Y-Mathiơ 26:15 - Klei Aê Diê Blŭ 2015

¹⁵ leh anăn lač, “Ya mnơ̆ng diih srăng brei kơ kâo tơdah kâo jao Yêsu kơ diih?” Phung anăn brei kơ ñu tlâo pluh asăr prăk.

Y-Mathiơ 26:15 Iomraidhean Croise

Klei Mphŭn Dơ̆ng 38:16

Y-Yuđa nao kơ ñu ti djiêô êlan, lač, “Brei kâo dôk hŏng ih,” kyuadah gơ̆ amâo thâo ôh ñu jing mtâo mniê gơ̆. H'Tamar lač, “Ya mnơ̆ng ih srăng brei kơ kâo, čiăng kơ ih dưi dôk hŏng kâo?”

Klei Kbiă 21:32

Tơdah êmô mnuh sa čô hlŭn, êkei amâodah mniê, brei pô êmô brei tlâo pluh sêkel prăk kơ khua hlŭn, leh anăn brei arăng bhĭr boh tâo bi mdjiê êmô.

Y-Êsai 56:11

Jih jang asâo anăn ră, amâo thâo trei ôh. Diñu jing phung mgăt biăp amâo mâo klei thâo săng ôh; jih jang diñu wir tui êlan diñu pô, grăp čô čiăng ƀơ̆ng đĭ kơ ñu pô sơăi.

Bruă Lêwi 27:4

Tơdah pô anăn jing mniê, klei ih tĭng ênoh srăng jing tlâo pluh sêkel.

Y-Mathiơ 10:4

Y-Simôn mnuih čar Kanaan, leh anăn Y-Yuđas Iskariôt pô lhiăr kơ Ñu.

Y-Mathiơ 26:16

Dơ̆ng mơ̆ng mông anăn ñu duah hruê găl dưi jao Yêsu.

Bruă Phung Khua Ƀĭng Kna 1:18

(Êkei anăn blei leh sa bĭt hma hŏng prăk mưn klei soh ñu. Leh anăn ñu lĕ mkŭp, tian ñu kblač, leh anăn jih jang prôč tiê ñu kbiă kơ tač.

I Y-Timôthê 3:3

amâo jing mnuih kpiê ruă ôh, amâo jing mnuih krêñ ôh ƀiădah êdu, amâo bi mneh msao, amâo khăp kơ prăk ôh.

II Y-Pêtrôs 2:3

Hŏng klei tluh phung khua pô mtô soh srăng blŭ mčeh mă čiăng ƀơ̆ng ngăn diih; ƀiădah mơ̆ng sui klei phat kđi mkra leh kơ diñu, leh anăn Pô bi rai diñu amâo pĭt ôh.

Phung Khua Phat Kđi 16:5

Phung khua phung Philistin nao kơ mniê anăn leh anăn lač kơ gơ̆, “Mplư ñu čiăng thâo mơ̆ng ñu mâo klei ktang anăn, leh anăn si hmei srăng dưi hŏng ñu, čiăng hmei dưi čăp ñu leh anăn mđăo ñu. Leh anăn grăp čô hmei srăng brei kơ ih sa êbâo sa êtuh klŏ prăk.”

Phung Khua Phat Kđi 17:10

Y-Mika lač kơ ñu, “Dôk mbĭt hŏng kâo, brei ih jing kơ kâo ama leh anăn khua ngă yang, leh anăn kâo srăng brei kơ ih pluh klŏ prăk hlăm sa thŭn, sa blah čhiăm ao hơô, leh anăn mnơ̆ng ih ƀơ̆ng huă.”