Y-Mathiơ 26:70 - Klei Aê Diê Blŭ 2015

⁷⁰ Ƀiădah Y-Pêtrôs hngah klei anăn ti anăp jih jang diñu, lač, “Kâo amâo thâo ôh ya klei ih lač anăn.”

Y-Mathiơ 26:70 Iomraidhean Croise

Klei Bi Hriêng 28:26

Hlei pô knang kơ klei mĭn ñu pô jing mnuih mluk, ƀiădah hlei pô êbat hlăm klei thâo mĭn srăng mâo klei êđăp ênang.

Klei Bi Hriêng 29:23

Klei mnuih mgao srăng mdlưh ñu pô, ƀiădah hlei pô thâo luă gŭ srăng mâo klei arăng mpŭ.

Klei Bi Hriêng 29:25

Klei huĭ kơ mnuih jing kđông ƀêč, ƀiădah hlei pô knang kơ Yêhôwa mâo klei hơĭt.

Y-Êsai 57:11

Kơ hlei pô diih krưp leh anăn huĭ tơl diih luar kơ Kâo, leh anăn amâo hdơr kơ kâo ôh, kăn mĭn kơ Kâo rei? Amâo djŏ hĕ kyuadah sui leh Kâo dôk ñăt, snăn diih amâo huĭ mpŭ kơ Kâo ôh?

Y-Yêrêmi 17:9

Ai tiê jing mnơ̆ng thâo mplư hĭn kơ jih jang, leh anăn bŏ hŏng klei ƀai; hlei dưi thâo săng klei anăn?

Y-Mathiơ 26:51

Leh anăn nĕ anei, sa čô hlăm phung dôk mbĭt hŏng Yêsu suê̆ đao gưm ñu, koh dĭng buăl khua ngă yang prŏng djŏ ti knga gơ̆ tơl tloh.

Y-Mathiơ 26:56

Ƀiădah jih jang klei anei truh leh čiăng dưi bi sĭt klei phung khua pô hưn êlâo čih leh.” Hlăk anăn jih jang phung ƀĭng kna lui Ñu leh anăn êran đuĕ.

Y-Mathiơ 26:58

Y-Pêtrôs tui hlue Yêsu kbưi kbưi, truh ti wăl sang khua ngă yang prŏng. Ñu mŭt dôk gŭ mbĭt hŏng phung kahan kiă čiăng dlăng ya klei srăng truh.

Y-Mathiơ 26:69

Hlăk anăn Y-Pêtrôs dôk gŭ ti tač hlăm wăl sang. Sa čô dĭng buăl mniê nao kơ ñu leh anăn lač, “Wăt ih mơh dôk leh mbĭt hŏng Yêsu mnuih čar Galilê.”

Y-Mathiơ 26:71

Êjai ñu đuĕ nao kơ ƀăng jang, sa čô dĭng buăl mniê mkăn ƀuh ñu, leh anăn lač kơ phung dôk giăm tinăn, “Êkei anei dôk leh mbĭt hŏng Yêsu ƀuôn Nasaret.”

Y-Luk 22:57

Ƀiădah Y-Pêtrôs hngah leh anăn lač, “Ơ mniê, kâo amâo thâo kral ñu ôh.”

Hră Y-Pôl Mơĭt kơ Phung Rôm 11:20

Klei anăn jing sĭt. Arăng khăt hĕ diñu leh kyuadah klei diñu amâo đăo ôh. Ƀiădah ih dôk kjăp knŏng kyua klei ih đăo. Snăn đăm jing mgao ôh, ƀiădah brei ih huĭ.

I Kôrantô 10:12

Snăn hlei pô mĭn ñu dôk dơ̆ng, brei ñu răng huĭdah ñu srăng lĕ buh.

Klei Bi Êdah 21:8

Ƀiădah bi kơ phung blao, phung amâo đăo ôh, phung čhŏ mrŏ, phung bi mdjiê mnuih, phung knhông, phung mjâo, phung kkuh mpŭ kơ rup yang, leh anăn jih jang phung luar, anôk pioh kơ diñu srăng jing ênao pui hlơr leh anăn boh tâo pui. Anôk anăn jing klei djiê tal dua.”