Y-Mathiơ 26:39 - Klei Aê Diê Blŭ 2015

³⁹ Yêsu nao kbưi ƀiă, buôn kŭp ƀô̆ ti lăn, leh anăn wah lač, “Ơ Ama Kâo, tơdah dưi, mă mđuĕ hĕ atŏ anei mơ̆ng Kâo; amâo djŏ tui si Kâo čiăng ôh, ƀiădah tui si Ih čiăng.”

Y-Mathiơ 26:39 Iomraidhean Croise

Klei Mphŭn Dơ̆ng 17:3

Y-Abram kŭp ƀô̆ ti lăn, leh anăn Aê Diê blŭ kơ ñu, lač,

II Y-Samuel 15:26

Ƀiădah tơdah Gơ̆ lač, ‘Kâo amâo mâo klei mơak ôh hŏng ih,’ nĕ tinei kâo, brei Ñu ngă kơ kâo tui si Ñu mĭn jăk.”

I Klei Yăl Dliê 21:16

Y-Đawit kngưr ală ñu ƀuh dĭng buăl jăk Yêhôwa dôk dơ̆ng plah wah lăn hŏng adiê, kngan gơ̆ djă đao gưm yơr leh ti dlông ƀuôn Yêrusalem. Hlăk anăn Y-Đawit leh anăn phung khua mduôn hơô klŭng buôn kŭp ƀô̆ diñu ti lăn.

Y-Êsai 50:5

Khua Yang Yêhôwa pŏk leh ƀăng knga kâo, kâo amâo bi kdơ̆ng ôh, kâo amâo wir phă tluôn ôh.

Y-Êsai 53:12

Kyuanăn Kâo srăng bi mbha kơ Ñu sa kdrêč mbĭt hŏng phung prŏng, leh anăn Gơ̆ srăng bi mbha dŏ plah mă mbĭt hŏng phung ktang, kyuadah Gơ̆ jao klei hdĭp Gơ̆ tơl djiê, leh anăn arăng yap Gơ̆ mbĭt hŏng phung gao klei bhiăn. Ƀiădah Gơ̆ klam leh klei soh lu mnuih, leh anăn wah lač brei kơ phung gao klei bhiăn.

Y-Êsêkiêl 1:28

Msĕ si kêñ krô ti knam êjai hruê mâo êa hjan, msĕ snăn mơh mâo klei mngač jŭm dar ñu. Msĕ snăn yơh kâo ƀuh klei bi êdah klei guh kơang Yêhôwa. Tơdah kâo ƀuh klei anăn, kâo buôn kŭp ƀô̆ ti lăn, leh anăn kâo hmư̆ asăp sa čô dôk blŭ.

Klei Yap 14:5

Hlăk anăn Y-Môis leh anăn Y-Arôn buôn kŭp ƀô̆ ti lăn ti anăp jih jang phung ƀuôn sang Israel bi kƀĭn.

Klei Yap 16:22

Digơ̆ kŭp ƀô̆ ti lăn leh anăn lač, “Ơ Aê Diê, Aê Diê kơ mngăt jih jang kđeh, sa čô mnuih ngă soh leh anăn Ih srăng ngêñ wăt kơ jih jang phung bi kƀĭn mơ̆?”

Y-Mathiơ 20:22

Ƀiădah Yêsu lŏ wĭt lač, “Diih amâo thâo săng ôh ya klei diih akâo. Dưi mơ̆ diih mnăm atŏ Kâo srăng mnăm?” Digơ̆ lŏ wĭt lač, “Hmei dưi mơh.”

Y-Mathiơ 24:24

Kyuadah srăng mâo lu Krist soh leh anăn lu khua pô hưn êlâo soh, diñu srăng ngă klei bi knăl prŏng leh anăn klei yuôm bhăn, čiăng mplư wăt phung Aê Diê ruah leh, tơdah dưi.

