Y-Mathiơ 26:52 - Klei Aê Diê Blŭ 2015

⁵² Yêsu lač kơ ñu, “Lŏ hrô đao gưm ih hlăm hrŭm; kyuadah hlei pô yua đao gưm srăng rai tuč hŏng đao gưm mơh.

Y-Mathiơ 26:52 Iomraidhean Croise

Klei Mphŭn Dơ̆ng 9:6

Hlei pô tuh êrah mnuih, mnuih mơh srăng tuh êrah pô anăn; kyuadah Aê Diê mjing mnuih tui si rup Ñu pô.

Klei Mmuñ Hđăp 55:23

Ƀiădah Ih yơh, Ơ Aê Diê, srăng dlăm diñu hlăm ƀăng êlam hĭn; phung tuh êrah leh anăn mplư srăng djiê êlâo truh sa mkrah ênuk arăng bi kčah kơ diñu hdĭp. Ƀiădah kâo srăng knang kơ Ih.

Klei Kbiă 21:12

Hlei pô čăm sa čô mnuih tơl djiê, arăng srăng bi mdjiê ñu.

Y-Mathiơ 5:39

Ƀiădah Kâo lač kơ diih, Đăm bi kdơ̆ng hŏng mnuih ƀai ôh. Ƀiădah tơdah arăng čăm ih ti miêng hnuă, wir miêng điâo brei ñu čăm msĕ mơh.

Hră Y-Pôl Mơĭt kơ Phung Rôm 12:19

Ơ phung kâo khăp, đăm rŭ ênua diih pô ôh, ƀiădah jao klei anăn kơ klei Aê Diê ngêñ. Kyuadah Klei Aê Diê Blŭ čih leh, “Klei rŭ ênua jing bruă kâo; kâo yơh srăng bi wĭt klei năng, Khua Yang lač.”

I Têsalônik 5:15

Răng bĕ, đăm brei sa čô hlăm phung diih bi wĭt klei jhat kơ klei jhat arăng, ƀiădah tui duah nanao čiăng ngă klei jăk hdơ̆ng diih leh anăn kơ jih jang mnuih.

I Y-Pêtrôs 3:9

Đăm bi wĭt klei jhat kơ klei jhat arăng ngă ôh, kăn bi wĭt klei dlao wač kơ klei arăng dlao wač rei; ƀiădah lĕ hơêč hmưi bĕ klei jăk jĭn, kyua kơ klei anăn Aê Diê iêô diih leh, čiăng kơ diih dưi dưn klei jăk jĭn.

Klei Bi Êdah 13:10

Hlei pô čuăn leh jing mnă, ñu srăng nao kơ anôk jing mnă; hlei pô čuăn leh tŭ klei bi mdjiê hŏng đao gưm, srăng tŭ klei bi mdjiê hŏng đao gưm. Tinei jing klei gĭr leh anăn klei đăo kơ phung doh jăk.

Klei Bi Êdah 16:6

Kyuadah phung mnuih tuh leh êrah phung doh jăk leh anăn phung khua pô hưn êlâo, leh anăn Ih brei leh kơ diñu mnăm êrah. Diñu năng kơ klei anăn.!”