Y-Mathiơ 26:32 - Klei Aê Diê Blŭ 2015

³² Ƀiădah leh Kâo kbiă lŏ hdĭp, Kâo srăng nao êlâo kơ diih kơ čar Galilê.”

Y-Mathiơ 26:32 Iomraidhean Croise

Y-Mathiơ 16:21

Dơ̆ng mơ̆ng hruê anăn Yêsu dơ̆ng bi êdah kơ phung ƀĭng kna Ñu kơ Ñu srăng nao ti ƀuôn Yêrusalem leh anăn tŭ lu klei knap mñai mơ̆ng phung khua mduôn, phung knơ̆ng khua ngă yang, leh anăn phung khua čih hră. Phung anăn srăng bi mdjiê Ñu, ƀiădah ti hruê tal tlâo Ñu srăng lŏ hdĭp.

Y-Mathiơ 20:19

Diñu srăng jao Gơ̆ kơ phung tue čiăng kơ arăng tlao mưč, čăm Gơ̆ hŏng klei hnuăt, leh anăn pơ̆ng Gơ̆ ti kyâo bi kal; ƀiădah ti hruê tal tlâo Ñu srăng lŏ hdĭp.”

Y-Mathiơ 26:33

Y-Pêtrôs hưn kơ Ñu, “Wăt tơdah jih jang srăng êran đuĕ lui Ih, kâo amâo srăng lui Ih ôh.”

Y-Mathiơ 28:10

Leh anăn Yêsu lač kơ diñu, “Đăm huĭ ôh; nao hưn kơ phung ayŏng adei Kâo brei digơ̆ nao kơ čar Galilê, tinăn digơ̆ srăng ƀuh Kâo.”

Y-Mathiơ 28:16

Phung pluh sa čô ƀĭng kna nao kơ čar Galilê ti čư̆ Yêsu mtă kơ diñu leh.

Y-Markôs 14:28

Ƀiădah leh Kâo kbiă lŏ hdĭp, Kâo srăng nao êlâo kơ diih kơ čar Galilê.”

Y-Markôs 16:7

Ară anei nao hưn bĕ kơ phung ƀĭng kna Ñu leh anăn kơ Y-Pêtrôs, ‘Yêsu nao êlâo kơ diih kơ čar Galilê. Tinăn diih srăng ƀuh Ñu, msĕ si Ñu hưn leh kơ diih.’ ”

I Kôrantô 15:6

Leh anăn Ñu bi êdah Ñu pô êbeh kơ êma êtuh čô phung ayŏng adei đăo hlăm sa blư̆. Lu hlăm phung anăn ăt dôk hdĭp, knŏng ƀiă djiê leh.