Y-Mathiơ 26:41 - Klei Aê Diê Blŭ 2015

⁴¹ Kăp răng leh anăn wah lač bĕ, čiăng kơ diih amâo lĕ hlăm klei mplư ôh. Mngăt čiăng snăk, ƀiădah kđeh jing awăt.”

Y-Mathiơ 26:41 Iomraidhean Croise

Klei Mmuñ Hđăp 119:1

Jăk mơak yơh phung amâo mâo klei arăng dưi ƀuah ôh, phung êbat tui hlue klei bhiăn Yêhôwa.

Klei Mmuñ Hđăp 119:115

Đuĕ bĕ mơ̆ng kâo, Ơ phung ƀai, čiăng kơ kâo dưi djă pioh klei Aê Diê kâo mtă!

Klei Mmuñ Hđăp 119:117

Djă krơ̆ng kâo čiăng kơ kâo dưi mâo klei hơĭt, leh anăn mpŭ nanao kơ klei bhiăn Ih.

Klei Mmuñ Hđăp 119:32

Kâo srăng êran tui hlue êlan klei Ih mtă, kyuadah Ih bi êngiê ai tiê kâo leh.

Y-Mathiơ 24:42

Snăn răng bĕ, kyuadah diih amâo thâo ôh ya hruê Khua Yang diih srăng hriê.

Y-Mathiơ 25:13

Snăn kăp răng bĕ, kyuadah diih amâo thâo hruê, kăn thâo mông rei.”

Y-Mathiơ 26:38

Ñu lač kơ digơ̆, “Ai tiê Kâo ênguôt snăk păt čiăng djiê; dôk tinei leh anăn kăp răng mbĭt hŏng Kâo.”

Y-Mathiơ 6:13

Đăm atăt ba hmei hlăm klei mplư ôh, ƀiădah bi mtlaih hmei mơ̆ng Pô Jhat. [Kyuadah ƀuôn ala mtao, klei myang, leh anăn klei guh kơang pioh kơ Ih pô nanao hlŏng lar. Amen.]’

Y-Markôs 14:38

Brei diih kăp răng bĕ leh anăn wah lač, čiăng kơ diih amâo lĕ hlăm klei mplư ôh. Mngăt čiăng snăk, ƀiădah kđeh jing awăt.”

Y-Luk 11:4

Pap brei kơ klei soh hmei, kyuadah hmei pô pap brei mơh kơ grăp čô bi msoh kơ hmei leh; leh anăn đăm atăt ba hmei hlăm klei mplư ôh.’ ”

Y-Luk 21:36

Ƀiădah kăp răng nanao, leh anăn wah lač čiăng kơ diih mâo klei ktang dưi tlaih mơ̆ng jih klei srăng truh anăn, leh anăn dưi dôk dơ̆ng ti anăp Anak Mnuih.”

Y-Luk 22:40

Tơdah Ñu truh leh kơ anôk anăn, Ñu lač kơ digơ̆, “Wah lač bĕ, čiăng kơ diih amâo lĕ hlăm klei mplư ôh.”

Y-Luk 22:46

Leh anăn Ñu lač kơ digơ̆, “Si ngă diih dôk pĭt lĕ? Kgŭ wah lač bĕ, čiăng kơ diih amâo lĕ hlăm klei mplư ôh.”

Y-Luk 8:13

Mjeh lĕ ti boh tâo jing phung hmư̆ klei blŭ leh anăn mă tŭ hŏng klei hơ̆k, ƀiădah diñu amâo mâo agha ôh. Diñu đăo knŏng bhiâo, leh anăn tơdah mâo klei lông dlăng diñu lui wir.

Hră Y-Pôl Mơĭt kơ Phung Rôm 8:3

Kyuadah ya klei bhiăn amâo dưi ngă ôh, kyua kđeh bi awăt klei bhiăn, Aê Diê ngă leh. Klei Ñu ngă snei: Ñu tiŏ hriê Anak Ñu pô brei Gơ̆ jing mnuih msĕ si mnuih mâo kđeh drei, leh anăn jing mnơ̆ng ngă yang kơ klei soh; snăn Ñu phat kđi klei soh hlăm kđeh,

I Kôrantô 10:13

Amâo mâo ôh sa mta klei mplư truh kơ diih mdê hŏng klei truh kơ phung mkăn. Aê Diê jing sĭt suôr, leh anăn Ñu amâo brei ôh klei mplư truh kơ diih êgao hĭn kơ ai ktang diih, ƀiădah mbĭt hŏng klei mplư anăn Ñu srăng mkra mơh êlan diih dưi tlaih, čiăng kơ diih dưi gĭr tŭ klei anăn.

I Kôrantô 16:13

Dôk răng nanao. Dôk kjăp bĕ hlăm klei đăo. Brei diih jing jhŏng leh anăn ktang.

I Kôrantô 9:27

ƀiădah kâo bi knap asei mlei kâo leh anăn bi mjuăt ñu gưt, huĭdah leh kâo mtô kơ phung mkăn, kâo pô mơh Aê Diê srăng hngah.

Galati 5:24

Hlei pô jing dŏ Krist Yêsu pơ̆ng leh kđeh mbĭt hŏng klei ñu tluh leh anăn klei ñu čiăng ti kyâo bi kal.

Êphêsô 6:18

Hŏng Yang Mngăt Jăk wah lač jêñ jêñ leh anăn kwưh. Răng kơ klei anăn nanao hŏng klei gĭr, êjai wah lač brei kơ jih jang phung doh jăk.

I Y-Pêtrôs 4:7

Klei knhal tuč kơ jih jang mnơ̆ng giăm truh leh. Kyuanăn brei diih jing djŏ hnơ̆ng leh anăn thâo răng kơ klei wah lač.

I Y-Pêtrôs 5:8

Brei diih dôk djŏ hnơ̆ng leh anăn dôk răng. Pô roh diih yang jhat dar jŭm diih msĕ si êmông gu gruh, duah hlei pô ñu dưi hiêk ƀơ̆ng.

II Y-Pêtrôs 2:9

snăn Khua Yang thâo bi mtlaih phung mpŭ kơ Aê Diê mơ̆ng klei lông dlăng, leh anăn thâo pioh phung wê hlăm klei bi kmhal tơl truh Hruê Phat Kđi,

Klei Bi Êdah 16:15

(“Nĕ anei, Kâo hriê msĕ si sa čô mnuih knĕ! Jăk mơak yơh hlei pô dôk krŏng leh anăn răng kriê kơ čhiăm ao ñu, čiăng kơ ñu amâo êbat lưng mlŭn ôh leh anăn arăng amâo ƀuh klei hêñ ñu!”)

Klei Bi Êdah 3:10

Kyuadah ih djă pioh leh klei Kâo blŭ kơ klei gĭr, Kâo srăng mgang ih mơ̆ng mông mâo klei lông dlăng srăng truh kơ jih lăn ala, čiăng lông dlăng phung mnuih dôk ti lăn ala.