Y-Mathiơ 26:25 - Klei Aê Diê Blŭ 2015

²⁵ Y-Yuđas, pô lhiăr kơ Ñu, lač, “Djŏ mơ̆ kâo, Ơ Nai?” Yêsu lač kơ gơ̆, “Ih pô lač leh klei anăn.”

Y-Mathiơ 26:25 Iomraidhean Croise

II Bruă Mtao 5:25

Ñu mŭt hlăm sang dôk dơ̆ng ti anăp khua ñu, leh anăn Y-Êlisê lač kơ ñu, “Ti ih nao knuê, Ơ Y-Gêhasi?” Ñu lač, “Dĭng buăl ih amâo mâo anôk nao ôh.”

Klei Bi Hriêng 30:20

Anei jing klei mniê tlĕ piu ngă, ñu ƀơ̆ng leh anăn sut ƀăng êgei, leh anăn lač, “Kâo amâo tuôm ngă klei soh ôh.”

Y-Mathiơ 23:7

čiăng kơ arăng kkuh kơ diñu hlăm sang mnia, leh anăn čiăng arăng pia Rabi (čiăng lač Nai) kơ diñu.

Y-Mathiơ 23:8

Ƀiădah đăm brei arăng pia Rabi kơ diih ôh, kyuadah diih mâo knŏng sa čô Nai, leh anăn jih jang diih jing ayŏng adei.

Y-Mathiơ 26:14

Hlăk anăn sa čô hlăm phung pluh dua čô, anăn ñu Y-Yuđas Iskariôt, nao kơ phung knơ̆ng khua ngă yang

Y-Mathiơ 26:49

Mtam ñu nao kơ Yêsu leh anăn lač, “Kkuh kơ Ih, Ơ Nai!” Leh anăn čŭm Yêsu.

Y-Mathiơ 26:64

Yêsu lač kơ ñu, “Ih pô lač leh klei anăn. Kdlưn hĭn kơ anăn Kâo hưn kơ diih, sa hruê êdei diih srăng ƀuh Anak Mnuih dôk gŭ tĭng hnuă kơ Pô Myang leh anăn lŏ hriê ti knam hlăm adiê.”

Y-Mathiơ 27:11

Yêsu dôk ti anăp khua čar; leh anăn khua čar êmuh kơ Ñu, “Djŏ mơ̆ ih jing Mtao phung Yuđa?” Yêsu lač kơ gơ̆, “Djŏ si ih lač leh.”

Y-Luk 22:70

Jih jang diñu lač, “Snăn ih jing Anak Aê Diê hĕ?” Yêsu lač kơ phung anăn, “Diih lač leh hlei Kâo jing.”

Y-Yôhan 18:37

Aê Pilat lač kơ Yêsu, “Snăn ih jing mtao hĕ?” Yêsu lŏ wĭt lač, “Ih lač djŏ leh Kâo jing sa čô mtao. Kyua klei anăn arăng kkiêng leh kơ Kâo, leh anăn kyua klei anăn Kâo hriê leh hlăm lăn ala, čiăng hưn klei sĭt nik. Grăp čô hlei pô kbiă mơ̆ng klei sĭt nik hmư̆ asăp Kâo.”

Y-Yôhan 4:31

Êjai anăn phung ƀĭng kna mgô̆ Yêsu, “Ơ Nai, huă ƀơ̆ng bĕ.”