Y-Mathiơ 26:29 - Klei Aê Diê Blŭ 2015

²⁹ Kâo hưn kơ diih, Kâo amâo srăng lŏ mnăm ôh êa boh kriăk ƀâo anei tơl hruê Kâo srăng lŏ mnăm êa boh kriăk ƀâo mrâo mbĭt hŏng diih hlăm ƀuôn ala mtao Ama Kâo.”

Y-Mathiơ 26:29 Iomraidhean Croise

Klei Mmuñ Hđăp 104:15

Kpiê čiăng bi mơak ai tiê mnuih, êa boh ôliwơ brei ƀô̆ mta ñu mngač, leh anăn kpŭng bi ktang ai tiê ñu.

Klei Mmuñ Hđăp 4:7

Ih dưm hlăm ai tiê kâo klei mơak, êbeh hĭn kơ diñu mâo tơdah mdiê leh anăn kpiê diñu jing lu.

Klei Mmuñ Hđăp 40:3

Ñu dưm leh sa klei mmuñ mrâo hlăm ƀăng êgei kâo, sa klei mmuñ bi mni kơ Aê Diê drei. Lu mnuih srăng ƀuh klei anăn leh anăn huĭ, leh anăn diñu srăng knang kơ Yêhôwa.

Klei Mmuñ Siam Hĭn 5:1

Ơ adei kâo, mô̆ kâo, kâo hriê kơ war djam kâo, kâo pĕ êa mir wăt mnơ̆ng ƀâo mngưi kâo, kâo ƀơ̆ng ksing hnuê wăt êa hnuê kâo, kâo mnăm kpiê kâo wăt êa ksâo êmô kâo. Phung găp Ơ phung mah jiăng hmei, ƀơ̆ng leh anăn mnăm bĕ; Ơ phung bi khăp, mnăm bĕ bi hrăp!

Y-Êsai 25:6

Ti čư̆ anei Yêhôwa kơ phung kahan srăng mkra klei huă mnăm hŏng mnơ̆ng êmŏng kơ jih jang phung ƀuôn sang, klei huă mnăm kpiê hđăp, mnơ̆ng êmŏng bŏ hŏng dlô klang, kpiê hđăp arăng kar leh.

Y-Êsai 53:11

Leh mngăt Gơ̆ tŭ klei knap mñai, Gơ̆ srăng ƀuh boh tŭ dưn mơ̆ng klei knap anăn leh anăn srăng mơak. Hŏng klei Gơ̆ thâo mĭn Dĭng Buăl Kpă ênô Kâo srăng brei arăng yap kpă ênô lu mnuih; leh anăn Gơ̆ srăng klam klei wê diñu.

Y-Sôphôni 3:17

Yêhôwa Aê Diê ih dôk ti krah ih, Ñu jing Pô mâo klei myang dưi bi mtlaih ih; Ñu srăng hơ̆k êdi kyua ih, Ñu srăng lŏ bi êdah kơ ih klei Ñu khăp. Ñu srăng hơ̆k kyua ih hŏng klei mmuñ kraih.”

Y-Sakari 9:17

Sĭt yơh, prŏng êdi klei jăk leh anăn siam ñu! Mdiê srăng lŏ bi ktang phung êkei hlăk ai, leh anăn kpiê mrâo kơ phung mniê êra.

Y-Mathiơ 13:43

Leh anăn phung kpă ênô srăng mtrang msĕ si yang hruê hlăm ƀuôn ala mtao Ama diñu. Hlei pô mâo knga, brei ñu hmư̆ bĕ.”

Y-Mathiơ 16:28

Sĭt nik Kâo lač kơ diih, mâo đa đa dôk tinei amâo srăng djiê ôh êlâo kơ diñu ƀuh Anak Mnuih hriê hlăm ƀuôn ala mtao Ñu.”

Y-Mathiơ 18:20

Kyuadah ti anôk mâo dua tlâo čô bi kƀĭn hlăm anăn Kâo, tinăn Kâo dôk mbĭt hŏng diñu.”

