Y-Mathiơ 26:10 - Klei Aê Diê Blŭ 2015

¹⁰ Yêsu thâo klei anăn, snăn Yêsu lač kơ diñu, “Si ngă diih bi dleh kơ mniê anei? Gơ̆ ngă leh sa klei jăk snăk kơ Kâo.

Y-Mathiơ 26:10 Iomraidhean Croise

Y-Nêhêmi 2:18

Kâo hưn kơ diñu kơ kngan Aê Diê kâo dôk leh ti kâo kơ klei jăk, leh anăn msĕ mơh kơ klei blŭ mtao hưn leh kơ kâo. Diñu lač, “Bơ bĕ drei kgŭ leh anăn mdơ̆ng.” Snăn diñu bi ktang kngan diñu kơ bruă jăk.

Y-Yôp 13:7

Si ngă, diih srăng blŭ hŏng klei čhuai mơ̆ bi ala kơ Aê Diê? leh anăn blŭ hŏng klei mplư mơ̆ bi ala kơ Ñu?

Y-Mathiơ 26:11

Kyuadah diih mâo phung ƀun ƀin mbĭt hŏng diih nanao, ƀiădah Kâo amâo srăng dôk nanao mbĭt hŏng diih ôh.

Y-Mathiơ 26:9

Kyuadah êa ƀâo mngưi anei arăng dưi čhĭ yuôm snăk, leh anăn bi mbha prăk anăn kơ phung ƀun ƀin.”

Y-Markôs 14:6

Ƀiădah Yêsu lač, “Lui măng ai gơ̆. Si ngă diih bi rŭng gơ̆? Gơ̆ ngă klei jăk kơ Kâo.

Y-Luk 8:49

Êjai Ñu ăt dôk blŭ, mâo sa čô hriê mơ̆ng sang khua sang bi kƀĭn leh anăn lač, “Anak mniê ih djiê leh, đăm lŏ bi dleh Nai ôh.”

II Kôrantô 9:8

Leh anăn Aê Diê dưi brei kơ diih jih klei pap êbeh dlai, čiăng kơ diih dưi mâo djăp mta mnơ̆ng nanao, leh anăn dưi brei lu êbeh kơ djăp mta bruă jăk.

Galati 1:7

amâo djŏ ôh mâo klei mrâo mrang jăk mkăn, ƀiădah mâo đa đa mnuih bi rŭng klei mĭn diih leh anăn čiăng bi msoh klei mrâo mrang jăk Krist.

Galati 5:12

Kâo čiăng kơ phung bi rŭng diih jăk hĭn khăt mă diñu pô.

Galati 6:17

Mơ̆ng anei kơ anăp đăm brei sa čô mnuih bi dleh kâo ôh; kyuadah kâo djă ti asei mlei kâo gru Yêsu.

Êphêsô 2:10

Kyuadah drei jing bruă Ñu, Ñu hrih leh hlăm Krist Yêsu pioh kơ bruă jăk Aê Diê mkra leh mơ̆ng êlâo, čiăng brei drei tui ngă.

Kôlôs 1:10

čiăng kơ diih hdĭp năng kơ Khua Yang, bi mơak kơ Ñu hlăm jih jang klei, mâo boh tŭ dưn hlăm jih jang bruă jăk, lŏ bi mđĭ klei thâo kral Aê Diê.

II Têsalônik 2:17

bi juh leh anăn bi kjăp ai tiê diih hlăm djăp mta bruă jăk leh anăn klei blŭ jăk.

I Y-Timôthê 3:1

Klei blŭ anei jing sĭt nik: tơdah sa čô čiăng jing khua pô mtô, ñu čiăng kơ bruă yuôm yơh.

I Y-Timôthê 5:10

Brei ñu mâo hing ang mă bruă jăk, msĕ si sa čô tuôm rông leh phung anak, thâo jum phung tue, tuôm rao jơ̆ng phung doh jăk, thâo đru phung knap mñai, leh anăn jao ñu pô ngă djăp mta bruă jăk.

II Y-Timôthê 2:21

Kyuanăn hlei bi doh ñu pô mơ̆ng klei čhŏ mrŏ anăn, ñu srăng jing čhiên mngan khua yua kơ bruă mpŭ, doh jăk, leh anăn tŭ dưn kơ khua ñu, pioh kơ jih bruă jăk.

Y-Tit 1:16

Diñu hưn kơ diñu thâo kral Aê Diê, ƀiădah diñu hngah Aê Diê hŏng bruă diñu ngă. Diñu jing phung arăng bi êmut, phung amâo gưt asăp ôh, leh anăn amâo dưi ngă sa mta bruă jăk ôh.

Y-Tit 2:14

Ñu jao leh Ñu pô kyua drei čiăng bi tui drei mơ̆ng jih jang klei wê, leh anăn čiăng bi doh jăk drei pioh kơ Ñu pô sa phung ƀuôn sang hur har kơ bruă jăk.

Y-Tit 3:1

Bi hdơr bĕ kơ diñu brei thâo đup gưt kơ phung khua kiă kriê leh anăn kơ phung mâo klei dưi hlăm knŭk kna, thâo gưt asăp, kăp ngă jih bruă jăk,

Y-Tit 3:14

Brei phung đăo tinăn gĭr ngă bruă jăk čiăng dưi đru mtam tơdah mâo klei kƀah jêč, snăn đăm diñu kƀah mboh klei thâo đru.

Y-Tit 3:8

Klei blŭ anăn jing sĭt. Kâo čiăng kơ ih mtă bi sĭt kơ klei anăn, čiăng kơ phung đăo leh kơ Aê Diê srăng pioh jih ai tiê ngă bruă jăk. Klei anăn jăk snăk leh anăn yuôm kơ mnuih.

Hêbrơ 13:21

brei kơ diih klei dưi ngă djăp mta bruă jăk, čiăng kơ diih dưi ngă klei Ñu čiăng, êjai Ñu mă bruă hlăm diih klei bi mơak kơ Ñu hlăm Yêsu Krist. Kơ Ñu yơh brei mâo klei guh kơang hlăm jih jang ênuk. Amen.

I Y-Pêtrôs 2:12

Brei diih dôk dơ̆ng ƀơ̆ng huă jăk nanao ti krah phung amâo đăo, čiăng kơ tơdah diñu mčeh kơ diih jing mnuih ngă jhat, diñu dưi ƀuh bruă jăk diih ngă leh anăn mpŭ mni kơ Aê Diê ti hruê Ñu srăng lŏ hriê.