Y-Mathiơ 26:18 - Klei Aê Diê Blŭ 2015

¹⁸ Ñu lač, “Nao kơ sa čô êkei hlăm ƀuôn prŏng leh anăn lač kơ gơ̆, ‘Nai lač, Mông Kâo giăm truh leh. Kâo srăng hdơr mpŭ Knăm Klei Găn ti sang ih mbĭt hŏng phung ƀĭng kna Kâo.’ ”

Y-Mathiơ 26:18 Iomraidhean Croise

Y-Mathiơ 21:3

Tơdah arăng êmuh kơ diih, brei diih lač, ‘Khua Yang čiăng kơ digơ̆.’ Pô anăn srăng brei diih đoh ba mtam.”

Y-Mathiơ 23:10

Kăn brei arăng pia kơ diih khua rei, kyuadah diih mâo knŏng sa čô Khua, jing Krist.

Y-Mathiơ 23:8

Ƀiădah đăm brei arăng pia Rabi kơ diih ôh, kyuadah diih mâo knŏng sa čô Nai, leh anăn jih jang diih jing ayŏng adei.

Y-Mathiơ 26:19

Phung ƀĭng kna ngă tui si Yêsu mtă kơ diñu, leh anăn diñu mkra Knăm Klei Găn.

Y-Mathiơ 26:2

“Diih thâo adôk dua hruê srăng truh Knăm Klei Găn, leh anăn arăng srăng jao Anak Mnuih brei arăng pơ̆ng Ñu ti kyâo bi kal.”

Y-Mathiơ 26:49

Mtam ñu nao kơ Yêsu leh anăn lač, “Kkuh kơ Ih, Ơ Nai!” Leh anăn čŭm Yêsu.

Y-Markôs 5:35

Êjai Yêsu ăt dôk blŭ, mâo đa đa mnuih hriê mơ̆ng sang Y-Jairus leh anăn lač, “Anak mniê ih djiê leh. Ya yuôm lŏ bi dleh Nai lĕ?”

Y-Luk 22:53

Êjai Kâo dôk mbĭt hŏng diih grăp hruê hlăm sang kkuh mpŭ, diih amâo mă Kâo ôh. Ƀiădah ară anei jing mông diih leh anăn klei myang klei mmăt.”

Y-Yôhan 11:28

Tơdah leh H'Mart lač klei anei, gơ̆ đuĕ nao leh anăn iêô H'Mari adei gơ̆, leh anăn lač djơ djĕ, “Nai tinei, leh anăn Ñu iêô ih.”

Y-Yôhan 12:23

Yêsu lŏ wĭt lač kơ digơ̆, “Mông truh leh brei Anak Mnuih mă tŭ klei guh kơang.

Y-Yôhan 13:1

Êlâo kơ hruê Knăm Klei Găn, Yêsu thâo mông truh leh brei Ñu kbiă đuĕ mơ̆ng lăn ala wĭt kơ Ama. Ñu khăp leh kơ phung Ñu hlăm lăn ala, leh anăn Ñu khăp kơ digơ̆ tơl knhal tuč.

Y-Yôhan 17:1

Tơdah Yêsu blŭ leh klei anăn, Ñu angưi ală phă adiê leh anăn lač, “Ơ Ama, mông truh leh; bi guh kơang bĕ Anak Ih, čiăng kơ Anak dưi bi guh kơang Ih;

Y-Yôhan 20:16

Yêsu lač kơ ñu, “Ơ H'Mari.” H'Mari wir dlăng leh anăn lač kơ ñu hlăm klei Hêbrơ, “Rabôni!” (čiăng lač “Nai”).

Y-Yôhan 7:30

Snăn diñu duah čiăng mă čăp Yêsu, ƀiădah amâo mâo pô ruêh Gơ̆ ôh, kyuadah mông Gơ̆ ka truh.

Y-Yôhan 7:6

Yêsu lač kơ digơ̆, “Mông Kâo ka truh ôh, ƀiădah mông găl kơ diih mâo nanao.

Y-Yôhan 7:8

Diih nao bĕ kơ hruê knăm. Kâo ka nao ôh, kyuadah mông Kâo ka truh sĭt ôh.”