Y-Mathiơ 26:5 - Klei Aê Diê Blŭ 2015

⁵ Ƀiădah diñu lač, “Amâo dưi ngă klei anăn ôh êjai klei huă mnăm, huĭdah mâo klei bi rŭng ti krah phung ƀuôn sang.”

Y-Mathiơ 26:5 Iomraidhean Croise

Klei Mmuñ Hđăp 76:10

Sĭt nik klei mnuih ngêñ ăt srăng brei klei bi mni kơ Ih; Ih srăng yua klei ngêñ ăt dôk, bi guh kơang Ih.

Klei Bi Hriêng 19:21

Ai tiê mnuih mâo lu hdră čiăng ngă, ƀiădah klei Yêhôwa čuăn srăng dưi.

Klei Bi Hriêng 21:30

Amâo mâo klei thâo mĭn amâodah klei thâo săng, kăn mâo klei bi kčĕ rei dưi bi kdơ̆ng hŏng Yêhôwa.

Y-Êsai 46:10

Kâo hưn klei srăng truh mơ̆ng mphŭn truh kơ knhal tuč, leh anăn hưn mơ̆ng ênuk đưm klei ka truh ôh, lač, ‘Klei Kâo kčĕ srăng ăt dôk, leh anăn Kâo srăng bi leh jih klei Kâo čuăn.’

Klei Čŏk Hia 3:37

Hlei dưi mtă leh anăn klei anăn truh sĭt, tơdah Yêhôwa amâo mtă ôh klei anăn?

Y-Mathiơ 14:5

Mtao Hêrôt čiăng bi mdjiê Y-Yôhan, ƀiădah ñu huĭ kơ phung ƀuôn sang, kyuadah digơ̆ yap Y-Yôhan jing sa čô khua pô hưn êlâo.

Y-Mathiơ 21:26

Ƀiădah tơdah drei lač, ‘Mơ̆ng mnuih,’ drei huĭ kơ phung lu, kyuadah jih jang mnuih đăo kơ Y-Yôhan jing sa čô khua pô hưn êlâo.”

Y-Mathiơ 27:24

Snăn tơdah Aê Pilat thâo ñu amâo dưi ôh, ƀiădah mâo ênai hao hao lu hĭn êjai, ñu mă êa leh anăn rao kngan ñu ti anăp phung lu anăn leh anăn lač, “Kâo amâo jing soh ôh hŏng êrah mnuih anei! Klei anăn lĕ kơ diih!”

Y-Markôs 14:12

Hruê tal sa hlăm Knăm Ƀơ̆ng Kpŭng Amâo Mâo Kpei, hruê arăng koh bi mdjiê êđai biăp Knăm Klei Găn, phung ƀĭng kna êmuh kơ Yêsu, “Ti anôk Ih čiăng hmei nao mkra brei Ih ƀơ̆ng Knăm Klei Găn lĕ?”

Y-Markôs 14:2

Kyuadah diñu lač, “Đăm ngă ôh êjai hruê knăm, huĭdah phung ƀuôn sang ngă klei rŭng răng.”

Y-Markôs 14:27

Yêsu lač kơ diñu, “Jih jang diih srăng klah đuĕ lui Kâo; kyuadah Klei Aê Diê Blŭ čih leh, ‘Kâo srăng čăm mgăt biăp, leh anăn jih jang biăp srăng klah đuĕ mdê mdê.’

Y-Luk 20:6

Ƀiădah tơdah drei lač, ‘Mơ̆ng mnuih,’ jih jang phung ƀuôn sang srăng bhĭr boh tâo kơ drei, kyuadah diñu đăo kơ Y-Yôhan jing sa čô khua pô hưn êlâo.”

Y-Luk 22:7

Hruê Ƀơ̆ng Kpŭng Amâo Mâo Kpei truh leh, hruê anăn arăng bhiăn koh bi mdjiê êđai biăp myơr kơ Knăm Klei Găn.

Y-Yôhan 18:28

Mơ̆ng sang Y-Kaip diñu atăt ba Yêsu kơ sang phat kđi. Kyua aguah ưm, diñu pô amâo mŭt ôh hlăm sang khua čar, huĭ bi čhŏ diñu pô, čiăng dưi ƀơ̆ng Knăm Klei Găn.

Bruă Phung Khua Ƀĭng Kna 19:29

Snăn jih ƀuôn anăn bŏ hŏng klei rŭng răng; leh anăn diñu êran nao mbĭt kơ sang bi kƀĭn, đoh ba mbĭt hŏng diñu Y-Gaius leh anăn Y-Aristark, phung Masêdôn hiu mbĭt hŏng Y-Pôl.

Bruă Phung Khua Ƀĭng Kna 21:38

Snăn ih amâo jing ôh hĕ sa čô Êjip, pô mrâo anei mčhur klei krŭ kdơ̆ng leh anăn atăt ba hlăm kdrăn tač pă êbâo čô êkei knĕ?”

Bruă Phung Khua Ƀĭng Kna 4:28

čiăng bi sĭt jih jang klei kngan Ih leh anăn hdră Ih čuăn leh mơ̆ng êlâo.