭn ngă klei jhat! Truh aguah ưm diñu ngă klei diñu mĭn leh, kyuadah diñu mâo klei ktang dưi ngă klei anăn.

Y-Mathiơ 23:13

“Knap mñai yơh kơ diih, Ơ phung khua čih hră leh anăn phung Pharisi, phung ai ngăm! Kyuadah diih kđăl ƀuôn ala mtao adiê kơ mnuih, diih pô amâo mŭt hlăm ƀuôn ala mtao anăn ôh, kăn brei rei phung čiăng mŭt tinăn. [

Y-Markôs 15:1

Ti aguah ưm, phung knơ̆ng khua ngă yang prŏng, phung khua mduôn, phung khua čih hră, leh anăn jih jang phung khua phat kđi bi trông čhai. Diñu kă Yêsu leh anăn atăt ba jao Gơ̆ kơ Aê Pilat.

Y-Luk 13:1

Hlăk anăn mâo đa đa mnuih tinăn yăl dliê kơ Yêsu klei truh leh kơ phung Galilê Aê Pilat bi mdjiê tơl êrah digơ̆ bi lŭk mbĭt hŏng mnơ̆ng digơ̆ ngă yang.

Y-Luk 22:66

Tơdah adiê mngač leh, phung khua mduôn hlăm phung ƀuôn sang, phung knơ̆ng khua ngă yang, leh anăn phung khua čih hră bi kƀĭn mbĭt; leh anăn diñu atăt ba Yêsu ti anăp phung khua phat kđi diñu. Diñu lač,

Y-Yôhan 18:28

Mơ̆ng sang Y-Kaip diñu atăt ba Yêsu kơ sang phat kđi. Kyua aguah ưm, diñu pô amâo mŭt ôh hlăm sang khua čar, huĭ bi čhŏ diñu pô, čiăng dưi ƀơ̆ng Knăm Klei Găn.

Bruă Phung Khua Ƀĭng Kna 5:21

Hmư̆ klei anăn, aguah ưm diñu mŭt hlăm sang kkuh mpŭ leh anăn mtô. Khua ngă yang prŏng leh anăn phung mbĭt hŏng ñu truh. Diñu iêô bi kƀĭn phung khua phat kđi leh anăn jih jang phung khua mduôn phung Israel. Leh anăn diñu tiŏ nao brei atăt ba phung khua ƀĭng kna mơ̆ng war mnă.

Phung Khua Phat Kđi 16:2

Arăng hưn kơ phung Gasa, “Y-Samsôn truh leh tinei.” Diñu wang jŭm anôk anăn leh anăn kăp ngă kơ Y-Samsôn jih mlam ti ƀăng jang ƀuôn. Diñu dôk kriêp jih mlam anăn, lač, “Brei drei guôn tơl aguah mngač, leh anăn drei srăng bi mdjiê ñu.”

I Y-Samuel 19:11

Mlam anăn, Y-Sôl tiŏ nao phung mnuih kơ sang Y-Đawit čiăng kăp dlăng gơ̆, čiăng kơ ñu dưi bi mdjiê gơ̆ ti aguah. Ƀiădah H'Mikal mô̆ Y-Đawit hưn kơ Y-Đawit, “Tơdah ih amâo bi mtlaih klei hdĭp ih mlam anei, aguah mgi ih srăng djiê yơh.”