Y-Mathiơ 25:34

Leh anăn Mtao srăng lač kơ phung tĭng hnuă Ñu, ‘Hriê bĕ, Ơ phung Ama Kâo hơêč hmưi leh, brei diih mă tŭ ƀuôn ala mtao mkra leh kơ diih mơ̆ng mphŭn hrih lăn ala.

Y-Mathiơ 26:28

kyuadah anei jing êrah Kâo, êrah kơ klei bi mguôp tuh kyua lu mnuih čiăng pap brei klei soh diñu.

Y-Mathiơ 26:30

Leh diñu mmuñ sa klei, diñu kbiă nao kơ Čư̆ Ôliwơ.

Y-Mathiơ 28:20

bi hriăm diñu brei gưt jih jang klei Kâo mtă leh kơ diih. Leh anăn nĕ anei, Kâo dôk mbĭt hŏng diih nanao tơl knhal tuč lăn ala.”

Y-Markôs 14:25

Sĭt nik Kâo lač kơ diih, Kâo amâo srăng lŏ mnăm ôh êa boh kriăk ƀâo tơl hruê Kâo srăng mnăm êa boh kriăk ƀâo mrâo hlăm ƀuôn ala mtao Aê Diê.”

Y-Luk 12:32

“Đăm huĭ ôh, Ơ êpul biăp điêt, kyuadah Ama diih mơak brei kơ diih ƀuôn ala mtao Ñu.

Y-Luk 15:32

Jing djŏ leh drei ngă klei mơak, kyuadah adei ih anei djiê leh, ƀiădah ară anei gơ̆ lŏ hdĭp leh. Gơ̆ luč leh, ƀiădah ară anei lŏ ƀuh leh.’ ”

Y-Yôhan 15:11

Jih klei anăn Kâo lač leh kơ diih, čiăng kơ klei mơak Kâo dưi dôk hlăm diih, leh anăn čiăng kơ klei mơak diih dưi jing klă ênŭm.

Y-Yôhan 16:22

Snăn mơh ară anei diih mâo klei ênguôt, ƀiădah Kâo srăng lŏ ƀuh diih, leh anăn ai tiê diih srăng hơ̆k mơak, leh anăn arăng amâo dưi mă ôh klei hơ̆k mơak anăn mơ̆ng diih.

Y-Yôhan 17:13

Ƀiădah ară anei Kâo wĭt kơ Ih. Kâo lač klei anei hlăm lăn ala, čiăng kơ klei hơ̆k mơak Kâo dưi bi sĭt hlăm ai tiê diñu.

Bruă Phung Khua Ƀĭng Kna 10:41

amâo djŏ kơ jih jang phung ƀuôn sang ôh, ƀiădah kơ hmei phung Aê Diê ruah leh jing phung hưn bi sĭt. Hmei ƀơ̆ng mnăm leh mbĭt hŏng Ñu leh Ñu kbiă lŏ hdĭp mơ̆ng phung djiê.

Hêbrơ 12:2

êjai dlăng kơ Yêsu, Pô khua leh anăn Pô bi klă klei đăo drei. Kyua klei mơak pioh leh ti anăp Ñu, Ñu tŭ klei knap mñai ti kyâo bi kal, amâo uêñ ôh tŭ klei hêñ, leh anăn dôk gŭ leh tĭng hnuă kơ jhưng mtao Aê Diê.

Klei Bi Êdah 14:3

Leh anăn digơ̆ mmuñ sa klei mmuñ mrâo ti anăp jhưng mtao, ti anăp pă drei mnơ̆ng hdĭp, leh anăn ti anăp phung khua mduôn. Amâo mâo pô ôh dưi hriăm klei mmuñ anăn, knŏng phung sa êtuh pă pluh pă êbâo čô Aê Diê bi tui leh mơ̆ng lăn ala.

Klei Bi Êdah 7:17

Kyuadah Êđai Biăp dôk ti krah jhưng mtao srăng jing mgăt diñu, leh anăn Ñu srăng atăt diñu kơ akŏ êa hdĭp; leh anăn Aê Diê srăng sut jih êa ală mơ̆ng ală diñu.”