Y-Mathiơ 26:42

Ñu lŏ nao tal dua leh anăn wah lač, “Ơ Ama Kâo, tơdah Ih amâo dưi mă atŏ anei ôh mơ̆ng Kâo tơl Kâo mnăm leh, brei truh tui si Ih čiăng.”

Y-Markôs 13:22

Srăng mâo lu Krist soh leh anăn lu khua pô hưn êlâo soh. Diñu srăng bi êdah klei bi knăl mdê leh anăn klei yuôm bhăn, čiăng mplư wăt phung Aê Diê ruah leh, tơdah dưi.

Y-Luk 17:16

Gơ̆ buôn kŭp ƀô̆ ti lăn ti jơ̆ng Yêsu, leh anăn bi mni kơ Ñu. Pô anăn jing sa čô Samari.

Y-Yôhan 11:41

Snăn diñu bi klŭng hĕ boh tâo anăn. Yêsu angưi ală leh anăn lač, “Ơ Ama, Kâo bi mni kơ Ih kyuadah Ih hmư̆ leh Kâo.

Y-Yôhan 14:31

ƀiădah Kâo ngă tui si Ama mtă leh kơ Kâo, čiăng kơ lăn ala dưi thâo Kâo khăp kơ Ama. Kgŭ bĕ, brei drei nao.”

Y-Yôhan 18:11

Yêsu lač kơ Y-Pêtrôs, “Lŏ hrô đao gưm ih hlăm hrŭm gơ̆. Kâo amâo srăng mnăm hĕ atŏ Ama Kâo brei leh kơ Kâo?”

Y-Yôhan 5:19

Yêsu lač kơ digơ̆, “Kâo lač kơ diih klei sĭt nik, Anak amâo dưi ngă sa mta bruă tui si Ñu pô čiăng ôh, ƀiădah knŏng msĕ si Ñu ƀuh Ama ngă. Kyuadah ya bruă Ama ngă, Anak ngă msĕ mơh.

Y-Yôhan 5:30

“Hŏng klei dưi Kâo pô Kâo amâo dưi ngă sa mta klei ôh. Kâo phat kđi tui si Kâo hmư̆; leh anăn klei Kâo phat kđi jing kpă, kyuadah Kâo amâo duah klei Kâo pô čiăng ôh, ƀiădah tui si klei Pô tiŏ hriê Kâo čiăng.

Y-Yôhan 6:38

Kyuadah Kâo trŭn leh mơ̆ng adiê, amâo djŏ ngă klei Kâo pô čiăng ôh, ƀiădah klei Pô tiŏ hriê Kâo čiăng.

Bruă Phung Khua Ƀĭng Kna 10:25

Tơdah Y-Pêtrôs mŭt, Y-Kornei drông ñu leh anăn buôn ti jơ̆ng kkuh mpŭ kơ ñu.

Philip 2:8

Leh Ñu jing sa čô mnuih, Ñu bi luă gŭ Ñu pô, leh anăn gưt asăp tơl djiê, wăt klei djiê ti kyâo bi kal.

Hêbrơ 5:7

Êjai Ñu dôk hdĭp hlăm asei mlei, Yêsu wah lač leh anăn kwưh hŏng klei ur ktang leh anăn hŏng êa ală kơ Pô dưi bi mtlaih Ñu mơ̆ng klei djiê; leh anăn Aê Diê hmư̆ Ñu leh kyua Ñu huĭ mpŭ kơ Aê Diê.

Klei Bi Êdah 19:10

Kâo buôn ti jơ̆ng ñu čiăng kkuh mpŭ kơ ñu, ƀiădah ñu lač kơ kâo, “Đăm ngă snăn ôh! Kâo jing dĭng buăl mă bruă mbĭt hŏng ih leh anăn hŏng phung ayŏng adei ih djă pioh klei Yêsu hưn. Kkuh mpŭ bĕ kơ Aê Diê.” Kyuadah klei Yêsu hưn jing mngăt klei hưn êlâo.